അമ്മതൻ ഉദരത്തിൽ നിന്നും
ജന്മമെടുക്കാത്ത ഏതൊരു സൃഷ്ടിയുണ്ട്
ആ മൃദുമസൃണമാം ചൂടേൽക്കാത്തവർ
ആഴക്കടലിൻ നടുവിലെ കേവഞ്ചി പോലെ
അസ്തി നുറുങ്ങും വേദനയോടവൾ
പെറ്റുപോറ്റിയിട്ടും ജീവരക്തം
നിർവൃതിയോടെ ചുരന്നുനൽകിയിട്ടും
നിർദാക്ഷണ്യം നാം അവളുടെ മാറിൽ
കൂരമ്പുകളെയ്തു ആനന്ദനടനം ചെയ്യും
ഒടുവിലാ പെറ്റമ്മയെ ത്യജിച്ച്‌ നേടി -
യെടുത്തോരാഡംബരവും ആഹ്ലാദാരവവും
തകർന്നടിയും തിരിച്ചറിയും മാനവാ നീ
ജനനിയെന്നത് ശാപമല്ല ദൈവത്തിൻ
കരവിരുതാൽമെനഞ്ഞെടുത്തിടുന്ന
കമനീയ കനിവാർന്ന ശില്പം
