പൂവാര്
ഗ്രാമവാസികളുടെ മധുരിക്കുന്ന ഏറ്റവും വലിയ ഓര്മ്മയും ഇതു തന്നെ. എട്ടു വീട്ടില് പിള്ളമാരുടെ ആക്രമണത്തില് നിന്ന് പ്രാണരക്ഷാര്ത്ഥം പ്രയാണം ചെയ്ത മാര്ത്താണ്ഡവര്മ്മ ഇളയരാജാവ് പോക്കുമൂസാപുരത്തെത്തി. അടുത്തു കണ്ട കല്ലറയ്ക്കല് വീട്ടില് എത്തിയ ഇളയ രാജാവിന് അവിടത്തെ ഉമ്മച്ചിയുമ്മ അഭയം നല്കി. എതിരാളികള് നിഷ്ക്രമിച്ചെന്നു മനസ്സിലാക്കിയ ഇളയരാജാവ് പ്രഭാതകര്മ്മങ്ങള്ക്കായി ആറ്റിലേക്കു വന്നു. ജലപ്പരപ്പില് നിറഞ്ഞു പരന്നു കിടന്ന കൂവളം പൂക്കള് കണ്ടപ്പോള് ഇളയരാജാവ് വിസ്മയഭരിതനായി പറഞ്ഞു-പുഷ്പനദി ! കാലക്രമത്തില് പോക്കുമൂസാപുരം പൂവാര് എന്ന നാമം ശിരസാവഹിച്ചു. അഗസ്ത്യ മലയുടെ അനുഗ്രഹാശിസുകള് ഏറ്റുവാങ്ങിയ നെയ്യാര് പൂവാറിലെത്തി അറബിക്കടലില് സംഗമിക്കുന്ന കാഴ്ച തീര്ത്തും വശ്യമനോഹരം തന്നെ