എൻ.എസ്.എസ്.എച്ച്.എസ്. ചൊവ്വള്ളൂർ/അക്കാദമിക മാസ്റ്റർ പ്ലാൻ-2017-18

കാഴ്ചപ്പാട്

സ്കൂൾ സമ്പൂർണ്ണ ഹൈടെക് വിദ്യാലയമാകാനുള്ള കുതിപ്പിലാണ്.ആറ് ഹൈടെക് ക്ലാസ്സുകളുടെ നിർമ്മാണം പൂർത്തീകരിച്ചു.മികച്ച നില വാരത്തിന് നാട്ടിൻപുറത്തെ വിദ്യാലയം തന്നെ മതി എന്ന ധാരണ പൊതുസമൂഹത്തിന് ഉണ്ടാക്കിയെടുക്കാൻ കഴിഞ്ഞൂ തനതായ പ്രവ ർത്തനങ്ങളലൂടെ പൊതുസമൂഹത്തിന്റെ ശ്രദ്ധയാകർഷിക്കുന്ന തരത്തിലേയ്ക്ക് സ്കൂളിനെ മികവിന്റെ കേന്ദ്രങ്ങളാക്കുക എന്ന ലക്ഷ്യത്തോ ടെ അക്കാദമിക മാസ്റ്റർ പ്ലാൻ-2017-18 തയ്യാറാക്കി.പദ്ധതി നിർ‍വഹണത്തിനായി ജീവനക്കാരെ 11 ഗ്രൂപ്പുകളായി തിരിച്ചു

പൊതുലക്ഷ്യങ്ങൾ

a)പഠിതാക്കളുടെ സർവ്വതോമുഖമായ അഭിവ്യദ്ധി ലക്ഷ്യമാക്കി പ്രവർത്തിക്കുക.

b)അധ്യാപകരുടെയും രക്ഷിതാക്കളുടെയും സഹകരണത്തോടെ പ്രവർത്തനങ്ങൾ ആസൂത്രണം ചെയ്തു നടപ്പിലാക്കുക.

c)വിദ്യാലയത്തെയും സമൂഹത്തെയും പരസ്പരം ബന്ധിപ്പിക്കുക

d)പാഠ്യേതരവിഷയങ്ങളിലും കുട്ടികളുടെ മികവ് കണ്ടെത്തുക

e)ഇൗ പ്രവർത്തനങ്ങളിൽ രക്ഷിതാക്കളുടെ പങ്കാളിത്തം ഉറപ്പാക്കുക.

f)മാനേജ്മെന്റിന്റെയും PTAയെയുടെയും സഹായത്താൽ വിദ്യാലയ പുരോഗതി.

g)കുട്ടികളുടെ ജീവിത സാഹചര്യം മനസ്സിലാക്കി അവർക്കൊരു കൈത്താങ്ങാകുക

h)വിദ്യാലയത്തിന്റെ ഗുണനിലവാരമികവ് സമൂഹമാധ്യമങ്ങളിലേയ്ക്ക് നേരിട്ട് എത്തിക്കുക
അക്കാദമിക പ്രവർത്തനങ്ങൾ

1. മുകളിൽ പറഞ്ഞ ലക്ഷ്യങ്ങൾ ലാക്ഷാത്കരിക്കുന്നതിനു വേണ്ടി വിദ്യാലയത്തിൽ എല്ലാമാസവും PTAമീറ്റിംഗ് നടത്താറുണ്ട്.കുട്ടികൾക്ക് പാഠ്യവിഷയങ്ങളുടെ മൂല്യനിർണ്ണയം നടത്തുകയും അവരുടെ പഠനപുരോഗതിയും പിന്നോക്കാവസ്ഥയും ക്ലാസ്സ് PTAയിൽ ചർച്ചചെയ്തു പരിഹാരനടപടികൾ സ്വീകരിച്ചു.
2. ലൈബ്രറി,ലാബ്,മൾട്ടീമിഡിയ റൂമുകൾ എന്നിവ പരമാവധി ഉപയോഗിച്ചുകൊണ്ടുള്ള ബോധനതന്ത്രങ്ങൽ നടപ്പിലാക്കി.
3. പെൺകുട്ടികളുടെ സ്വയരക്ഷാർത്ഥം കരാട്ടെ,ആൺകുട്ടികൾക്ക് യോഗാക്ലാസ്സ് എന്നിവ രക്ഷകർത്താക്കളുടെ ശ്രദ്ധപിടിച്ചുപറ്റി.
4. പോഷകപ്രദമായ ആഹാരം പാചകം ചെയ്യാനുള്ള പരീശിലനം സ്ക്കൂളിൽ നടത്തിയ Food Festival ലിൽ നിന്നും ലഭിച്ചു.
5. വ്യദ്ധസദനത്തിലേയ്ക്ക് "വിശപ്പിന് ഒരു പിടി അരി"എന്ന പദ്ധതിയിലൂടെ കുട്ടികളെ സമൂഹനന്മയിലേയ്ക്ക് കൂട്ടിക്കൊണ്ടുവന്നു.
6. ക്യസ്തുമസ്സ് സമ്മാനമായി പാവപ്പെട്ട വ്യദ്ധർക്ക്Rice Kitവിതരണം നടത്തിയതിലൂടെ കുട്ടികളെ ജീവകാരുണ്യപ്രവർത്തനങ്ങളുടെ ഭാഗഭാക്കാൻ കഴിഞ്ഞൂ

'നടപ്പിലാക്കുന്ന പ്രവർത്തന വിശദാംശം'

• മേഖല-1

വിദ്യാലയ വിഭവങ്ങൾ , ലഭ്യത , പര്യാപ്തത, ഉപയോഗക്ഷമത'

ചുമർപത്രികയും പഠനസാധ്യതകളും

ആമുഖം

ക്ലാസ്സ് വരാന്തകളിലെ ചരടിൽ കോർത്തിട്ട ചാർട്ടുപേപ്പറുകളിൽ കുട്ടികളുടെ ദൈനംദിന പൊതുവിജ്ഞാനവും സർഗ്ഗാത്മകതയും രേഖപ്പെടുത്തി പഠനനിലവാരം ഉയർത്തുക

ലക്ഷ്യങ്ങൾ

• എല്ലാകുട്ടികളെയും പഠനമികവിലേയ്ക്ക് നയിക്കാൻ ചുമർപത്രികയുടെ സാധ്യത പ്രയോജനപ്പെടുത്തുക.
• കുട്ടിയുടെ പഠനം ക്ലാസ്സ് മുറിയുടെ അകചുവരുകളിൽനിന്നും പുറംലോകത്തേയ്ക്ക്.
• എല്ലാ ക്ലാസ്സിലെയും പഠനപ്രവർത്തനങ്ങൾ ലിസ്റ്റ് ചെയ്തു് താരതമ്യം ചെയ്യുക.
• പൊതുസമൂഹത്തെ വിദ്യാലയത്തോട് കൂടുതൽ അടുപ്പിക്കുക

ഉപയോഗരീതിശാസ്ത്രം

1. ഏത് ക്ലാസ്സിനും ഏത് വിഷയത്തിനും പഠനപ്രവർത്തനങ്ങൾക്കായി ഉപയോഗിക്കാം.
2. ഇതിനായി അധ്യാപകർ ആസൂത്രണം നടത്തും.
3. പൊതുവിജ്ഞാനപ്രശ്നോത്തരി, ശാസ്ത്രീയവിശകലനം, കഥാരചന ,അനുഭവക്കുറിപ്പ് തയ്യാറാക്കൽ, കവിതാപൂരണം തുടങ്ങിവ നടത്തും.

2. ലൈബ്രറി വികസനവും ഉപയോഗവും ആമുഖം സമൂഹപങ്കാളിത്തത്തോടെ ക്ലാസ്സ്റൂം ലൈബ്രറി നടപ്പിലാക്കി.കുട്ടികളെ പഠനമികവിലേയ്ക്ക് ഉയർത്താനാണ് ഇൗ പ്രവർത്തനം എറ്റെ ടുത്തത്.

ലക്ഷ്യങ്ങൾ

• എഴുത്തിലും വായനയിലുമുള്ള പിന്നോക്കാവസ്ഥ പരിഹരിക്കുക.
• കൂടുതൽ അറിയാനും ചിന്തിക്കാനുമുള്ള കഴിവ് കുട്ടികളിൽ വളർത്തുക.
• ലൈബ്രറപ്രവർത്തനം പരിചയപ്പെടുത്തുക.
• വായനയിലൂടെ കുട്ടികളുടെ പഠനനിലവാരം മെച്ചപ്പെടുത്തുക.

പ്രവർത്തനങ്ങൾ

• ക്ലാസ്സ്റൂം ലൈബ്രറി , സ്മാരകലൈബ്രറിയായി കണ്ടെത്തുക.
  • വായിക്കുന്ന പുസ്തകങ്ങളുടെ ഉള്ളടക്കം കുട്ടി സ്വയം ക്ലാസ്സിൽ എഴുതി അവതരിപ്പിക്കുക.വായനാ ഡയറിക്കുറിപ്പ് തയ്യാറാക്കൽ
    • പുസ്തകപരിചയം ചർച്ചാരീതിയിലൂടെ.

നേട്ടങ്ങൾ

1. സ്മാരകലൈബ്രറി എന്ന പ്രവർത്തനത്തിലൂടെ പൂർവ്വഅധ്യാപകരെയും പൂർവ്വവിദ്യാർത്ഥികളെയും സ്കൂളിന്റെ ഭാഗമാക്കാൻ കഴിയുന്നു.
2. വിദ്യാഭ്യാസമികവിലേയ്ക്ക് PTAയുടെയും തദ്ദേശസ്ഥാപനങ്ങളുടെയും അധ്യാപകരുടെയും സഹകരണം ഉറപ്പാക്കാൻ കഴിയുന്നു.
3. കുട്ടികൾ സ്വന്തമായി പുസ്തകങ്ങൾ തെരഞെടുക്കാൻ പ്രാപ്തരാകുന്നു.
4. വായനാനുഭവം പങ്കുവയ്ക്കാനുള്ള അനുഭവമുണ്ടാകുന്നു.
5. കുട്ടികളുടെ ജന്മദിനത്തിൽ പുസ്തകം സമ്മാനമായി ക്ലാസ്സ് ലൈബ്രറിയിലേയ്ക്ക് കുട്ടിയുടെ സംഭാവന.