വീട്ടുമുറ്റത്തിരുന്നെണ്ണുന്നുഞാൻ കുന്നു -
കൂട്ടിയ നേട്ട‍ങ്ങൾ ജീവിത സന്ധ്യയിൽ
പൂക്കളും കായ്കളും പച്ചപ്പുമില്ലതിൽ
കൂട്ടായിവന്നൊരു ദീർഘശ്വാസം
ടൈലുമിന്റർലോക്കുമോടയും ടാറുമായ്
മണ്ണിനന്യം മഴത്തുള്ളി
ശവവാഹനക്കൂക്കുവഴികളിൽ മത്സരം
ടയറുരുൾചോപ്പിന്നൊഴുക്കം
കാനനഭംഗിയും മണ്ണിന്റെ ഗന്ധവും
'ടൂറി'ന്റെ ഭാഗമായി മാറി
ഭൂമിയെ കൊല്ലാക്കൊലചെയ്തു 'കൂളറിൻ'
കീഴിലിരിപ്പൂ സൗഭാഗ്യം
പ്ലാസ്റ്റിക്കുവെള്ളവും പച്ചക്കറിവി‍ഷ-
പ്പാതയും താണ്ടിയെൻ യാത്ര
എങ്ങനെയാകുമോ? കൈത്താങ്ങുമായ് വന്നു
നിന്നുണർവിൻ "പഴങ്കാലം".
