"ബി സി ജി എച്ച് എസ് കുന്നംകുളം/അക്ഷരവൃക്ഷം/എന്റെ യാത്ര" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<p>എൻ്റെ പേര് കുട്ടൻ മാങ്ങ എന്നാണ്. എൻ്റെ സഹോദരങ്ങളും അമ്മയും അങ്ങനെ വിളിച്ചു പോന്നു. കേരളത്തിലെ മനോഹരമായ ഒരു ഗ്രാമത്തിലെ ഒരു തറവാടിന്റെ കിഴക്കുവശത്തായിട്ടാണ് എൻ്റെ അമ്മയും ഞാനും സഹോദരങ്ങളും അടങ്ങുന്ന കുടുംബം നില്പുറപ്പിച്ചിട്ടുണ്ടായിരുന്നത്. ഒരു അമ്മയും മൂന്ന് കുഞ്ഞുങ്ങളും അവരുടെ മുത്തശ്ശിയും മാത്രമാണ് തറവാട്ടിൽ ഉണ്ടായിരുന്നത്. അവരുടെ അച്ഛൻ  വിദേശത്തായിരുന്നു. എല്ലാ വർഷവും വേനലവധിക്ക് അവർ അച്ഛൻ്റെ അടുത്തേക്ക് പോകാറുണ്ടായിരുന്നു.</p>  

<p>അങ്ങിനെ പതിവുപോലെ എൻ്റെ അമ്മയ്ക്കും പൂക്കാലം വന്നെത്തി. പൂക്കളാലും കണ്ണിമാങ്ങകളാലും മൂടപ്പെട്ടു എൻ്റെ 'അമ്മ അങ്ങിനെ നിന്നു. അങ്ങിനെയാണ് എൻ്റെ ജനനം. ഭൂമിയിൽ ജനിച്ചു കണ്ണ് തുറന്നു നോക്കിയ ഞാൻ കണ്ട ആദ്യത്തെ കാഴ്ച മൂന്ന് കുഞ്ഞുങ്ങൾ എന്നെ നോക്കിനില്കുന്നതാണ്. ആർക്കും തൊടാവുന്ന ഒരു താഴ്ന്ന ചില്ലമേലായിരുന്നു ഞാൻപിറന്നു വീണത്. അത് എൻ്റെ അമ്മയെ കുറച്ചു ഭയചകിതയാക്കി. വളർച്ച എത്തും മുമ്പേ ഞാൻ ആരുടെയെങ്കിലും പല്ലുകൾക്കിടയിൽ ആകേണ്ടിവരുമോ എന്ന ചിന്ത ആയിരുന്നു അമ്മക്ക്.</p>

<p>എന്നാൽ ദൈവഹിതം കൊണ്ട് എൻ്റെ കൂടെ താഴെ കൊമ്പിൽ ജനിച്ച ആർക്കും ആ ദുർഗതി സംഭവിച്ചില്ല. വെയിലിന്റെ ചൂടേറ്റു തളർന്നും ചന്ദ്രന്റെ നിലാവിനാൽ കുളിര്മയാർന്നും ഞങ്ങൾ അങ്ങിനെ വളർന്നു. എന്നാൽ ചൂട് സഹിക്കാനാവാതെ ഞങ്ങളിൽ കുറെ ഉണ്ണിമാങ്ങകളായി തന്നെ നിലത്തു വീണു.</p>  

<p>പിന്നെ ഞങ്ങളെ ചതവ് കൂടാതെ സുരക്ഷിതമായ ഒരു കടലാസുപെട്ടിയിൽ എത്തിച്ചു. ഞങ്ങൾക്ക് കൂട്ടായി ഒരു ചക്കച്ചേട്ടനും ഉണ്ടായിരുന്നു. പെട്ടി അടച്ചു ഞങ്ങളെ സുരക്ഷിതമായി കൂട്ടിക്കെട്ടി. എന്നാൽ ആരുടേയും കണ്ണിൽ പെടാത്ത ഒരു ചെറിയ ദ്വാരം ആ പെട്ടിയിൽ ഉണ്ടായിരുന്നു. അതിലൂടെ പ്രാണവായു ശ്വസിച്ചും കൗതുകത്തോടെ കാഴ്ചകൾ കണ്ടും ഞങ്ങൾ അവരോടൊപ്പം യാത്ര തുടങ്ങി. ചക്കച്ചേട്ടന്റെ അടുത്തിരിക്കുന്നതിനാൽ എൻ്റെ സഹോദരങ്ങൾക്ക് അല്പം പേടിയുണ്ടായിരുന്നു. എന്നാൽ ദയാലുവായ ചക്കച്ചേട്ടൻ ഒരു മുള്ളു കൊണ്ട് പോലും ഞങ്ങളെ കുത്തി നോവിച്ചില്ല.</p>

<p>ഒടുവിൽ അച്ഛൻ്റെ സമീപമെത്തി. ഞങ്ങളെ കാത്തു കുട്ടികളും അമ്മയും നില്കുന്നത് വളരെ ദൂരെ നിന്നു തന്നെ ഞങ്ങൾ കണ്ടു. ഞങ്ങൾ കറങ്ങിത്തിരിഞ്ഞ് ഒടുവിൽ അവരുടെ അടുത്തെത്തി. അപ്രതീക്ഷിതമായ സംഭവങ്ങളായിരുന്നു പിന്നെ  അവിടെ അരങ്ങേറിയത്. കുട്ടികളുടെ 'അമ്മ ഞാനടങ്ങുന്ന കടലാസുപെട്ടി എടുക്കുകയായിരുന്നു. കൗതുകം കൊണ്ട് പുറത്തേക്കു നോക്കിയ ഞാൻ ദാ കിടക്കുന്നു പെട്ടിക്കു പുറത്തു . എന്താണ് സംഭവിച്ചതെന്ന് മനസ്സിലാക്കാൻ സാധിക്കും മുമ്പേ പെട്ടികൾ നിരങ്ങി വരുന്ന പാതയിലൂടെ ഞാൻ വളരെ ദൂരത്തെത്തിയിരുന്നു. നിറകണ്ണുകളോടെ അവരെ നോക്കി നിന്ന എന്നെ ആരുടെയോ കരസ്പർശം എന്നെ  ഞെട്ടിച്ചു കളഞ്ഞു. കുറച്ചു കഴിഞ്ഞപ്പോൾ കത്തിയുമായി ഒരാൾ വരുന്നതും കത്തിയുടെ മൂർച്ചയേറിയ ഭാഗം എന്റെകഴുത്തിലേക്കു ആഴ്ന്നിറങ്ങുന്നതും ഞാൻ അറിഞ്ഞു. എന്നാൽ എൻ്റെ സഹോദരങ്ങളെ സുരക്ഷിതസ്ഥാനത്തെത്തിച്ച ചാരിതാർത്ഥ്യത്തിൽ ഞാൻ കണ്ണുകളടച്ചു.</p>