"സെന്റ് തോമസ് യു പി എസ് മുള്ളൻകൊല്ലി/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പ്രവർത്തനം നടത്തപ്പെട്ടു.ഡോ.എ പി ജെ അബ്ദുൾ കലാമിൻ്റെ മഹദ് വചനങ്ങളും ഫോട്ടോയും ഉൾപ്പെടുത്തി കുട്ടികൾ പതിപ്പ് തയ്യാറാക്കി.കഠിനാധ്വാന ത്തിലൂടെ ലക്ഷ്യബോധത്തോടെ മുന്നേറി ഇന്ത്യയുടെ രാഷ്ട്രപതി എന്ന നിലയിലും ലോകമെമ്പാടും അറിയപ്പെടുന്ന ശാസ്ത്രജ്ഞൻ എന്ന നിലയിലും ഉയർന്നു വന്നു. അദ്ദേഹത്തെ നമുക്ക് പ്രണമിക്കാം.

മനുഷ്യൻറെ അതിനിവേശ ഭ്രാന്ത് ഇരയായി ഒരു രാജ്യം വെന്തുവെണ്ണീറായ കണ്ണീരിൽ കുതിർന്ന സ്മരണകളുമായി വീണ്ടുമൊരു ഹിരോഷിമാദിനം വന്നെത്തിയിരിക്കുന്നു. രണ്ടാം ലോകമഹായുദ്ധത്തിന് അന്ത്യം കുറിച്ചുകൊണ്ട് നടത്തിയ സഖ്യകക്ഷികളുടെ വിജയാഘോഷത്തിന്റെ കരിമരുന്ന് കലാപ്രകടനം ആണ് 1945 ഓഗസ്റ്റ് ആറിന്  1,29,000 മനുഷ്യ സഹോദരങ്ങളുടെ ജീവൻ കവർന്നെടുത്തത്.അന്ന് വെറും രണ്ട് അണുബോംബുകൾ വിതച്ച മഹാ വിനാശത്തിന് ചരമഗീതം പാടാനും യുദ്ധ വിമുക്തമായ ഒരു നവലോക നിർമ്മിതി സാധ്യമാക്കാനും ആയി ഇന്ന് ലോകം ആവേശത്തോടെ ഹിരോഷിമ ദിനം ആചരിക്കുകയാണ്.

മരിച്ചടിഞ്ഞ രണ്ടരലക്ഷം സഹോദരങ്ങളുടെ മരണ പിടച്ചിലും നിലവിളികളും പുനഃ സ്മരിക്ക പെടാതെ ഒടുങ്ങിയാലും ആറര പതിറ്റാണ്ടുകളായി മരണം നുണഞ്ഞു മാത്രം പിറന്നുവീഴുന്ന മാറാ രോഗങ്ങളുടെ മരണ കിണറുകളിൽ പിടഞ്ഞു താഴ്ന്ന ലക്ഷക്കണക്കിന് മനുഷ്യ സഹോദരങ്ങളുടെ മൗന രോദനങ്ങൾ ക്രൂരത കുടിവെച്ച വാഴുന്ന ഓരോ ഹൃദയത്തിലും ഒരു മഹാ വിലാപദിനമായി വന്നലക്കുന്നതിന്റെ ഒച്ച തിരിച്ചറിയാനുള്ള ദിവസമാണ് ഓഗസ്റ്റ് 6.യുദ്ധം ആരെയും വിജയിപ്പിക്കുന്നില്ല എന്ന ഓർമ്മപ്പെടുത്തലാണ് ഈ ദിനം .മനുഷ്യനെ മനുഷ്യനായി കാണുന്ന യഥാർത്ഥ മാനവികതയുടെ ഉദയം പ്രാർത്ഥിച്ചുകൊണ്ട് ഈ ദിനം നമുക്ക് ആചരിക്കാം

നമ്മുടെ മാതൃഭൂമിയായ ഭാരതം 74 സ്വാതന്ത്ര്യദിനം ആഘോഷിക്കുകയാണ്.നൂറ്റാണ്ടുകളിലൂടെ നാം ആർജ്ജിച്ച മഹിത പാരമ്പര്യത്തെയും മൂല്യങ്ങളുടെ അടിത്തറയിൽ പണിതുയർത്തിയ ജനാധിപത്യ മതേതര സോഷ്യലിസ്റ്റ് റിപ്പബ്ലിക്ക് എന്ന സ്വപ്നം പൂത്തുലഞ്ഞതിന്റെ ആഹ്ലാദമാണ് ഓഗസ്റ്റ്15 നമ്മുടെ മനസ്സിൽ ഉണർത്തുന്നത്.ഇന്ന് നമ്മൾ മാതൃഭൂമിയുടെ മഹത്വം പാടുന്നവർ ആകണം നമ്മുടെ നന്മകൾ നമ്മൾ തിരിച്ചറിയണം ഭാരതത്തിൻറെ വൈവിധ്യപൂർണമായ സമൃദ്ധിയിൽ നമ്മൾ അഭിമാനിക്കണം. ലോകം ഇന്ന് നേടിയ പുരോഗതിയുടെ ഗതി നിർണയിച്ച എണ്ണമറ്റ കണ്ടുപിടുത്തങ്ങൾ ഭാരതം നൽകിയതാണ്.സുഹൃത്തുക്കളെ നമ്മൾ ആരുടെയും പിന്നിലല്ല ഇന്ത്യയുടെ ഏതു ഭാഗത്തെയും ഒരു നുള്ളു മണ്ണു എടുത്ത് പരിശോധിച്ചാൽ മാതൃഭൂമിയുടെ അഭിമാനമായി ചിന്തിയ ധീരദേശാഭിമാനികളുടെ ഓരോ മൺതരിയിലുമലിഞ്ഞിട്ടുണ്ടാകും.

സെന്റ് തോമസ് കുടുംബത്തിലേക്ക് പ്രിയ കുരുന്നുകൾക്ക് അക്ഷരദീപം പകർന്നു നൽകാൻ കടന്നു വന്നിരിക്കുന്ന പ്രിയ അധ്യാപകരായ സിമി ടീച്ചർ, ഷീന ടീച്ചർ, ദിത്യ ടീച്ചർ എന്നിവർക്ക് ഹൃദ്യമായ സുസ്വാഗതം.

" ഞാൻ യാചിക്കുക യാണ് നിങ്ങളുടെ TV Set വലിച്ചെറിയുക പകരം നിങ്ങളുടെ ഭിത്തിയിൽ സുന്ദരമായ ഒരു ബുക്ക് ഷെൽഫ് ഉണ്ടാക്കൂ."  

പുസ്തകങ്ങളിൽ പുത്തൻ ലോകം പൂത്തുലയുന്നത് കണ്ടു കണ്ണു മിഴിച്ചിരുന്ന ഒരു തലമുറ ഉണ്ടായിരുന്നിവിടെ. ടിവിയുടെയും ഇൻറർനെറ്റിന്റേയും ആഗമനത്തിനു മുൻപു വിശ്വസാഹിത്യങ്ങളുടെ വാതിലുകൾ തള്ളിത്തുറന്ന് വിവിധ സംസ്കാരങ്ങളുടെ വിശാല വീഥികളിലൂടെ യാത്രചെയ്തു ലോക ക്ലാസിക്കുകളിലെ കഥാപാത്രങ്ങളെ കൂട്ടുകാരാക്കി വായനയുടെ വസന്തം ചമച്ചിരുന്ന ഒരു തലമുറ ഇവിടെ ഉണ്ടായിരുന്നു.പുതുതലമുറയ്ക്ക് ഇവയെല്ലാം അന്യംനിന്നുപോയി എന്ന് നാം ഭയക്കുമ്പോഴും  അലമാരിയിൽ അന്തിയുറങ്ങുന്ന സുഹൃത്തിനെ  തൊട്ടരികിൽ എത്തിക്കാൻ മുള്ളൻകൊല്ലി സെൻറ് തോമസ് യു പി സ്കൂൾ ഒരുക്കിയതാണ് ഡിജിറ്റൽ ലൈബ്രറി . ഇന്ന്‌ വായിക്കാൻ പുസ്തകങ്ങൾ നമ്മുടെ കയ്യിൽ എത്തണമെന്നില്ല. നമ്മുടെ ഫോണിൽ അതിനായി വിശാലമായൊരു സാധ്യത ഒരുങ്ങിയിരിക്കുന്നു എന്ന് ഓർമ്മപ്പെടുത്തി. കാലത്തിനൊപ്പം നടന്നുനീങ്ങുകയാണ് സെന്റ് തോമസ് AUPS .

മാവേലി നാടുവാണീടും കാലം മാനുഷരെല്ലാരുമൊന്നുപോലെ - അനുവാദം ചോദിക്കാതെ ഓരോ മലയാളിയുടെയും അധരങ്ങളിൽ വിരുന്നുവരുന്ന ഈരടി നമുക്ക് ഭൂതകാലത്തേക്കുള്ള ഇട വഴിയാണ്. ഈ ഇടവഴിയേ ചെന്നാൽ മലയാളിത്തത്തിന്റെ ഓർമ്മകൾ ഉറവ പൊട്ടുന്നിടം കാണാം.മലയാളിയുടെ ദേശീയ ഉത്സവമായ ഓണം ലോകത്തെവിടെയായാലും ജാതി മത ഭേദമെന്യേ മലയാളിയുടെ മനസ്സിലും ഒരായിരം പൂക്കളം വിരിക്കും.ഓണപ്പാട്ടുകളുടെ ഈണം ഉതിർക്കും .

കുട്ടികളിൽ മൊബൈൽ ഫോൺ addiction എങ്ങനെ കുറക്കാമെന്നും വീടിനോടും ചുറ്റുപാടുകളോടുമുള്ള ആശയ വിനിമയ സാധ്യത വർദ്ധിപ്പിക്കണമെന്നും ക്ലാസിൽ ഓർമ്മപ്പെടുത്തി. തുടർന്ന് സംശയനിവാരണത്തിന് അവസരം നൽകുകയും കുട്ടികളും മാതാപിതാക്കളും തങ്ങളനുഭവിക്കുന്ന എല്ലാ ബുദ്ധിമുട്ടുകളും സംശയങ്ങളും ചോദിക്കുകയും ചെയ്തു. സംശയനിവാരണ വേളയിൽ മാതാപിതാക്കളും കുട്ടികളും ഒരുപോലെ പങ്കുവച്ച ഒരു ആശങ്ക മൊബൈൽ ഫോൺ മൂലം കുട്ടികൾക്കുണ്ടാകുന്ന ആരോഗ്യപ്രശ്നങ്ങളെപ്പറ്റിയാണ്. ചോദ്യങ്ങൾക്കെല്ലാം വളരെ വ്യക്തമായും ആധികാരികമായും ആശങ്കകൾ ഇല്ലാതാക്കും വിധം ബഹുമാനപ്പെട്ട Resoures person മറുപടി നൽകി. Education Support  System-ത്തിന്റെ in-charge ശ്രീമതി ധന്യ ടീച്ചർ നന്ദി പറഞ്ഞ് ക്ലാസ് അവസാനിപ്പിച്ചു.

As part of the Swachhta Maturity Project, various programs were conducted in collaboration with the PTA.  Various awareness programs and day-to-day activities were conducted to overcome this period of epidemic and epidemic.

The next day was a trip around the house.  Studends made the surroundings beautiful and clean and became self aware of the clean culture that everyone should keep and they did their best to lead others to that style.

കാലം കരുതി വച്ച അനിശ്‌ച്ചിതത്വത്തിനു നടുവിൽ ആരവം ഉയർന്നു തന്നെ നിന്നു .അതെ സെന്റ് തോമസ് AUP സ്കൂൾ കലാമേള അതിന്റെ എല്ലാ പ്രാഢിയോടും കൂടി അവസാനിച്ചു. വീടൊരുക്കിയ അരങ്ങിനു മുൻപിൽ കുരുന്നുകൾ നിറഞ്ഞാടിയപ്പോൾ , വീടുകൾ വിദ്യാലയങ്ങളായപ്പോൾ ആത്മാർത്ഥമായി കയ്യടിക്കാൻ പ്രിയപ്പെട്ടവരും കൂടെയുണ്ടായിരുന്നു. നഷ്ടപ്പെട്ടു പോകുന്ന അവസരങ്ങളൊന്നും തിരിച്ച് കിട്ടില്ലെന്നറിഞ്ഞ് പ്രയോജനപ്പെടുത്തിയ എല്ലാ കുഞ്ഞുമക്കൾക്കും കഴിവുകളെ പ്രോത്സാഹിപ്പിച്ച എല്ലാ പ്രിയപ്പെട്ടവർക്കും അഭിവാദ്യങ്ങൾ. നിറഞ്ഞ സദസ്സായിരുന്നില്ല മറിച്ച് നിറഞ്ഞ മനസുകളായിരുന്നു നിങ്ങൾക്കുമുൻപിൽ .  

കുട്ടികൾക് ക്ലാസ്സ് തല പ്രവർത്തനമായി ഈ ദിനത്തിൻ്റെ പോസ്റ്റർ രചനാ നിർമ്മാണവും നടത്തി . ഈ ദിനത്തിനെപ്പറ്റി കുട്ടികൾക്ക് കൂടുതൽ അറിവ് ലഭിക്കുന്നതിനായി ഒരു വീഡിയോ പ്രദർശനവും നടത്തി .ഇതൊടെ കുട്ടികൾക്ക് ഈ ദിനത്തെപ്പറ്റി കൂടുതലായി അറിയാൻ സാധിച്ചു .

        നിരുപദ്രവികളായ പൂമ്പാറ്റകളും രാപ്പാടികളും പാറി നടന്ന കാലത്തിനുശേഷമുള്ള പരിണാമ സന്ധിയിലാണ് ആണ് ലോകം നീറോമാരെയും ജെംഘി സ്‌ഖാൻമാരെയും ഹിറ്റ്ലർ മാരെയും സൃഷ്ടിച്ചത്. എങ്കിലും ഇവരെല്ലാം കാലത്തിന്റെ നിശാദർശനങ്ങൾ മാത്രമാണ് ലോകസമാധാനം തിരിച്ചു വരിക തന്നെ ചെയ്യും. പ്രശസ്ത തത്വചിന്തകനായ  ബൈട്രാൻഡ് റസലിന്റെ വാക്കുകളാണിത്. വിശ്വനന്മ കൊതിക്കുന്ന  നല്ല മനുഷ്യരുടെ സ്വപ്നമാണ് ലോക സമാധാനം. രാഷ്ട്രങ്ങൾ തമ്മിൽ സ്വാതന്ത്ര്യവും സമാധാനവും സന്തോഷവും പങ്കിടുന്ന ഒരു സുദിനത്തിന്റെ സ്വപ്നമാണ് ഈ ദിനാചരണത്തിൽ പ്രതിഫലിക്കുന്നത്.  

        അയൽക്കാരന്റെ സമാധാനം സ്വന്തം കയ്യിൽ സൂക്ഷിക്കുന്നവരാണ് നാം. നമുക്ക് ശത്രുത ഇല്ലാത്ത ലോകം സൃഷ്ടിക്കാം ...... സമാധാനസ്ഥാപകരാകാം.

       കുട്ടികളോട് എങ്ങനെ പെരുമാറുന്നു എന്നതാണ് സമൂഹത്തിന്റെ മാന്യതയുടെ അളവുകോൽ എന്ന് താത്വികനായ ബെനോഫർ പറഞ്ഞു വയ്ക്കുന്നുണ്ട്. ഒരു കുഞ്ഞു പിറന്നു എന്ന വാർത്ത കേൾക്കുമ്പോൾ ഉടനെ ഉയരുന്ന ഒരു ചോദ്യമുണ്ട്. കുട്ടി ആണോ പെണ്ണോ ? ആദ്യത്തെ കൺമണി ആണായിരിക്കണം എന്നു മലയാളി കാലങ്ങളായി മൂളിപ്പാട്ടു പാടുന്നുമുണ്ട്. ആൺകുഞ്ഞിനേയും പെൺകുഞ്ഞിനേയും ഒരേ പോലെ സ്വീകരിക്കുന്നവരാണ് ഭൂരിഭാഗം ജനങ്ങളും . എന്നാൽ പെൺ ജന്മം ലോകത്തിനു ലഭിക്കുന്ന അനുഗ്രഹമായി സ്വീകരിക്കാൻ കഴിയാത്തവരും നമ്മുടെയിടയിലുണ്ട്.

      മുട്ടിലിഴയുന്ന പെൺകുഞ്ഞിനു നേരെ പോലും മനുഷ്യ കഴുകന്മാരുടെ മുഷ്ടികൾ നീളുന്ന ഇക്കാലത്ത് പെൺകുഞ്ഞുങ്ങളെ ഓർക്കാൻ മാത്രമായി ഒരു ദിനം തികച്ചും അർത്ഥവത്താണ്. ഈ ദിനം നാം തിരിച്ചറിയണം സ്ത്രീ വിധിയല്ല നിധിയാണെന്ന്.

           യാത്ര ! അറിയാനും അന്വേഷിക്കാനും ആസ്വദിക്കാനും അനുഭവിക്കാനും അതിജീവിക്കാനുമുള്ള മനുഷ്യ പ്രകൃതിയുടെ സഹജവാസന. ആദ്യയാത്ര അന്നം തേടിയുള്ളതായിരുന്നു. പിന്നീട് അതിജീവനത്തിന്. തുടർന്ന് അറിവിനും ആസ്വാദനത്തിനുമായി ......

          ഇനി സഹ്യസാനുശുതി ചേർത്തുവച്ച മണിവീണയിൽ വിരൽ തൊടട്ടെ , വിനോദസഞ്ചാരികൾ . പുഞ്ചിരികൊള്ളുന്ന , പുഞ്ചനെൽപാടങ്ങിൽപ്പാറുന്ന പച്ചപ്പനന്തത്തകളെ, തങ്ങളുടെ ഗൃഹാതുരതയുടെ കൊച്ചു വാഴത്തോപ്പുകളിലേക്ക് അവർ വിരുന്നു വിളിക്കട്ടെ. നമ്മുടെ ടൂറിസവും അനേകരെ നാടിന്റെ ഹൃദ്യതയിലേക്ക് നയിക്കട്ടെ.

               ഒരിടത്തൊരിടത്ത് ഒരപ്പൂപ്പനും അമ്മൂമ്മയും ഉണ്ടായിരുന്നു. ഉമ്മറപ്പടിയിൽ കാലും നീട്ടിയിരുന്ന് പേരക്കിടാവിനെ മടിയിലിരുത്തി ഒരു ജന്മത്തിന്റെ സ്നേഹവായ്പുകൾ മുഴുവൻ ഒരായിരം കഥകളുടേയയും കടംകഥകളുടേയും തേനടകളിൽ പൊതിഞ്ഞ് പുതുതലമുറയുടെ മനസ്സിലേക്ക് പകരുന്ന വാത്സല്യമൂർത്തികളായ മുത്തശ്ശനും മുത്തശ്ശിയും ഓരോ മലയാളി കുടുംബത്തിന്റേയും കൂലീന ചിഹ്നമായിരുന്നു.  

           ആ ഗതകാലത്തിന്റെ ഓർമ്മകളിൽ നിറഞ്ഞ് നമ്മൾ ഒക്ടോബർ ഒന്നാം തിയതി ലോക വൃദ്ധദിനം ആഘോഷിക്കുന്നു. അപ്പൂപ്പൻ കഥകളിലെപ്പോലെ ദൂരെയെങ്ങോ ഒരിടത്തല്ല, എന്റെ വീട്ടിൽ ഒരു മുത്തശ്ശനും മുത്തശ്ശിയും ഉണ്ടായിരുന്നുവെന്ന് അഭിമാനത്തോടെ ഓർക്കാൻ അവരെ ആദരിക്കാൻ ഈ ദിനം നമുക്ക് പ്രയോജനപ്പെടുത്താം.

          ഇന്ന് ഗാന്ധിജയന്തി മഹാത്മാഗാന്ധിയുടെ ജന്മദിനം ലോകമനസിൽ സത്യത്തിന്റേയും അഹിംസയുടെയും ആൾരൂപമായി ഗാന്ധിജി ഇന്നു വീണ്ടും ഉയിർക്കുകയാണ്. ജനകോടികളുടെ മനസിൽ ഗാന്ധിസമെന്ന സമാധാന സന്ദേശമായി. "നിങ്ങളെ ഞാൻ അക്രമം പഠിപ്പിക്കുകയില്ല. കാരണം അതിൽ ഞാൻ വിശ്വസിക്കുന്നില്ല. എന്നാൽ ജീവൻ പോയാലും ആരുടെ മുൻപിലും തല കുനിക്കാതിരിക്കുന്നതെങ്ങനെ എന്നു നിങ്ങളെ പഠിപ്പിക്കാൻ എനിക്ക് സാധിക്കും " എന്നു പ്രഖ്യാപിച്ചു കൊണ്ടാണ് ഗാന്ധിജി സ്വാതന്ത്ര്യ സമരത്തിന്റെ മുന്നണിപ്പോരാളിയായത്..

      ഗാന്ധിജയന്തി നമുക്ക് സേവനദിനമാണ്. മുൻപ ഇത് സേവനവാരമായിരുന്നു. ഈ കൊറോണ കാലഘട്ടത്തിൽ വീടും പരിസരവും വൃത്തിയാക്കി മാത്രം ഈ ദിനം നാം ആചരിക്കരുത്. ഒപ്പം നമ്മിലെ ദുശീലങ്ങളുടേയും ദുഷിച്ച മൂല്യങ്ങളുടേയും ജീർണിപ്പുകൾ തുടച്ചു നീക്കാൻ ഈ ദിനത്തിൽ നമുക്ക് ആരംഭിക്കാം. കൂടെ ഗാന്ധിജിയുടെ ഭാരത ദർശനങ്ങളും അഹിംസാ സിദ്ധാന്തങ്ങളും പ്രാവർത്തികമാക്കുന്ന നവഭാരത ശിൽപികളായി നമുക്കും മാറാം.

           കറുത്ത ബോർഡും ഹാജർ ബുക്കും പാഠ പുസ്തകവും കൈ കോർക്കുന്ന ക്ലാസ് മുറിയുടെ പുറത്തേക്ക് അറിവുവിതരണത്തിന്റെ ഇടം വികസിപ്പിച്ച് കാലത്തെത്തന്നെ പാഠശാലയാക്കിയ ഗുരുശ്രേഷ്‌ഠരെ അനുസ്മരിക്കുകയാണ് ലോകം ഒക്ടോബർ 5 ന് . സ്വന്തം വിദ്യാലയത്തിന്റെ അതിരുകളെ കാലത്തിന്റെ ചക്രവാളങ്ങളിലേക്ക് വികസിപ്പിക്കാൻ വിളി ലഭിച്ച ഒരു ഗുരുവിനും ഒരിക്കലും അധ്യാപനം അവസാനിപ്പിക്കേണ്ടി വന്നിട്ടില്ല. അവരുടെ ജീവിതം തന്നെ അധ്യാപനമായി മാറുന്നു. സദാ മനസിൽ ഗുരു സ്മരണകൾ സൂക്ഷിക്കാൻ ഈ ദിനം പ്രചോദനമാകട്ടെ. അറിവിന്റെ ആദ്യാക്ഷരം കുറിച്ചു കൊണ്ട് വഴി തെളിച്ച പ്രിയ ഗുരുഭൂതരെ നമുക്കിന്നാദരിക്കാം.

        മനുഷ്യന്റെ ആശയവിനിമയ സാധ്യതകൾ അതിരുകളില്ലാതെ പറക്കാൻ അവസരമൊരുക്കിയ സാധ്യത തപാൽ. 1775 ൽ ബഞ്ചമിൻ ഫ്രാങ്ക്ളിൻ പോസ്റ്റു മാസ്റ്റർ ജനറൽ ആയതോടെയാണ് അമേരിക്കയിൽ പോസ്റ്റൽ മേഖല വികാസം തുടങ്ങിയത്. തുടർന്ന് 1847 ൽ പോസ്റ്റൽ സ്റ്റാമ്പ് ആദ്യമായി പുറത്തിറങ്ങി. 1837 ഒക്ടോബർ ഒന്നിനാണ് ഇന്ത്യൻ പോസ്റ്റ് ഓഫീസ് സ്ഥാപിതമായത്. 1854 ൽ ആദ്യമായി ഇവിടെ സ്റ്റാമ്പ് സംവിധാനം നിലവിൽ വന്നു.  

           മനുഷ്യന്റെ സാമൂഹിക പുരോഗതിയുടെ സിംബലാണ് കത്തുകൾ . ഹൃദയ ബന്ധങ്ങൾ വർദ്ധിപ്പിക്കാൻ നല്ല കത്തിലൂടെ സാധിക്കും. ലോക തപാൽ ദിനം ആചരിക്കുമ്പോൾ ഭൂമിയിൽ പച്ചപ്പിന്റെ വളർച്ചക്കായി നമുക്ക് പരസ്പരം ഭൗമശാന്തി സന്ദേശങ്ങൾ അയക്കാം.

      .ശരീരത്തിന് ഭക്ഷണം മനസ്സിന് ഭാഷണം ആധുനികമനുഷ്യനെ ജീവനകലയുടെ ആന്തരിക രഹസ്യം ഇതാണ്. സന്തോഷത്തോടെ ജീവിക്കുക ജീവിച്ച് സന്തോഷിപ്പിക്കുക എന്നത് പോലെ തന്നെ പ്രധാനമാണ് എന്റെയും നിന്റെയും സന്തോഷത്തിന് ജീവൻ നൽകുക എന്നതും. ശരീരത്തിന് ആരോഗ്യം നിലനിർത്താനും ആയുസ്സിന് ദൈർഘ്യം ലഭിക്കാനും ഓരോ വ്യക്തിയും തന്റെ മനസിന്റെ ആരോഗ്യം സംരക്ഷിക്കണമെന്ന് ഓർമ്മിപ്പിച്ചു കൊണ്ടാണ് ലോക ആരോഗ്യ സംഘടന ഒക്ടോബർ 10 ലോക മാനസികാരോഗ്യ ദിനം ആയി ആചരിക്കുന്നത്.മനസ്സിന് ബലം ഇല്ലാത്തവർ ജീവിതത്തിലെ പ്രതിസന്ധികളെ ഒരിക്കലും നേരിടുകയില്ല. ഓരോ പ്രതിസന്ധിയെയും ഒഴിവാക്കി വിടുന്നത് വഴി അവയെ നേരിടാനും അതിജീവിക്കാനുള്ള അവസരമാണ് നാം നഷ്ടപ്പെടുന്നത്. മനോബലമില്ലാത്തവർ  ഏതു സാഹചര്യവുമായി പൊരുത്തപ്പെടും. പ്രതിസന്ധിയോടും ഉടൻ സന്ധി ചെയ്യും കാരണം അവർ ഒരു പ്രശ്നങ്ങളെയും നേരിടാൻ ഒരുക്കമല്ല.

            അക്ഷയമായ മാനസികാരോഗ്യം ആണ് ഒരു വ്യക്തിയുടെ ഏറ്റവും വലിയ സമ്പത്ത് അതിനാൽ മനസ്സിൽ ഉന്മേഷം നിറയ്ക്കുക ആത്മവിശ്വാസത്തിൽ വളരുക പ്രതിസന്ധികളോട് സന്ധി ചെയ്യാതെ സമരം ചെയ്യുക എങ്കിൽ വിജയം മാത്രമേ ജീവിതം നിങ്ങൾക്ക് നൽകു.

കൊറോണ വൈറസ് മൂലം രണ്ടു വർഷത്തോളമായി അടച്ചിട്ടിരുന്ന വിദ്യാലങ്ങൾ നവംബർ ഒന്നിന് തുറക്കുമ്പോൾ കോവിഡ് പ്രതിരോധ പ്രവർത്തനങ്ങൾക്കായി പുൽപ്പള്ളി ലയൺസ് ക്ലബ് തെർമ്മൽ സ്കാനർ സെന്റ് തോമസ് AUPS സ്കൂളിന് നൽകി .