ഗവഃ എൽ പി എസ് വില്ലിംഗ്ടൺ ഐലന്റ്
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
എറണാകുളം ജില്ലയിൽ മട്ടാഞ്ചേരി ഉപജില്ലയിൽ വില്ലിംഗ്ടൺ ഐലന്റിൽ സ്ഥിതി ചെയ്യുന്ന സർക്കാർ പ്രൈമറി വിദ്യാലയമാണ് ഗവ. എൽ പി എസ് വില്ലിംഗ്ടൺ ഐലന്റ്
| ഗവഃ എൽ പി എസ് വില്ലിംഗ്ടൺ ഐലന്റ് | |
|---|---|
 | |
| വിലാസം | |
ഐലന്റ് ഐലന്റ് പി.ഒ. , 682003 , എറണാകുളം ജില്ല | |
| സ്ഥാപിതം | 1954 |
| വിവരങ്ങൾ | |
| ഫോൺ | 0484 2666348 |
| ഇമെയിൽ | bristto16@gmail.com |
| കോഡുകൾ | |
| സ്കൂൾ കോഡ് | 26304 (സമേതം) |
| യുഡൈസ് കോഡ് | 32080800608 |
| വിക്കിഡാറ്റ | Q99509842 |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | എറണാകുളം |
| വിദ്യാഭ്യാസ ജില്ല | എറണാകുളം |
| ഉപജില്ല | മട്ടാഞ്ചേരി |
| ഭരണസംവിധാനം | |
| ലോകസഭാമണ്ഡലം | എറണാകുളം |
| നിയമസഭാമണ്ഡലം | എറണാകുളം |
| താലൂക്ക് | കൊച്ചി |
| ബ്ലോക്ക് പഞ്ചായത്ത് | പള്ളുരുത്തി |
| തദ്ദേശസ്വയംഭരണസ്ഥാപനം | കോർപ്പറേഷൻ |
| വാർഡ് | 29 |
| സ്കൂൾ ഭരണ വിഭാഗം | |
| സ്കൂൾ ഭരണ വിഭാഗം | സർക്കാർ |
| സ്കൂൾ വിഭാഗം | പൊതുവിദ്യാലയം |
| പഠന വിഭാഗങ്ങൾ | എൽ.പി |
| സ്കൂൾ തലം | 1 മുതൽ 4 വരെ |
| മാദ്ധ്യമം | മലയാളം |
| സ്ഥിതിവിവരക്കണക്ക് | |
| ആൺകുട്ടികൾ | 9 |
| പെൺകുട്ടികൾ | 7 |
| ആകെ വിദ്യാർത്ഥികൾ | 16 |
| അദ്ധ്യാപകർ | 4 |
| സ്കൂൾ നേതൃത്വം | |
| പ്രധാന അദ്ധ്യാപിക | ഷീന. വി. വി |
| പി.ടി.എ. പ്രസിഡണ്ട് | പ്രഭാവതി |
| എം.പി.ടി.എ. പ്രസിഡണ്ട് | റസിയ |
| അവസാനം തിരുത്തിയത് | |
| 27-07-2024 | Ranjithsiji |
ചരിത്രം
ബ്രിട്ടീഷ് ഭരണകാലത്തെ പ്രമുഖ കച്ചവട കേന്ദ്രമായിരുന്ന കൊച്ചിക്കു ഒരു തുറമുഖം അത്യന്താപേക്ഷിതമായിരുന്നു.വില്ലിങ്ടൺ ഐലൻഡ് തുറമുഖം ആധുനീക സൗകര്യങ്ങളോടെ വാർത്തെടുത്തതു സർ റോബർട്ട് ബ്രിസ്റ്റോ ആണ്. ഏതാക്രമണത്തെയും നേരിടാൻ സന്നദ്ധരായ പട്ടാളക്കാർ ഇവിടെ തമ്പടിച്ചിരുന്നു. ഇന്നത്തെ ബ്രിസ്റ്റോ സ്കൂൾ കെട്ടിടം ഒരു കാലത്തു ഒരു പട്ടാള ക്യാമ്പ് ആയിരുന്നു എന്ന് പറയപ്പെടുന്നു. കൊച്ചിൻ കോർപ്പറേഷനിലെ 26ാം വാർഡായ വില്ലിഹ്ടൺ ഐലന്റിലെ വെങ്കിട്ടരാമൻ റോഡിനു കിഴക്കുവശത്തായി കൊച്ചി തുറമുഖത്തിനു തെക്ക് മാറി മൂന്ന് ഏക്കർ സ്ഥലവിസ്തൃതിയിൽ ചുറ്റുമതിലോടുകൂടിയ ഉറപ്പുള്ള ഇരുനില കെട്ടിടം.സാധാരണക്കാരുടെ കുട്ടികൾക്ക് വിദ്യ അഭ്യസിക്കാൻ അന്ന് സാഹചര്യമില്ലായിരുന്നു. കൊച്ചിൻ പോർട്ടിലെ സവർണ്ണ ഉദ്യോഗസ്ഥന്മാതുടെ കുട്ടികൾക്കായി ഈ ദ്വീപിന്റെ ശിൽപിയായ സർ റോബർട്ട് ബ്രിസ്റ്റോ ഇംഗ്ലീഷ് ഭാഷ പഠിപ്പിച്ചിരുന്നെന്നും കാലക്രമത്തിൽ ഈ സ്ഥലത്ത് ഒരു വിദ്യാലയം സ്ഥാപിച്ചെന്നുമാണ് പഴമക്കാർ പറയുന്നത്. ചരിത്രപശ്ചാത്തലം വിലയിരുത്തുമ്പോൾ സർ റോബർട്ട് ബ്രിസ്റ്റോയാണ് ഈ വിദ്യാലയസ്ഥാപനത്തിന്റെ പിന്നിൽ പ്രവർത്തിച്ചതെന്ന് മനസ്സിലാക്കാം
കൊച്ചിൻ പോർട്ട് ട്രസ്റ്റ് ആയിരുന്നു സ്കൂളിന്റെ പ്രാരംഭ ദശയിലെ സാരഥ്യം വഹിച്ചത്. അങ്ങനെ കൊച്ചി മേഖലയിലെ ഒരു പ്രമുഖ വിദ്യാഭ്യാസ സംരംഭമായി അത് വളർന്നു വന്നു. 1954 - ൽ ഈ സ്കൂൾ കേരള സർക്കാർ ഏറ്റെടുത്തു. ആരെയും ആകർഷിക്കുന്ന പ്രകൃതിഭംഗിയാൽ അനുഗ്രഹീതമാണ് ഇവിടം. വിശാലമായ കളിസ്ഥലത്തോടുകൂടിയ സ്കൂൾ കോമ്പ്ലെസ് മൂന്നേക്കറോളം സ്ഥലത്തു വ്യാപിച്ചു കിടക്കുന്നു. തോപ്പുമ്പടിയിൽ നിന്നും 5 കിലോമീറ്ററും എറണാകുളത്തുനിന്നും 9 കിലോമീറ്ററും അകലത്തിൽ സ്കൂൾ സ്ഥിതി ചെയ്യുന്നു.
ഭൗതീക സാഹചര്യങ്ങൾ
ക്ളാസ് മുറികൾ എല്ലാം ടൈലിട്ടവയാണ്. നല്ല ലൈബ്രറി ഇവിടെ പ്രവർത്തിക്കുന്നു. പത്രങ്ങളും ആനുകാലിക പ്രസിദ്ധീകരണങ്ങളും കുട്ടികൾക്ക് വായിക്കുന്നതിനും വിലയിരുത്തുന്നതിനും ഒരു റീഡിങ് റൂം പ്രവർത്തിക്കുന്നുണ്ട്. പൊതുവരാന്തയിൽ പ്രധാന പത്ര വാർത്തകളും മറ്റു നോട്ടീസുകളും പ്രദര്ശിപ്പിക്കുവാൻ ഉതകുന്ന ബുള്ളറ്റിൻ ബോർഡ് ഉണ്ട്. ക്ളാസ് മുറികളും, പാചകപുരയും മൂത്രപ്പുരയും സ്കൂളിന്റെ പരിസരവും എല്ലാം വളരെ വൃത്തിയായി സൂക്ഷിച്ചു പോരുന്നു.
നേട്ടങ്ങൾ
- എല്ലാ വർഷവും കലോത്സവങ്ങളിൽ വിവിധ ഇനങ്ങളിൽ പങ്കെടുക്കുന്ന കുട്ടികൾ മികച്ച പ്രകടനം കാഴ്ചവക്കുകയും ഗ്രേഡുകൾ കരസ്ഥമാക്കുകയും ചെയ്യുന്നു.
- 2014 -15 കാലയളവിൽ സ്കൂളിൽ നടന്ന എജൂ ഫെസ്റ്റും മെട്രിക് മേളയും ജനശ്രദ്ധ നേടുകയുണ്ടായി.കെ സി ടി വി, സി സി ടി വി ചാനലുകളിൽ ഈ പ്രദര്ശനം സംപ്രേക്ഷണം ചെയ്തു.
- വർഷങ്ങൾ പഴക്കം ചെന്ന ആൽമരത്തെ ആദരിച്ചുകൊണ്ടു പരിസ്ഥിതി ദിനവും ഓരോ കുട്ടിയും ഓരോ കൈയ്യെഴുത്തു മാസിക തയാറാക്കികൊണ്ടു വായനാദിനവും പയറുവർഗങ്ങൾ കൊണ്ടുള്ള വ്യത്യസ്ത ഭക്ഷ്യ വിഭവങ്ങൾ തയാറാക്കികൊണ്ടു ലോക പയറുവർഷവും ആചരിക്കുകയുണ്ടായി.
- അഭിനയത്തിന് പ്രാധാന്യം നൽകികൊണ്ട് നടന്ന നാടകകളരി ഈ സ്കൂളിന്റെ നെറുകയിൽ ചാർത്താനുള്ള ഒരു പൊൻതൂവലാണ്.
മറ്റു പ്രവർത്തനങ്ങൾ
- എഴുത്തും വായനയും മെച്ചപ്പെടുത്തുവാൻ പ്രത്യേക പരിശീലനം കുട്ടികൾക്ക് നൽകിവരുന്നു.
- എല്ലാ ക്ലബ്ബ്കളും വളരെ സജീവമായി പ്രവർത്തിക്കുന്നു. മാസംതോറും ബോധവത്കരണ ക്ളാസ്സുകൾ നടത്തി വരുന്നു. കലാപഠന മെച്ചപ്പെടുത്തുന്നതിന്റെ ഭാഗമായി എല്ലാ ആഴ്ചയും സർഗവേളകൾ സംഘടിപ്പിക്കുന്നു. ചിത്രരചന പരിശീലിപ്പിക്കുന്നുണ്ട്.
- പ്രവർത്തിപരിചയ പരിശീലന ക്ളാസ്സുകൾക്കു പ്രാധാന്യം നൽകുന്നു.
- കുട്ടികൾക്ക് കൃഷിയോടുള്ള താത്പര്യം വളർത്തുന്നതിന് രാസവളമില്ലാത്ത പച്ചക്കറികൾ ഉച്ചഭക്ഷണത്തിൽ ഉൾപെടുത്തുന്നതിനുമായി എസ് എം സി അംഗങ്ങളുടെ പിന്തുണയോടെ വാഴ, കപ്പ, മറ്റു പച്ചക്കറികൾ എന്നിവ സ്കൂൾ കോമ്പൗണ്ടിൽ കൃഷി ചെയ്യുന്നു.
- ഇംഗ്ലീഷ് സംസാരിക്കുന്നതിനുള്ള കഴിവ് മെച്ചപ്പെടുത്തുന്നതിനായി കമ്മ്യൂണിക്കേറ്റീവ് ഇംഗ്ലീഷ് ക്ളാസ്സുകൾ നൽകിവരുന്നു.
-
സ്കൂളിന്റെ പോസിറ്റീവ് എനർജി .... മുത്തശ്ശി ആൽ
പ്രശസ്തരായ പൂർവ്വവിദ്യാർത്ഥികൾ
- ബിന്ദു പണിക്കർ - സിനിമ താരം
- രേണുക - ഡിസ്ട്രിക്ട് മെഡിക്കൽ ഓഫീസർ
- മൊയ്തീൻ - കസ്റ്റംസ് സുപ്രണ്ട്
- രാമചന്ദ്രൻ - കസ്റ്റംസ് അസിസ്റ്റൻറ് കളക്ടർ
പാഠ്യേതര പ്രവർത്തനങ്ങൾ
വിദ്യാരംഗം കലാ സാഹിത്യവേദി
എല്ലാ വെള്ളിയാഴ്ചയും 45 മിനിറ്റ് വിദ്യാരംഗം കലാ സാഹിത്യ വേദിയുമായി ബന്ധപ്പെട്ട പ്രവർത്തനങ്ങൾ കാഴ്ചവയ്ക്കാൻ കുട്ടികൾക്ക് അവസരം നൽകുന്നു
സയൻസ് ക്ലബ്ബ്
എല്ലാ കുട്ടികൾക്കും ശാസ്ത്ര പരീക്ഷണങ്ങൾ ചെയ്യാനും ശാസ്ത്രത്തിന്റെ ആസ്വാദന തലം തിരിച്ചറിയാനും അവസരം നൽകുന്നു. കുട്ടികളിൽ ശാസ്ത്രീയ മനോഭാവം വളർത്തുവാൻ ക്ലബ്ബ് പ്രവർത്തനങ്ങൾ സഹായിക്കുന്നു. കളിയുപകരണങ്ങളെയും പാഴ് വസ്തുക്കളെയും പഠനോപകരണങ്ങളായി മാറ്റുന്നതിന് പരിശീലനം നൽകുന്നു.
ജലശ്രീ ക്ലബ്ബ്
ജലം അമൂല്യമാണ് അത് പാഴാക്കരുത് എന്ന ബോധം കുട്ടികളിൽ വളർത്തുന്നു. ഭൂമിയിൽ ജീവന്റെ ആധാരം ജലമാണെന്ന തിരിച്ചറിവ് ക്ലബ്ബ് പ്രവർത്തനങ്ങളിലൂടെ കുട്ടികൾക്ക് ലഭിക്കുന്നു.
ലഹരി വിരുദ്ധക്ലബ്ബ്
ബോധവൽക്കരണ ക്ലാസ്സുകൾ ക്ലബ്ബ് പ്രവർത്തനവുമായി ബന്ധപ്പെട്ട് നടത്തി വരുന്നു. വീഡിയോ പ്രദർശനം നടത്തുന്നു. നോട്ടീസുകൾ തയ്യാറാക്കി വിതരണം ചെയ്യുന്നു. കുട്ടികൾക്ക് പോസ്റ്ററുകൾ തയ്യാറാക്കാൻ അവസരം നൽകുന്നു.
ആരോഗ്യ ശുചിത്വ ക്ലബ്ബ്
ആരോഗ്യം ശുചിത്വം എന്നിവയുമായി ബന്ധപ്പെട്ട് ബോധവൽക്കരണ ക്ലാസുകൾ നൽകുന്നു. കുറിപ്പുകൾ തയ്യാറാക്കി അവതരിപ്പിക്കുവാൻ കുട്ടികൾക്ക് അവസരം നൽകുന്നു.
സുരക്ഷ ക്ലബ്ബ്
സുരക്ഷ ക്ലബ്ബ് പ്രവർത്തനങ്ങൾ വളരെ നന്നായി നടക്കുന്നു. ബോധവൽക്കരണ ക്ലാസ്സുകൾ നൽകി വരുന്നു.
ഐ. ടി.ക്ലബ്ബ്
ICT സാധ്യത പരമാവധി പ്രയോജനപ്പെടുത്തുന്നു. കമ്പ്യൂട്ടർ പരിശീലനം നൽകുന്നു. കമ്പ്യൂട്ടറിൽ ഉള്ള കളികൾ പരിചയപ്പെടുത്തുന്നു. അതു വഴി കളിയിലൂടെ പഠനം എന്ന ആശയം പ്രാവർത്തികമാക്കുന്നു.
മുൻ സാരഥികൾ
സ്കൂളിലെ പ്രധാനാദ്ധ്യാപകർ :
- റീത്താമ്മ .പി.എൽ ( 2000 --- 2003)
- ശോശാമ്മ. സി. പി (2003–2004)
- തങ്കം . സി. കെ (2004 ---2005 )
- മേരിക്കുട്ടി ചാക്കോ (2005 --- 2007 )
- അനിതകുമാരി. പി. എൻ (2007 --- 2009 )
- നഫീസ (2009 ----2011 )
- എ. ഷീല (2011 ---2014 )
- മിനി. പോൾ (2014 --- 2015 )
- ജോൺ. യു. എസ് ( 2015 ---- 2016 )
- നീപ.സി.ആർ (2016 ----- 2022)
നേട്ടങ്ങൾ
- എല്ലാ വർഷവും കലോത്സവങ്ങളിൽ വിവിധ ഇനങ്ങളിൽ പങ്കെടുക്കുന്ന കുട്ടികൾ മികച്ച പ്രകടനം കാഴ്ചവക്കുകയും ഗ്രേഡുകൾ കരസ്ഥമാക്കുകയും ചെയ്യുന്നു.
- 2014 -15 കാലയളവിൽ സ്കൂളിൽ നടന്ന എജൂ ഫെസ്റ്റും മെട്രിക് മേളയും ജനശ്രദ്ധ നേടുകയുണ്ടായി.കെ സി ടി വി, സി സി ടി വി ചാനലുകളിൽ ഈ പ്രദര്ശനം സംപ്രേക്ഷണം ചെയ്തു.
- വർഷങ്ങൾ പഴക്കം ചെന്ന ആൽമരത്തെ ആദരിച്ചുകൊണ്ടു പരിസ്ഥിതി ദിനവും ഓരോ കുട്ടിയും ഓരോ കൈയ്യെഴുത്തു മാസിക തയാറാക്കികൊണ്ടു വായനാദിനവും പയറുവർഗങ്ങൾ കൊണ്ടുള്ള വ്യത്യസ്ത ഭക്ഷ്യ വിഭവങ്ങൾ തയാറാക്കികൊണ്ടു ലോക പയറുവർഷവും ആചരിക്കുകയുണ്ടായി.
- അഭിനയത്തിന് പ്രാധാന്യം നൽകികൊണ്ട് നടന്ന നാടകകളരി ഈ സ്കൂളിന്റെ നെറുകയിൽ ചാർത്താനുള്ള ഒരു പൊൻതൂവലാണ്.
പ്രശസ്തരായ പൂർവവിദ്യാർത്ഥികൾ
- ബിന്ദു പണിക്കർ - സിനിമ താരം
- രേണുക - ഡിസ്ട്രിക്ട് മെഡിക്കൽ ഓഫീസർ
- മൊയ്തീൻ - കസ്റ്റംസ് സുപ്രണ്ട്
- രാമചന്ദ്രൻ - കസ്റ്റംസ് അസിസ്റ്റൻറ് കളക്ടർ
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
- ബസ് സ്റ്റാന്റിൽനിന്നും 1 കി.മി അകലം. എറണാകുളം , മട്ടാഞ്ചേരി , ഫോർട്ടുകൊച്ചി എന്നീ സ്ഥലങ്ങളിൽ നിന്നും ഐലന്റിലേക്ക് ജലഗതാഗത സൗകര്യം.
എറണാകുളം , മട്ടാഞ്ചേരി , ഫോർട്ടുകൊച്ചി എന്നീ സ്ഥലങ്ങളിൽ നിന്നും ഐലന്റിലേക്ക് ജലഗതാഗത സൗകര്യം.
- തോപ്പുംപടിയിൽ നിന്നും 5കി.മീ. അകലത്തിലും എറണാകുളത്തു നിന്നും 9 കി.മീ.അകലത്തിലും ആയി സ്കൂൾ സ്ഥിതിചെയ്യുന്നു.
മേൽവിലാസം
ജി എൽ.പി.എസ്. വില്ലിങ്ടൺ ഐലൻഡ് ജി വി അയ്യർ റോഡ് വില്ലിങ്ടൺ ഐലൻഡ് പി ഓ കൊച്ചി - 03