ചിറയകം ജി യു പി എസ്/സാമൂഹ്യശാസ്ത്ര ക്ലബ്ബ്
സാമൂഹ്യശാസ്ത്ര ക്ലബ്ബിൽ 26 അംഗങ്ങളാണ് ഉള്ളത്. ക്ലബ്ബിന്റെ നേതൃത്വത്തിലാണ് ദിനാചരണങ്ങൾ നടത്താറുള്ളത്. പ്രധാന ദിനങ്ങളുടെ കുറിപ്പുകൾ തയ്യാറാക്കുകയും, ആ ദിനവുമായി ബന്ധപ്പെട്ട് ക്വിസ് പരിപാടികൾ നടത്തുകയും ചെയ്തു വരുന്നു. സ്വാതന്ത്ര്യത്തിന്റെ 75-ാം വാർഷികത്തോടനുബന്ധിച്ച് അമൃതമഹോത്‌സവം പരിപാടിയുടെ ഭാഗമായി നടത്തിയ പ്രാദേശിക ചരിത്ര രചനാ മത്സരത്തിൽ എല്ലാ കുട്ടികളും പങ്കെടുക്കുകയും ആലപ്പുഴ ജില്ലയിലെ വിവിധ സ്ഥലങ്ങളുടെ ചരിത്ര० രചിക്കുകയും ചെയ്തു.അഞ്ചാം ക്ലാസ്സിലെ അശ്വിനി. എസ് ൻ്റെ രചന സ്ക്കൂളിലെ മികച്ചതായി തെരഞ്ഞെടുത്തു . സ്വാതന്ത്ര്യ സമര സേനാനികളുടെയും, സാമൂഹ്യ പരിഷ്കർത്താക്കളുടെയും ആൽബം കുട്ടികൾ തയ്യാറാക്കിയിട്ടുണ്ട്. ശിശുദിനവുമായി ബന്ധപ്പെട്ട് കുട്ടികൾ നെഹ്റു തൊപ്പി ഉണ്ടാക്കുകയും, നെഹ്റുവിന്റെ വേഷം ധരിച്ച ഫോട്ടോ ഗ്രൂപ്പുകളിൽ പങ്കിടുകയും ചെയ്തു. വളരെ ഉത്സാഹത്തോടെയാണ് ഓരോ അംഗങ്ങളും ഇതിൽ പ്രവർത്തിക്കുന്നത്.