ഒരു നിമിഷം ഞാൻ പകച്ചുപോയി,
ഹൃദയം തകർന്നു, എൻ ജീവൻ ഭയന്നു,
എന്താണിത്, എവിടെ നിന്നാണിത്,
എന്തിനാണ് ഇന്നിത് എന്നെ വേട്ടയാടുന്നത്.
മാനവന്റെ ജീവൻ കവർന്നെടുക്കാനെത്തി,
ലോകമൊട്ടാകെ ഒന്നിച്ചു തീർക്കുകയായ്,
വീണുപോയി ഞാൻ ഈ തകർച്ചക്കുമുന്നിൽ,
പതറിപ്പോയി ഞാൻ ഈ ദുരന്തം കാൺകെ.
കെട്ടിപ്പടുത്ത എൻ സ്വപ്നങ്ങളും ,
തീരാത്ത എന്നുടെ പണമോഹവും,
ഒരു മുറിക്കുള്ളിൽ അടഞ്ഞുപോയി,
ആരോ അവയെ പൂട്ടി വച്ചു.
എവിടെ പോയി മനുഷ്യാ നീ,
നീയും നിന്റെ ആഗ്രഹവും,
ഇത്രയേയുള്ളൂ നീ മനുഷ്യാ
ഒരു ചെറു കീടം ഇന്ന് നിൻ
യജമാനനായി !
