ജനിച്ചിട്ടും മരണത്തെ പുൽകിയില്ലിതുവരെയെന്ന ആശ്വാസം, ഭയത്തിനു വഴിമാറി ഭീരുവിനു മരണം പലവട്ട മെന്നിരിക്കിലും മരിക്കുവാൻ ഭയം എന്തെല്ലാം കണ്ടു നാം പേടിച്ചു സുനാമിയെക്കുറിച്ചു കേട്ടറിഞ്ഞു പ്രളയവും നിപ്പയും കണ്ടറിഞ്ഞു മരിക്കാത്ത മനുഷ്യത്വം തൊട്ടറിഞ്ഞു ഒടുവിലിതാ ലോകത്തെയാകെ മഹാഭീതിയിൽ മുക്കി കൊറോണയും മതമില്ല, ജാതിയില്ല, വർഗ്ഗമില്ല വലിയവനും ചെറിയവനുമൊന്നുമില്ല വിടപറയുന്നേരം യാത്രയാക്കാൻ ഉറ്റബന്ധുക്കൾക്കുമാവുന്നില്ല ഇത് തിരിച്ചറിവിൻ കാലം ചെറുക്കാം നമുക്കൊറ്റക്കെട്ടായ് കൈകഴുകി, വായ്മൂടി ഒറ്റമനസ്സോടെ മറ്റുള്ളവർക്കായി സ്വയം ബന്ധിക്കാം പൊട്ടിച്ചെറിയാം മനുഷ്യച്ചങ്ങല മനസ്സാൽ ചങ്ങല തീർത്തീടാം മറികടക്കും നാം വിജയംവരിക്കും ഉണ്മയോടൊപ്പം മുന്നേറും നാം
സാങ്കേതിക പരിശോധന - Sreejaashok25 തീയ്യതി: 12/ 02/ 2022 >> രചനാവിഭാഗം - കവിത
