എസ്. എൻ. വി.സംസ്കൃത ഹൈസ്കൂൾ തിരുവല്ല/ഗ്രന്ഥശാല

വായന ഒരു സംസ്കാരമാണ്. മതിൽ ക്കെട്ടുകൾ ഇല്ലാതെ രാജ്യതിർത്തികളില്ലാതെ ഒരുവനിലേക്ക് വിശ്വ മാനവൻ എന്ന വിശാല കാഴ്ചപ്പാട് വളർത്തുന്ന വലിയ സംസ്കാരം . ആ സംസ്കാരത്തിന്റെ വിത്തുകൾ കുട്ടികളിലേക്ക് പാകി തുടങ്ങേണ്ടത് സ്കൂൾ വിദ്യാഭ്യാസ കാലഘട്ടത്തിലാണ്.അവിടെയാണ് ഏഴായിരത്തിൽ പരം പുസ്തകം ഉൾപ്പെടുന്ന എസ് എൻ വി എസ് ഹൈസ്കൂളിലെ ലൈബ്രറി യുടെ പ്രാധാന്യം വ്യക്തമാകുന്നത്..കേവലം കൊടുക്കൽ വാങ്ങലുകൾ മാത്രമായി ഒതുങ്ങാതെ... സജീവ ഇടപെടലുകൾ നടത്തി കുട്ടികളെ വായ്ച്ചു വളരാൻ പ്രേരിപ്പിക്കുക കൂടിയാണ് ഈ ഗ്രന്ഥശാലയുടെ ലക്ഷ്യം.അത് കൊണ്ട് തന്നെ വായനാദിന ആഘോഷവുമായി ബന്ധപ്പെട്ടു വായനാകുറിപ്പ് തയ്യാറാക്കൽ,എഴുത്തുകാരെ പരിചയപ്പെടൽ, താളാത്മകമായ പുസ്തക വായന,പുസ്തക പ്രദർശനം തുടങ്ങി ഒട്ടനവധി പരിപാടികൾ സംഘടിപ്പിക്കാറുണ്ട്..