ഗവ. യു. പി. എസ് പൂവച്ചൽ/അക്ഷരവൃക്ഷം/മരം ഒരു വരം
മരം ഒരു വരം
പ്രഭാത സൂര്യന്റെ പീതകിരണങ്ങൾ അരിച്ചരിച്ചിറങ്ങുന്ന പുതുപ്രഭാതം. ഇന്ന് കുട്ടന് സ്ക്കൂളിൽ പഠിത്തമില്ല. അതുകൊണ്ടുതന്നെ അവൻ രാവിലെ കളിക്കാനിറങ്ങി. ചക്കരമാവിന്റെ ചുവട്ടിലാണ് കുട്ടിപ്പട്ടാളത്തിന്റെ കളി. ഇപ്പോൾ ചക്കരമാവിൽ നിറയെ തേൻ ചൊരിയുന്ന മാമ്പഴങ്ങൾ കായ്ച്ചുലഞ്ഞുകിടക്കുകയാണ്. ആ മരത്തിന്റെ ചുവട്ടിലാണ് ഗ്രാമത്തിലെ ഏക കിണർ സ്ഥിതി ചെയ്യുന്നത്. ഈ മരത്തിന്റെ വരദാനം കാരണം കത്തുന്ന വേനലിൽ പോലും കിണറിൽ വെള്ളം വറ്റാറില്ല. എന്നാൽ കുട്ടന്റെ അച്ഛന് ആ മാവിൽ ഒരു കണ്ണുണ്ടായിരുന്നു. ആ മാവിന് ഒരുപാട് പേരെക്കൊണ്ട് വില വയ്പിച്ചു. എന്നാൽ ആ മരത്തിന്റെ ഇലയിൽ സ്പർശിക്കാൻ പോലും ആർക്കും കഴിഞ്ഞില്ല. കുട്ടന്റെ ജീവനാണാവൃക്ഷം. അപ്പൂപ്പൻ ബാല്യകാലത്തിൽ നട്ട വൃക്ഷം. ഒരു അർദ്ധരാത്രി കുട്ടന്റെ അച്ഛൻ ആ വൃക്ഷത്തെ നിർദാക്ഷിണ്യം വധിച്ചു. മരുഭൂമിയായിമാറിയ ആ സ്ഥലം കണ്ട കുട്ടൻ ദു:ഖത്താൽ നെഞ്ചുപൊട്ടിക്കരഞ്ഞു. അടുത്ത വേനൽക്കാലം താമസിയാതെ എത്തി. കിണറ്റിൽ ജലം വറ്റിത്തുടങ്ങി. ഒരിക്കലും വെള്ളം വറ്റാത്ത കിണർ ഒരു പൊട്ടക്കിണറായി മാറി. ജലത്തിനു വേണ്ടി അവർക്ക് ദിവസവും അകലെയുള്ള യാത്രചെയ്യേണ്ടതായി വന്നു. കുറച്ചു നാളുകൾക്കു ശേഷം അവർ സുന്ദരമായ ആ ഗ്രാമം ഉപേക്ഷിച്ച് മറ്റൊരു സ്ഥലത്തേയ്ക്ക് താമസം മാറ്റേണ്ടതായി വന്നു. മരം ഒരു വരമാണ് എന്നസത്യം അവസാനം അവർ തിരിച്ചറിഞ്ഞു.
|
വർഗ്ഗങ്ങൾ:
- അക്ഷരവൃക്ഷം പദ്ധതിയിലെ സൃഷ്ടികൾ
- തിരുവനന്തപുരം ജില്ലയിലെ അക്ഷരവൃക്ഷം-2020 സൃഷ്ടികൾ
- കാട്ടാക്കട ഉപജില്ലയിലെ അക്ഷരവൃക്ഷം-2020 സൃഷ്ടികൾ
- അക്ഷരവൃക്ഷം പദ്ധതിയിലെ കഥകൾ
- തിരുവനന്തപുരം ജില്ലയിലെ അക്ഷരവൃക്ഷം കഥകൾ
- തിരുവനന്തപുരം ജില്ലയിലെ അക്ഷരവൃക്ഷം സൃഷ്ടികൾ
- കാട്ടാക്കട ഉപജില്ലയിലെ അക്ഷരവൃക്ഷം-2020 കഥകൾ
- തിരുവനന്തപുരം ജില്ലയിൽ 04/ 05/ 2020ന് ചേർത്ത അക്ഷരവൃക്ഷം സൃഷ്ടികൾ
- അക്ഷരവൃക്ഷം 2020 പദ്ധതിയിൽ പരിശോധിച്ച സൃഷ്ടികൾ
- അക്ഷരവൃക്ഷം 2020 പദ്ധതിയിൽ പരിശോധിച്ച കഥ