തളരരുതെ തളരരുതെ
കൊറോണ എന്ന വൈറസിനുമുന്നിൽ
നിപ്പ എന്ന വീരനെ തോൽപ്പിച്ച
ചരിത്രം പാഠമായ് എന്നും നമ്മുടെ
മുന്നിലുണ്ടല്ലോ....
ദുർബലരാകരുതെ വീറോടെ
പൊരുതുവിൻ വിജയം കൈവരിക്കുവിൻ
ശക്തിയേകി, തണലേകി, കരുത്തേകി
നമ്മുടെ കൂടെയുണ്ടല്ലോ
അജയ്യരായ നമ്മുടെ സന്നദ്ധപ്രവർത്തകർ
സ്നേഹമോടെ കരുതലോടെ,
സ്വീകരിക്കുവിൻ ആ നൽവാക്കുകളെല്ലാം
നമ്മേത്തന്നെ രക്ഷിക്കുവിൻ
വ്യക്തിശുചിത്വം പാലിക്കുവിൻ
മാനവരാശിയെ രക്ഷിക്കുക എന്നതു നമ്മുടെ
കടമയാണെന്നോർക്കുവിൻ പ്രിയരെ
നമ്മുടെ തന്നെ നാശം ഒരിക്കലും നാം തന്നെയാകരുതേ
ഇന്ന് ഒരു മനസ്സോടെ അകന്നിരുന്നാൽ
നാളെ നമുക്ക് ഒരുമിച്ചിരിക്കാം ആഹ്ളാദത്തോടെ
സാനിറ്റൈസറും, മാസ്കും നമ്മുടെ സന്തതസഹചാരിക
-ളാക്കാൻ മറക്കേണ്ട
ഒപ്പം സാമൂഹിക അകലവും പാലിക്കാൻ മറക്കേണ്ട.
ഇന്നത്തെ അകലം നാളത്തെ അടുപ്പമായ്
മാറുമെന്നോർക്കുക
ഒപ്പം പ്രണമിക്കുക ആ വെള്ളരിപ്രാവുകളെ
കൺചിമ്മാതെ നമ്മെ കാക്കുന്ന മാലാഖമാരേ
