ഗവ. എൽ പി എസ് തിരുവല്ലം/അക്ഷരവൃക്ഷം/ശുചിത്വം
ശുചിത്വം
നമ്മുടെ നിത്യ ജീവിതത്തിൽ നാം വളരെയധികം ഉപയോഗിക്കുന്ന പദമാണ് ശുചിത്വം. ശുചിത്വത്തെ കുറിച്ച് വളരെയധികം ബോധവാന്മാരാണ് ഈ തലമുറയിലെ ജനങ്ങൾ, പ്രതേകിച്ചു മലയാളികൾ. അതുകൊണ്ടുതന്നെയാണ് നമ്മുടെ ഈ കൊച്ചു കേരളത്തിന്‌ പല മഹാരോഗങ്ങളെയും ചെറുത്തു നിർത്താനായത്. ശുചിത്വത്തെ രണ്ട് വകഭേദങ്ങളായി തിരിക്കാം,വ്യക്തിശുചിത്വവും പരിസരശുചിത്വവും. ഒരു വ്യക്തിയുടെ ശാരീരികവും ആരോഗ്യപരവുമായ ശുചിത്വമാണ് വ്യക്തിശുചിത്വത്തിൽ ഉൾപ്പെടുന്നത്. എന്നാൽ പരിസരശുചിത്വം അവന്റെ ചുറ്റുപാടിനെ അതായത് പരിസ്ഥിതിയുടെ ശുചിത്വത്തെയാണ് കാണിക്കുന്നത്. വ്യക്തിശുചിത്വവും പരിസരശുചിത്വവും പരസ്പര പൂരകങ്ങളാണ്‌. ഇവ രണ്ടും കൂടിച്ചേരുമ്പോൾ മാത്രമാണ് "ശുചിത്വം "എന്ന പദം അർത്ഥപൂർണമാവുന്നത്. മാനവരാശിയുടെ നിലനിൽപ്പിനു അത്യന്താപേക്ഷിതമാണ് ശുചിത്വം. അതിനായി നമുക്ക് പൂർണ ബോധത്തോടെ ഉണർന്നു പ്രവർത്തിക്കാം.
|
