"ഗവൺമെൻറ്, മോഡൽ എച്ച്.എസ്.എസ് വെങ്ങാനൂർ/ഹയർസെക്കന്ററി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<p align=justify>സാമൂഹിക പ്രതിബദ്ധതയുള്ള ഒരു പുതുതലമുറയെ വാർത്തെടുക്കുക എന്നതാണ് ഈ സ്കൂളിന്റെ പരമപ്രധാനമായ ലക്ഷ്യം. പ്രിൻസിപ്പൽ ഉൾപ്പെടെ 13 അധ്യാപകരും 2 ലാബ് അസിസ്റ്റന്റുമാരും ഹയർസെക്കൻഡറി വിഭാഗത്തിൽ സേവനമനുഷ്ഠിച്ചു വരുന്നു. വ്യത്യസ്ത വിഷയങ്ങളുടെ ലാബുകളും പ്രവർത്തിച്ചുവരുന്നു.

<p align=justify>എസ് സി കുട്ടികൾക്കും, സാമ്പത്തികമായി പിന്നാക്കം നിൽക്കുന്ന ഒ ബി സി , ഒ ഇ സി കുട്ടികൾക്കും കേരള സർക്കാരിന്റെ ഇ ഗ്രന്റ്‌സ് സ്കോളർഷിപ്പുകൾ നമ്മുടെ സ്കൂളിൽ നടപ്പിലാക്കി വരുന്നു.

<p align=justify>ബി പി എൽ വിഭാഗത്തിൽ വരുന്ന എസ് സി , ജനറൽ , ഭിന്നശേഷി കുട്ടികൾ , കലാ കായിക മത്സരങ്ങളിൽ മികവ് തെളിയിച്ചവർ ഇവരിൽ നിന്നും പൊതു വിദ്യാഭ്യാസ വകുപ്പ് തിരഞ്ഞെടുക്കുന്ന കുട്ടികൾക്ക് 5000/-രൂപ വീതമുള്ള സ്കോളർഷിപ് തുക നൽകുന്നു.

<p align=justify>കേന്ദ്ര സർക്കാരിന്റെ പോസ്റ്റ് മെട്രിക് സ്കോളർഷിപ് ഫോർ മൈനോറിറ്റീസ് , നാഷണൽ മീൻസ് കം മെറിറ്റ് സ്കോളർഷിപ് , ബീഗം ഹസറത്ത് മഹൽ നാഷണൽ സ്കോളർഷിപ് , പോസ്റ്റ് മെട്രിക് സ്കോളർഷിപ് ഫോർ സ്റ്റുഡന്റസ് വിത്ത് ഡിസബിലിറ്റീസ് തുടങ്ങിയ സ്കോളര്ഷിപ്പുകളും കുട്ടികൾക്ക് ലഭ്യമാക്കിവരുന്നു.</p>

<p align=justify>മത്സ്യത്തൊഴിലാളികളുടെ മക്കൾക്ക് ഇ ഗ്രാന്റ്സ് പോർട്ടൽ വഴി പഠനത്തിന് ആവശ്യമായ തുക സ്കോളർഷിപ് ആയി ലഭ്യമാക്കുന്നു.</p>

<p align=justify>എസ് എസ് എൽ സി പരീക്ഷയിൽ എല്ലാവിഷയങ്ങൾക്കും A+ ഗ്രേഡ് നേടി വിജയിച്ച കുട്ടികൾക്കു കോളേജ് വിദ്യാഭ്യാസ വകുപ്പിന്റെ ജില്ലാ മെരിറ്റ് സ്കോളർഷിപ്പ് ലഭ്യമാക്കിവരുന്നു.</p>

<p align=justify>കൂടാതെ പ്രൊഫ ജോസഫ് മുണ്ടശ്ശേരി സ്കോളർഷിപ് അവാർഡ് , വിദ്യാ സമുന്നതി സ്കോളർഷിപ്പുകളും

<p align=justify>2021-2022 അദ്ധ്യയന വർഷത്തെ ശാസ്ത്ര പഥം പ്രോജക്ടുമായി ബന്ധപ്പെട്ട് നമ്മുടെ സയൻസ്, കൊമേഴ്സ് ക്ലാസുകളിലെ ജ്യോതിക, അസ്മിത, ശൃംഗ ജെ ഗിരി, രജത് രാജ്  എന്നീ കുട്ടികൾ അവതരിപ്പിച്ച സെമിനാറുകളും പ്രോജക്ടും ജില്ലാ തലത്തിൽ ശ്രദ്ധേയമായി. പയർ ചെടികളെ ബാധിക്കുന്ന വെബ് ബ്ലൈറ്റ് രോഗത്തെക്കുറിച്ചും രോഗകാരിയായ ഫംഗസിനെതിരെ ഉപയോഗിക്കാവുന്ന ജൈവ-രാസ നിയന്ത്രണ മാർഗ്ഗങ്ങളെക്കുറിച്ചും ജൈവ നിയന്ത്രണ മാർഗ്ഗങ്ങൾ ഉപയോഗിക്കുന്നതു കൊണ്ടുള്ള മേന്മകളെക്കുറിച്ചും നടത്തിയ പരീക്ഷണങ്ങളിലൂടെ പ്ലസ് വൺ സയൻസിലെ ജ്യോതിക തയ്യാറാക്കിയ പ്രോജക്ട് സംസ്ഥാന തലത്തിലേയ്ക്ക് തെരഞ്ഞെടുക്കപ്പെട്ടു. കൺസ്യൂമർ പ്രൊട്ടക്ഷൻ ആൻഡ് അവെയർനസ് ഓഫ് കൺസ്യൂമർ പ്രൊട്ടക്ഷൻ ആക്ട് - 1986 എന്ന വിഷയത്തിൽ പ്ലസ് ടു കൊമേഴ്സിലെ അസ്മിത നടത്തിയ സെമിനാർ വിജ്ഞാനപ്രദമായിരുന്നു. ഉപഭോക്താവിന്റെ അവകാശങ്ങൾ ,ഉത്തരവാദിത്തങ്ങൾ, അവകാശ ലംഘനം ഉണ്ടായാൽ സ്വീകരിക്കേണ്ട നടപടികൾ എന്നിവയെക്കുറിച്ച് വളരെ വിശദമായും ലളിതമായും  അവതരിപ്പിച്ചു. പ്ലസ് വൺ കൊമേഴ്സിലെ ശൃംഗ ജെ ഗിരിയുടെ ആർട്ടിഫിഷ്യൽ ഇന്റലിജന്റ്സിന്റെ അനന്തസാധ്യതകൾ വിശദമാക്കുന്ന സെമിനാർ വളരെ വിജ്ഞാനപ്രദമായിരുന്നു. ഒരു പക്ഷേ ഭാവിയിൽ മനുഷ്യവർഗം തന്നെ എല്ലാ മേഖലകളിലും റോബോട്ടുകൾക്ക് വഴി മാറും എന്ന് ബലമായി സംശയിക്കേണ്ടിയിരിക്കുന്നു സ്വയം തൊഴിൽ അന്വേഷകർക്കായി സർക്കാറിന്റെ ഭാഗത്തു നിന്നും വിവിധ സ്റ്റാർട്ട് അപ്പ് പദ്ധതികൾക്കായി ലഭിക്കുന്ന സഹായങ്ങളെക്കുറിച്ച് സാധാരണ ജനങ്ങളെ ബോധവൽക്കരിക്കാൻ ഉള്ള ഒരു ചെറിയ ശ്രമമായിരുന്നു പ്ലസ് ടു കൊമേഴ്സ് ക്ലാസിലെ രജത് രാജിന്റേത്.<br></p>

<p align=justify>ഒരു വ്യക്തിയുടെ ജീവിതത്തിലെ ഏറ്റവും നിർണായകവും സങ്കീർണവുമായ കാലഘട്ടമാണ് കൗമാരം. ഈ  പ്രായത്തിൽ കുട്ടികൾ ശാരീരികവും മാനസീകവുമായ ധാരാളം പ്രശ്നങ്ങൾ അഭിമുഖീ കരിക്കേണ്ടിവരുന്നു. ഇത്തരം പ്രശ്നങ്ങൾക്ക് ആരോഗ്യ കരമായും ശാസ്ത്രീയമായും പരിഹാരം കാണുവാനും, ശാരീരികരോഗ്യം, മാനസീകാരോഗ്യം ,പ്രത്യുൽപ്പാദാനാരോഗ്യം, പോഷകാഹാരവ്യവസ്ഥ, കുടുംബ സംരക്ഷണം എന്നീ മേഖലകളിൽ ബോധവൽക്കരണം നൽകി ഉറച്ച കാൽവയ്പ്പോടെ യൗവനത്തിലേക്കു കൗമാര പ്രായക്കാരായ ഹയർ സെക്കന്ററി വിദ്യാർഥി കളെ കൈപിടിച്ചുയർത്തുവാനും പൊതുവിദ്യാഭ്യാസ വകുപ്പിന്റെ കീഴിൽ പ്രവർത്തിക്കുന്ന CG&AC സെൽ ധാരാളം പരിപാടികൾ ആസൂത്രണം ചെയ്തു നടത്തി വരുന്നു. സ്കൂൾ തലത്തിൽ അവ പ്രവർത്തികമാക്കുന്ന ക്ലബ്ബുകളാണ് സൗഹൃദ ക്ലബ്ബുകൾ. കുട്ടികൾ നേരിടുന്ന ഏതു പ്രശ്നങ്ങളും  തുറന്നു പറയുവാനുള്ള ഒരു വേദിയാണ്ഈ ക്ലബ്ബുകൾ. രഹസ്യസ്വഭാവം ക്ലബ്ബിന്റെ മുഖമുദ്രയാണ്.<br></p>

<p align=justify>നമ്മുടെ സ്കൂളിൽ സൗഹൃദ ക്ലബ്‌ പ്രവർത്തനമാരംഭിച്ചത് 2019-20 അധ്യയന വർഷത്തിലാണ് .ക്ലബ്ബിന്റെ പ്രവർത്തനങ്ങൾ ഏകോപിപ്പിക്കുന്നത് കോമേഴ്‌സ് വിഭാഗം അധ്യാപിക സീനത്ത് ടീച്ചർ ആണ്.2020 ജനുവരി 4, വെള്ളിയാഴ്ച ജില്ലാ പഞ്ചായത്ത്‌ അംഗം ശ്രീമതി ലതാകുമാരി ക്ലബ്‌ ഔപചാരികമായി ഉദ്ഘാടനം ചെയ്തു.  

കുട്ടികൾ നേരിടുന്ന ഏതു പ്രശ്നവുംവളരെ രഹസ്യമായി സ്കൂൾ അധികാരികളുടെ ശ്രദ്ധയിൽപെടുത്താൻ ക്ലബ്ബിന്റെ നേതൃത്വത്തിൽ സ്കൂളിൽ ഒരു പരാതിപ്പെട്ടി സ്ഥാപിച്ചിട്ടുണ്ട് .</p>

<p align=justify>കൗമാര പ്രായക്കാരായ മക്കളെ ശരിയായ രീതിയിൽ മുന്നോട്ടു നയിക്കാൻ രക്ഷിതാക്കൾക്ക് നൽകുന്ന ബോധവൽക്കരണ പരിപാടികൾ ക്ലബ്ബിന്റെ ഭാഗമാണ്.</p>

<p align=justify>ശാരീരിഗാരോഗ്യം, മാനസീകാരോഗ്യം, പ്രത്യുല്പാദനആരോഗ്യം പോഷകാഹാരവ്യവസ്ഥ, കുടുംബ സംരക്ഷണം എന്നീ തലങ്ങളിൽ കുട്ടികളെ ബോധവൽക്കരിക്കുന്നതിനായി ധാരാളം പരിപാടികൾ  നടന്നു വരുന്നു.

<p align=justify>പ്രകൃതി സ്നേഹം കുട്ടികളിൽ ഊട്ടി ഉറപ്പിക്കുന്നതിനായി സ്വാതന്ത്ര്യ ദിനത്തിൽ നടത്തിയ “ഒരു തൈ നടാം “ ആനുകാലിക പ്രസക്തിയുള്ള പരിപാടിയായിരുന്നു.</p>

<p align=justify>100 വോളണ്ടിയേഴ്സ് ഉൾപ്പെടുന്ന നാഷണൽ സർവ്വീസ് സ്കീം  യൂണിറ്റ് നല്ല രീതിയിൽ പ്രവർത്തിച്ചു വരുന്നു. സ്റ്റേറ്റ്  നാഷണൽ സർവ്വീസ് സ്കീം സെല്ലിന്റെ നിർദ്ദേശാനുസരണമുള്ള പ്രവർത്തനങ്ങളോടൊപ്പം യൂണിറ്റിന്റേതായ തനതായ പ്രവർത്തനങ്ങളും കൃത്യതയോടെ ചെയ്തു വരുന്നു. കോവിഡ് 19 വ്യാപനം ആശങ്കയോടെ നേരിട്ട കാലയളവിൽ  ജാഗ്രതാ സന്ദേശങ്ങളും  മറ്റ് സന്നദ്ധപ്രവർത്തനങ്ങളും ഭക്ഷ്യ സ്വയംപര്യാപ്തത ലക്ഷ്യമാക്കി പച്ചക്കറി കൃഷിയും ഭൂമിക്ക് തണലൊരുക്കി ഫലവൃക്ഷത്തൈകൾ നട്ടും പ്ലാസ്റ്റിക്കിനെതിരെ  തുണിസഞ്ചിയും പേപ്പർ ബാഗുകളും തയാറാക്കിയും  സഹപാഠിക്ക് സമ്മാനമായി പഠനോപകരണം നൽകിയും സജീവമായി യൂണിറ്റ് പ്രവർത്തനം നടക്കുന്നു.

കോവിഡ് വ്യാപന സാഹചര്യത്തിൽ നീണ്ടകാലം അടച്ചിട്ട വിദ്യാലയം വീണ്ടും തുറന്നപ്പോൾ വോളണ്ടിയേഴ്സ് ക്യാമ്പസ് ,ക്ലാസ്സ്മുറികൾ, ലാബുകൾ വൃത്തിയാക്കി.</p>

<p align=justify>കോവിഡ് പ്രതിരോധ പ്രവർത്തനങ്ങളുടെ ഭാഗമായി വോളണ്ടിയേഴ്സ് ബോധവത്ക്കരണ പോസ്റ്ററുകൾ തയാറാക്കി സ്കൂൾ മതിൽ, ക്യാമ്പസിന്റെ വിവിധ ഇടങ്ങൾ, പൊതുസ്ഥലങ്ങൾ എന്നിവിടങ്ങളിൽ പതിപ്പിച്ചു.

<p align=justify>വോളണ്ടിയേഴ്സ് കോവളം കെ.എസ്.റോഡ് 'ക്രിസ്തു നിലയം' ബാലമന്ദിരം സന്ദർശിച്ച് കുട്ടികൾക്ക് ഒരു ദിവസത്തെ ഭക്ഷണത്തിനുള്ള തുകയും പഠനോപകരണങ്ങളും നൽകി.</p>

<p align=justify>NSS ന്റെ സപ്തദിന സ്പെഷ്യൽ ക്യാമ്പ് 2021 ഡിസംബർ 27 മുതൽ 2022 ജനുവരി 2 വരെ നമ്മുടെ സ്കൂളിൽ വെച്ച് തന്നെ നടത്തുകയുണ്ടായി. 49 വോളണ്ടിയേഴ്സ് പങ്കെടുത്തു.</p>

<p align=justify>ക്ലാസ്സ് മുറികളുടെ പെയിന്റിങ്, ക്യാമ്പസ് ശുചീകരണം, സ്കൂളിലേക്കുള്ള പൊതു വഴി വൃത്തിയാക്കൽ, പച്ചക്കറി കൃഷി, തനതിട നിർമ്മാണം, സീഡ് ബാൾ നിർമ്മാണം, ഭക്ഷ്യ സ്വയംപര്യാപ്തത എന്ന ലക്ഷ്യത്തോടെ ദത്ത് ഗ്രാമത്തിൽ പച്ചക്കറിത്തൈ വിതരണം, പ്ലാസ്റ്റിക് ഉപയോഗം കുറയ്ക്കുക എന്ന സന്ദേശവുമായി തുണി സഞ്ചി വിതരണം എന്നിങ്ങനെ വ്യത്യസ്ത ക്രിയാത്മക പ്രവർത്തനങ്ങളിലൂടെ ക്യാമ്പ് സജീവമായി.</p>

<p align=justify>പ്രാദേശിക വിഭവങ്ങൾ സമാഹരിച്ച് വോളണ്ടിയേഴ്സ് തയാറാക്കിയ ഭക്ഷ്യവിഭവങ്ങൾ പുതുരുചി പകർന്നു.</p>

<p align=justify>ഭരണഘടനാചരണവുമായി ബന്ധപ്പെട്ട്  ശ്രീ.സുനിൽ  സാർ നയിച്ച' We The People',

ഗാന്ധിയൻ ദർശനങ്ങൾക്കുള്ള സമകാലിക പ്രസക്തിയെക്കുറിച്ച് ഗാന്ധി സ്മാരക ചെയർമാൻ ശ്രീ.സദാനന്ദൻ സാറും വിഷ്ണുലാൽ സാറും നേതൃത്വം നൽകിയ 'ഗാന്ധി സ്മൃതി ', ലിംഗസമത്വത്തെക്കുറിച്ച് ശുചിത്വമിഷൻ, ശാസ്ത്രസാഹിത്യ പരിഷത്ത് റിസോഴ്സ് പേഴ്സൺ ശ്രീമതി. എസ്.ശ്രീകലയുടെ 'സമദർശൻ ' , പ്രഥമ ശുശ്രൂഷയുമായി ബന്ധപ്പെട്ട വിഴിഞ്ഞം ഫയർ ആൻറ് റെസ്ക്യൂ ഉദ്യോഗസ്ഥർ നേതൃത്വം നൽകിയ 'സന്നദ്ധം' ,ജൈവകൃഷിയുടെ പ്രാധാന്യത്തെക്കുറിച്ച് ശ്രീ. പ്രിൻസ് ലാൽ സാറിന്റെ ക്ലാസ്സ്, ലഹരിയ്ക്ക് എതിരെയും, പോക്സോ നിയമങ്ങളെക്കുറിച്ചും അവബോധം നൽകിയ ബാലരാമപുരം സ്റ്റേഷൻ ഹൗസ് ഓഫീസർ ഇൻസ്പെട്കർ  ശ്രീ. ഡി. ബിജുകുമാർ സാർ നയിച്ച 'കാവലാൾ ' എന്നീ ക്ലാസ്സുകൾ തികച്ചും വിജ്ഞാനപ്രദങ്ങളായിരുന്നു.,<br></p>

<p align=justify>2022 ഡിസംബർ 2 ന് വൈകിട്ട് 3.00 മണിക്ക് സ്കൂൾ  പി.ടി.എ പ്രസിഡന്റ് അധ്യക്ഷത വഹിച്ച സമാപന യോഗം വെങ്ങാനൂർ ഗ്രാമപഞ്ചായത്ത് പ്രസിഡന്റ് ശ്രീ.ആർ.എസ്.ശ്രീകുമാർ ഉദ്ഘാടനം ചെയ്തു. ദത്ത് ഗ്രാമത്തിലേക്കായി കുട്ടികൾ തയാറാക്കിയ പച്ചക്കറിത്തൈകൾ ബഹു .പഞ്ചായത്ത് പ്രസിഡന്റ് ഏറ്റുവാങ്ങി. കുട്ടികൾ ഒരുക്കിയ തനതിടം ബഹു.ജില്ലാ പഞ്ചായത്ത് മെമ്പർ ശ്രീ. ഭഗത് റൂഫസ് സ്കൂളിന് സമർപ്പിച്ചു. ക്യാമ്പിൽ വോളണ്ടിയേഴ്സ് തയാറാക്കിയ കൈയെഴുത്ത് മാഗസീൻ 'പ്രത്യാശ' പ്രിൻസിപ്പലും പഞ്ചായത്ത് പ്രസിഡന്റും ചേർന്ന് പ്രകാശനം ചെയ്തു. സ്കൂളിന് പുതിയ മുഖച്ഛായ നൽകാൻ ക്യാമ്പിന് കഴിഞ്ഞു എന്ന വാർത്ത  നമ്മുടെ NSS യൂണിറ്റിന് അഭിമാനവും പ്രചോദനവും പകർന്നു.<br>

പുതിയ ചുവടുകളിലൂടെ... വീണ്ടും... മുന്നോട്ട്...</p>

<p align=justify>ഇക്കോ ക്ലബ്ബിന്റെയും ടൂറിസം ക്ലബ്ബിന്റെയും ആഭിമുഖ്യത്തിൽ നടന്നു വരുന്ന പരിസ്ഥിതി സൗഹാർദ്ദ  പഠനയാത്രകൾ കുട്ടികളിൽ ആവേശം നിറയ്ക്കുന്നവയാണ്. അക്ഷരാർഥത്തിൽ നാടിന്റെ വിളക്കായി നിൽക്കുന്ന വെങ്ങാനൂർ മോഡൽ ഹയർ സെക്കന്ററി സ്ക്കൂൾ ഉത്തരോത്തരം അഭിവൃദ്ധി പ്രാപിക്കട്ടെ..</p>

<p align=justify>വിവിധ കലാപരിപാടികളിലൂടെ ഒരു ദിവസം മാനസികോല്ലാസം നൽകി  സന്തോഷകരമാക്കിത്തീർത്തു.

<p align=justify>പ്ലാസ്റ്റിക് ഉപയോഗം കുറയ്ക്കുക, പ്ലാസ്റ്റിക്കിനെതിരെ അവബോധം നൽകുക എന്നിവ ലക്ഷ്യമാക്കി വോളണ്ടിയർമാർ തുണിസഞ്ചി, പ്ലാസ്റ്റിക് ബാഗുകൾ എന്നിവ തയാറാക്കി.ഇവ സ്കൂളിന് സമീപമുള്ള വീടുകളിലും കടകളിലും നൽകി.

<p align=justify>വിദ്യാഭ്യാസത്തോടൊപ്പം ഒരു തൊഴിൽ എന്ന ഗാന്ധിയൻ ദർശനം നടപ്പിലാക്കാൻ യൂണിറ്റിൽ ലോഷൻ നിർമ്മിക്കുന്ന വിധം പഠിപ്പിച്ചു. പഠനത്തിനുള്ള വരുമാനം സ്വയം സ്വരൂപിക്കാൻ ഈ പ്രവർത്തനം കുട്ടികൾക്ക് പ്രചോദനമായി.

<p align=justify>സാമ്പത്തികമായി പിന്നാക്കം നിന്ന സഹപാഠിക്ക് കരുതലായി പഠനോപകരണം എന്ന നിലയ്ക്ക് മൊബൈൽഫോൺ വാങ്ങി നൽകി.</p>

<p align=justify>സ്കൂൾ ക്യാമ്പസിൽ നാഷണൽ സർവ്വീസ് സ്കീമിന്റേതായി ഒരു ഹരിത ഇടം. സ്ഥലപരിമിതി ഉള്ള നമ്മുടെ ക്യാമ്പസിൽ LP Block ന്റെ സമീപത്തായി കുറച്ച് മണ്ണിടത്തിൽ ഉദ്യാന സസ്യങ്ങൾ, ഔഷധസസ്യങ്ങൾ, ഫലവൃക്ഷത്തൈകൾ എന്നിവ നട്ട് വോളണ്ടിയേഴ്സ് ഒരുക്കിയെടുത്ത തനതിടം ഏറെ ശ്രദ്ധേയമായി.

<p align=justify>വളരെ പ്രതീഷയോടെ ഹയർ സെക്കന്ററി ക്‌ളാസിൽ എത്തിച്ചേരുന്ന നമ്മുടെ കുട്ടികളുടെ അഭിരുചി എന്താണെന്നു തിരിച്ചറിഞ്ഞ് അതിനനുസരിച്ചുള്ള മേഖലകളിലേക്ക്  തുടർ പഠനപ്രവർത്തനങ്ങൾ നടത്തുന്നതിനും അവർക്ക് അനുയോജ്യമായ ഒരു കരിയർ ലഭ്യമാക്കുന്നതിനും  വഴികാട്ടുകയാണ് സ്കൂളിലെ കരിയർ ഗൈഡൻസ് യൂണിറ്റിന്റെ  പ്രഥമ ലക്ഷ്യം.  വളരെ  ക്രിയാത്മകമായ പ്രവർത്തനങ്ങളാണ്  കരിയർ ഗൈഡൻസ് യൂണിറ്റ് നടപ്പിലാക്കുന്നത്.</p>

<p align=justify>കുട്ടികൾക്ക് ആവശ്യമായ വിവരങ്ങൾ നൽകുന്നതിനായി സ്കൂളിൽ ഒരു പ്രധാന ഭാഗത്തു തന്നെ  കരിയർ കോർണർ സജ്ജീകരിച്ചിട്ടുണ്ട്. പ്ലസ് ടു പഠനശേഷം കുട്ടികൾക്ക്  എഴുതേണ്ടിവരുന്ന മത്സരപരീക്ഷകളുടെയും, തുടർന്ന് പഠിക്കാവുന്ന കോഴ്സുകളുടെയും വിവരങ്ങൾ യഥാസമയം  കരിയർ കോർണറിൽ സ്ഥാപിച്ചിട്ടുള്ള നോട്ടീസ് ബോര്ഡിൽ പ്രസിദ്ധപ്പെടുത്തുന്നു. കൂടാതെ അതാതു ദിവസത്തെ പ്രാധാന്യം, കുട്ടികൾക്ക് ഉത്തരം കണ്ടെത്താനായി കറന്റ് അഫയേഴ്‌സ് ചോദ്യങ്ങൾ തുടങ്ങിയവയും കരിയർ കോർണറിൽ ലഭ്യമാക്കാറുണ്ട്. കരിയർ കോർണറിൽ സ്ഥാപിച്ചിട്ടുള്ള ഷെൽഫിൽ പൊതുവിജ്ഞാനവുമായി ബന്ധപ്പെട്ട പുസ്തകങ്ങൾ കുട്ടികൾക്കായി കരുതിയിട്ടുണ്ട്.  കൂടാതെ ഹയർ സെക്കന്ററി ഡിപ്പാർട്ട്മെന്റ് പുറത്തിറക്കിയ AFTER PLUS 2 ഹാൻഡ് ബുക്ക് , യോജന തുടങ്ങിയ മാസികകളും കരിയർ കോർണറിൽ ലഭ്യമാണ്.</p>

<p align=justify>എല്ലാവർഷവും  ഹയർ സെക്കന്ററി ഡയറക്ടറേറ്റ്  നടത്തുന്ന സിത്താർ, പാത്ത് ഫൈൻഡർ പ്രോഗ്രാമുകളിൽ കുട്ടികളെ പങ്കെടുപ്പിക്കുകയും, ട്രെയിനിങ്ങിൽ പങ്കെടുക്കാൻ വേണ്ട സഹായം ചെയ്‌തുകൊടുക്കുകയും ചെയ്യുന്നു.

വിദ്യാഭ്യാസ മേഖലയിലെ വെല്ലുവിളികളെ നേരിടാൻ പ്രാപ്തരാക്കുന്നതിനായി സയൻസ് , കോമേഴ്സ് വിഷയങ്ങളുമായി ബന്ധപ്പെട്ട പഠന മേഖലകളെക്കുറിച്ച് വിദഗ്ദ്ധരുടെ പഠന ക്ലാസുകൾ സംഘടിപ്പിക്കുന്നു.</p>

<p align=justify>കൂടാതെ തിരുവനന്തപുരം നെയ്യാറ്റിൻകര എംപ്ലോയ്‌മെന്റ് എക്സ്ചേഞ്ച് മായി  സഹകരിച്ചും കുട്ടികൾക്ക് കരിയർ എക്സ്പോയും കരിയർ ലഘുലേഖ വിതരണവും സംഘടിപ്പിക്കുന്നു.</p>

<p align=justify>ഫോക്കസ്  പോയിന്റ് എന്ന പേരിൽ എസ് .എസ് .എൽ .സി കഴിഞ്ഞ നമ്മുടെ സ്കൂളിലെ കുട്ടികൾക്ക് അവരുടെ അഭിരുചിക്കനുസരിച്ചു തിരഞ്ഞെടുക്കേണ്ട സബ്ജക്ട്  കോമ്പിനേഷനെക്കുറിച്ചു ആവശ്യമായ ഗൈഡൻസ് നൽകി വരുന്നു.

ഡിസംബർ മാസം മുതൽ KEAM , NEET , JEE , തുടങ്ങിയ മത്സരപരീക്ഷകൾക്കു കുട്ടികളെ സജ്ജമാക്കാൻ കരിയർ യൂണിറ്റ് ഹെല്പ് ഡെസ്ക് വളരെയേറെ സഹായിക്കുന്നു.</p>

<p align=justify>കുട്ടികളുടെ വിദ്യാഭ്യാസപരമായ വളർച്ചക്ക് നമ്മുടെ സ്കൂളിലെ കരിയർ യൂണിറ്റ് സദാസജ്ജമാണ് .

<p align=justify>പ്രകൃതിയെ സൗഹൃദപരമായി വീക്ഷിക്കുന്നതിനും മാഞ്ഞുപോയ നന്മകൾ വീണ്ടെടുക്കുന്നതിനും പ്രകൃതിയെ തനിമയോടെ സംരക്ഷിക്കുന്നതിനും  കഴിയുന്ന  പ്രവർത്തനങ്ങളാണ് ഇക്കോ ക്ലബ് നടപ്പിലാക്കി വരുന്നത്. മാറിവരുന്ന പ്രകൃതിയുടെ യുടെ സന്തുലിതാവസ്ഥ  നിലനിർത്തി പരിസ്ഥിതി സംരക്ഷണം ജീവിതചര്യയായി ശീലിക്കുന്ന ഒരു പുതിയ തലമുറയെ വാർത്തെടുക്കുകയാണ് ഇക്കോ ക്ലബ്ബിൻറെ പ്രഥമലക്ഷ്യം.</p>

ഓരോ ക്ലാസ്സിൽ നിന്നും തിരഞ്ഞെടുത്ത കുട്ടികളാണ് ഇക്കോ ക്ലബ്ബിൽ അംഗങ്ങളായി പ്രവർത്തിക്കുന്നത്  പരിസ്ഥിതി ദിനമായ ജൂൺ 5 ഇക്കോ ക്ലബിൻറെ നേതൃത്വത്തിൽ വളരെ വിപുലമായി തന്നെ ഓൺലൈൻ ആയി  ആചരിച്ചു.  അന്നേ ദിവസം കുട്ടികൾ എല്ലാവരും തന്നെ ഓരോ വൃഷ തൈ നട്ടുപിടിപ്പിച്ചുകൊണ്ട് പ്രകൃതിയോട് തങ്ങൾക്കുള്ള ഐക്യദാർഢ്യം പ്രഖ്യാപിച്ചു. </p>

<p align=justify>മറ്റൊരു പ്രധാന പ്രവർത്തനമായിരുന്നു  മണ്ണിര കമ്പോസ്റ്റ് നിർമ്മാണം. ഇക്കോ ക്ലബ്ബിലെ അധ്യാപകരുടേയും  കുട്ടികളുടേയും സഹകരണത്തോടെ ഒരു നല്ല  മണ്ണിരക്കമ്പോസ്റ്റ് പിറ്റ്  നിർമ്മിക്കുകയും അത് നല്ലരീതിയിൽ പ്രവർത്തിച്ചു വരികയും ചെയ്യുന്നു. സ്കൂളിലെ പച്ചക്കറി കൃഷിക്ക്  മണ്ണിരക്കമ്പോസ്റ്റ് വളരെയേറെ ഗുണം ചെയ്യുന്നു. </p>

കൂടാതെ സ്കൂൾ  പരിസരം  ശുചിയാക്കി സൂക്ഷിക്കുന്നതിനും  വൃക്ഷ ലതാദികൾ സംരക്ഷിക്കുന്നതിനും ഇക്കോ ക്ലബ്ബിലെ അംഗങ്ങൾ ആത്മാർഥമായി  തന്നെ പ്രവർത്തിച്ചുവരുന്നു.</p>

<p align=justify>ലിറ്റററി ക്ലബ്ബിന്റെ ആഭിമുഖ്യത്തിൽ ജൂൺ 19 മുതൽ ഒരാഴ്ചക്കാലം ' വായനവാര'മായി ആചരിച്ചു.പ്രശസ്ത കവിയും അധ്യാപകനുമായ ശ്രീ.മുരുകൻ കാട്ടാക്കട വായനവാരം ഉദ്ഘാടനം ചെയ്തു. വിദ്യാർത്ഥികൾക്കും രക്ഷിതാക്കൾക്കും പങ്കാളിത്തം നൽകുന്ന തരത്തിൽ രചനാമത്സരങ്ങളും  ആസ്വാദനക്കുറിപ്പ്, വായനക്കുറിപ്പ് തയാറാക്കി അവതരിപ്പിക്കൽ മത്സരങ്ങൾ സംഘടിപ്പിച്ചു.  മലയാളം, ഇംഗ്ലീഷ്, ഹിന്ദി ഭാഷകൾക്ക് തുല്യ പ്രാധാന്യം നൽകിയാണ് മത്സരങ്ങൾ നടത്തിയത്. </p>

<p align=justify>നവംബർ 1 മുതൽ 7 വരെ 'ഭാഷാ വാരാചരണം' സംഘടിപ്പിച്ചു. ഭാഷയുടെ.... സാഹിത്യത്തിന്റെ വിവിധമേഖലകളെ തൊട്ടറിയും വിധം വ്യത്യസ്ത പരിപാടികൾ കോർത്തിണക്കിയാണ്  ഈ വാരം സമ്പന്നമാക്കിയത്.രചനാമത്സരങ്ങൾ, ഭാഷാ ക്വിസ്, കടങ്കഥ മത്സരം, നാടൻപാട്ട്, കാവ്യകേളി, അക്ഷര ശ്ലോകം, ഗാനമാലിക എന്നിവ കൊണ്ട് ഭാഷാവാരാചരണം മനോഹരമായിത്തീർന്നു.</p>

<p align=justify>വിദ്യാർത്ഥികൾക്ക് തൊഴിൽ പ്രാവീണ്യം നൽകുന്നതിന് സംസ്ഥാന പൊതുവിദ്യാഭ്യാസവകുപ്പും ഉന്നത വിദ്യാഭ്യാസവകുപ്പും നടത്തുന്ന സംരംഭമാണ് അസാപ്(അഡീഷണൽ സ്കിൽ അക്വിസിഷൻ പ്രോഗ്രാം) . എല്ലാ കോഴ്സുകൾക്കും പ്രായോഗിക പരിശീലനത്തോടൊപ്പം കമ്മ്യൂണിക്കേറ്റീവ് ഇംഗ്ലീഷ്, ഐ. ടി എന്നിവയും പഠിക്കാനുള്ള അവസരമുണ്ട്. ഗുണമേന്മയുള്ള പരിശീലനത്തിലൂടെ തൊഴിൽ നൈപുണ്യമുള്ളതും സാമൂഹിക പ്രതിബദ്ധതയുള്ളതുമായ ഒരു തലമുറയെ വളർത്തിയെടുക്കുക എന്നതാണ് പരമ പ്രധാനമായ ലക്ഷ്യം.</p>

<p align=justify>ഹിന്ദി ക്ലബിന്റെ നേതൃത്വത്തിൽ 'ഹിന്ദി ദിവസ്' സമുചിതമായി ആഘോഷിച്ചു. വിദ്യാർത്ഥികളുടെ പോസ്റ്റർ നിർമ്മാണം ശ്രദ്ധേയമായിരുന്നു. 'സുരീലി ഹിന്ദി' യുടെ പ്രവർത്തനങ്ങളും മികച്ച രീതിയിൽ നടന്നു വരുന്നു.