"ഗവ.എച്ച്.എസ്. കിഴക്കുപുറം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വിദ്യാലയങ്ങൾ വെറും കെട്ടിട സമുച്ചയങ്ങളല്ല. അതിന് ജീവനും ആത്മാവും ഉണ്ട്. ആദ്യാക്ഷരം അഭ്യസിക്കുന്നതിന് വിദ്യാലയപ്രവേശനം നേടി ഓരോ വിദ്യാർത്ഥിയും തന്റെ പഠനമുറിയിലേക്ക് ചുവട് വച്ച് തുടങ്ങുമ്പോൾ താൻ മറ്റൊരു മഹാപ്രപഞ്ചത്തിലേക്കാണ് എത്തിച്ചേരുന്നത്. ശതകോടികളുടെ ചിന്തകളും ശബ്ദവിന്യാസങ്ങളും ചിരികളും പരിഭവപ്പിണക്കങ്ങളും പവിത്രമായ ഗുരുശിഷ്യബന്ധത്തിന്റെ അദിർശ്യമായ സ്നേഹ ചരടുകളും ഭാവി സ്വപ്നങ്ങളും ഒക്കെ കൂടി കലർന്ന സജീവവും ചലനാത്മകവുമായ ഒരു സവിശേഷ ഭൂമിക ! ' ഒരിക്കലും നശിക്കാത്തവ എന്നർത്ഥമുള്ള അക്ഷരങ്ങൾ, അക്കങ്ങൾ, വാക്കുകൾ, വാചകങ്ങൾ, മാനുഷിക മൂല്യങ്ങൾ, സർഗ്ഗവാസനകൾ, നിസ്സഹായതകൾ, നിവർത്തികേടുകൾ, പട്ടിണികൾ, പങ്കുവയ്ക്കലുകൾ, പരിഭ്രമങ്ങൾ, പതിയുറക്കങ്ങൾ, അങ്ങനെ എല്ലാം കൂടികുഴഞ്ഞ ബാല്യ-കൗമാരങ്ങളുടെ ഒരു വർണ്ണപ്രപഞ്ചം ഇതൾ വിരിയുകയാണ് ഓരോ വിദ്യാലയത്തിലും. അതുകൊണ്ട് തന്നെ ഓരോ വിദ്യാർത്ഥിയും എത്ര മുതിർന്നാലും തന്റെ വിദ്യാലയസ്മരണകൾ ഗൃഹാതുരത്വം പേറുന്ന ഓർമ്മചിത്രങ്ങളായി തന്റെ ഹൃദയത്തിൽ ചേർത്തുവയ്ക്കും !