എൻ.എസ്.എസ്.(വി.എച്ച്.എസ്.ഇ.)

നാഷണൽ സർവ്വീസ് സികീം (VHSE)

8.06.2019 മുതൽ 09.06.2019 വരെ ഒന്നാം വർഷ വോളന്റിയേഴ്സിനെ ഉൾപ്പെടുത്തിക്കൊണ്ട് ദ്വിദിന സമ്മർ ക്യാമ്പ് ജി.വി.എച്ച്.എസ്.എസ്. കുളത്തൂരിൽ വച്ച് നടത്തുകയുണ്ടായി. പ്രസ്തുത ക്യാമ്പ് രാവിലെ 10 മണിക്ക് നെയ്യാറ്റിൻകര എക്സൈസ് ഇൻസ്പെക്ടർ ഉദ്ഘാടനം ചെയ്തു. അതോടനുബന്ധിച്ച് കുട്ടികൾക്ക് ലഹരി വിരുദ്ധ ബോധവൽക്കരണ ക്ലാസ്സ് അദ്ദേഹം നയിക്കുകയും അവർ വിതരണം ചെയ്ത പോസ്റ്ററുകൾ കടകളിലും, വീടുകളിലും, പരിസരങ്ങളിലും പതിയ്ക്കുകയും ചെയ്തു. യെല്ലോ ലൈൻ ക്യാമ്പയിന്റെ ഭാഗമായി പൊതുജനങ്ങളുടെ ശ്രദ്ധ പതിയുന്നതിനു വേണ്ടി റോഡിൽ യെല്ലോ ലൈൻ വരച്ചു. ഇതോടൊപ്പം സ്കൂൾ പരിസരം വൃത്തിയാക്കുകയും കൂട്ടികൾ തന്നെ അവർക്കുള്ള ഭക്ഷണം ഇവിടെ ഉണ്ടാക്കി കഴിക്കുകയും ചെയ്തു. വൈകുന്നേരം 6 മണി മുതൽ വോളന്റിയേഴ്സ് അവരുടെ കലാപരമായ കഴിവുകൾ അവതരിപ്പിച്ചു.
03.07.2019 ൽ തൃശ്ശൂരിൽ നടന്ന ആനുവൽ മീറ്റിൽ കഴിഞ്ഞ വർഷത്തെ NSS വോളന്റിയർ ലീഡർ ജയശങ്കർ.ജെ. പങ്കെടുത്തു.

കേരളത്തിലുണ്ടായ മഹാപ്രളയങ്ങളിൽ ദുരിതം അനുഭവിച്ചവരെ സഹായിക്കാൻ നമ്മുടെ NSS വോളന്റിയേഴ്സ് 35,000 രൂപയുടെ സാധനസാമഗ്രികൾ നെയ്യാറ്റിൻകര നഗരസഭാകാര്യാലയത്തിൽ16.08.2019 ൽ എത്തിച്ചുകൊടുത്തു.
23.09.2019 ൽ വെഞ്ഞാറമൂട് രംഗപ്രഭാതയിൽ നടന്ന ലീഡർഷിപ്പ് ക്യാമ്പിൽ ഒന്നാം വർഷ വോളന്റിയേഴ്സ് ആയ ജ്യോതിലക്ഷ്മി.സി.ബി.യും അഭിലാഷ്.എസും പങ്കെടുത്തു.
28.09.2019 മുതൽ 29.09.2019 വരെ ജി.വി.എച്ച്.എസ്.എസ്. കുളത്തൂരിൽ വച്ച് ഒന്നാം വർഷ വോളന്റിയേഴ്സിനെ ഉൾപ്പെടുത്തിക്കൊണ്ട് രണ്ടു ദിവസത്തെ റസിഡൻഷ്യൽ ക്യാമ്പ് സംഘടിപ്പിച്ചു. ഇതിന്റെ ഉദ്ഘാടന ചടങ്ങിൽ പഞ്ചായത്ത് പ്രസിഡന്റ്, വൈസ് പ്രസിഡന്റ്, ബ്ലോക്ക് പ്രസിഡന്റ്, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ, വാർഡ് മെമ്പർ, വി.എച്ച്.എസ്.ഇ. പ്രിൻസിപ്പാൾ, എച്ച്.എസ്.എസ്. പ്രിൻസിപ്പാൾ, എച്ച്.എസ്. ഹെഡ്മിസ്ട്രസ്, സ്റ്റാഫ് സെക്രട്ടറി, രക്ഷിതാക്കൾ എന്നിവർ പങ്കെടുക്കുകയുണ്ടായി. സ്കൂൾ പരിസരം വൃത്തിയാക്കൽ, മുൻ NSS PO ആയ ശ്രീ.ജേക്കബ് സാർ നയിച്ച ഓറിയന്റേഷൻ ക്ലാസ്സ് എന്നിവ നടത്തുകയുണ്ടായി.

സെപ്റ്റംബർ 5 ന് അധ്യാപകദിനം പ്രമാണിച്ച് ബിന്ദു ടീച്ചറിന്റെ നേതൃത്വത്തിൽ അധ്യാപനത്തിന്റെ മഹത്വത്തെക്കുറിച്ച് പറയുകയും കുട്ടികളെ അതിലേയ്ക്ക് ആകർഷിക്കുകയും ചെയ്തു.
ചിങ്ങം ഒന്നിന് സർക്കാരിന്റെ പദ്ധതിയായ 'പാഠം ഒന്ന് പാടത്തിലേയ്ക്ക്' എന്നതിന്റെ ഭാഗമായി കൃഷിയെക്കുറിച്ചുള്ള അവബോധം ഉണ്ടാക്കുന്നതിനു വേണ്ടി കുട്ടികളെ നെല്ലൂർക്കോണം പാടത്തേയ്ക്ക് കൊണ്ടു പോയി. അവരെ കൊയ്ത്തിൽ പങ്കാളിയാക്കി.

ഒക്ടോബർ 2ന് VHSE പൂർവ്വ വിദ്യാർത്ഥികളുടെ സംഘടനയായ യുവശ്രീയുടെ മൂന്നാം വർഷം പ്രമാണിച്ച് അവർ നമ്മുടെ കുട്ടികൾക്ക് പഠന സാമഗ്രികൾ വിതരണം ചെയ്തു.
ഒക്ടോബർ 28 ന് ഇൻഡ്യൻ ഭരണഘടന നിലവിൽ വന്നതിന്റെ 70 - ാം വർഷത്തിന്റെ ഭാഗമായി ക്ലാസ്സും, ക്വിസ് കോമ്പറ്റിഷനും നടന്നു.

NSS ക്യാമ്പ് അതിജീവനം 2019 എന്ന പേരിൽ ഡിസംബർ 21 മുതൽ 27 വരെ കുളത്തൂർ ഗവ.എൽ.പി.എസിൽ വച്ച് നടന്നു. വയോഹിതം, സിര, ഹരിതഭവനം, സാർത്ഥകം, ഡ്രോൺ തുടങ്ങി വിവിധ പ്രോജക്ടുകൾ നടപ്പിലാക്കി.

സേവനതത്പരരായ ഒരു സമൂഹത്തെ വാർത്തെടുക്കുവാൻ എൻ.എസ്.എസിനു കഴിയുമെന്നതിൽ സംശയമില്ല.