ജി.എച്ച്.എസ്.എസ് കുമരനെല്ലൂർ/സയൻസ് ക്ലബ്ബ്/2025-26
വിദ്യാർത്ഥികളിൽ ശാസ്ത്രീയ മനോഭാവം വളർത്താനും , ശാസ്ത്രത്തെ അംഗീകരിക്കാനും സഹായിക്കുന്ന വേദിയാണ് സയൻസ് ക്ലബ്ബ്. ക്ലാസ്സുകളിലൂടെയും പാഠപുസ്തകങ്ങളിലൂടെയും മാത്രമല്ല, പ്രായോഗികപരമായ പഠനത്തിലൂടെയും പ്രവർത്തനങ്ങളിലൂടെയും ശാസ്ത്രത്തെ പഠിക്കാനാകണമെന്ന് ക്ലബ്ബ് ഉദ്ദേശിക്കുന്നു. വിവിധ ദിനാചരണങ്ങൾ, സെമിനാറുകൾ, ക്വിസ് മത്സരങ്ങൾ , പോസ്റ്റർ നിർമ്മാണം, ഫീൽഡ് ട്രിപ്പ് , പ്രദർശനങ്ങൾ എന്നിവ സയൻസ് ക്ലബിന്റെ നേതൃത്വത്തിൽ നടത്തി വരുന്നു..
📌ജൂലൈ 21 ചാന്ദ്രദിനം
ഹൈസ്കൂൾ
ചാന്ദ്രദിനത്തോടനുബന്ധിച്ച് പ്രത്യേക അസംബ്ലി നടത്തി. ചന്ദ്ര പര്യവേക്ഷണങ്ങളെക്കുറിച്ചുള്ള വിവരണവും വീഡിയോ പ്രദർശനവും ഉണ്ടായി.പോസ്റ്റർ രചനാ മത്സരവും ക്വിസ് മത്സരവും നടത്തി.ഇതോടനുബന്ധിച്ച് തന്നെ ശ്രീ സുധീർ ആലങ്കോട് ( കൺവീനർ, മലപ്പുറം അമേച്വർ അസ്ട്രോണമേഴ്സ് സൊസൈറ്റി) നയിച്ച അസ്ട്രോണമി ക്ലാസും നടന്നു. കുട്ടികൾ താല്പര്യത്തോടെ പങ്കെടുക്കുകയും സംശയങ്ങൾ ആരായുകയും ചെയ്തു.
യു പി
സയൻസ് ക്ലബ്
യുപി സയൻസ് ക്ലബ്ബിന്റെ ആഭിമുഖ്യത്തിൽ ഏപ്രിൽ മാസത്തിൽ തന്നെ കേന്ദ്രഗവൺമെൻറ് നടത്താൻ പറഞ്ഞതുപോലെ തന്നെ ഭൗമ ദിനവുമായി ബന്ധപ്പെട്ട പ്രവർത്തനങ്ങൾ നടത്തിയിരുന്നു .പല കുട്ടികളും ഓരോ മരങ്ങളുടെയും ചെടികളുടെയും ബാർകോഡുകൾ തയ്യാറാക്കുകയും അവയെക്കുറിച്ചുള്ള വിവരങ്ങൾ വളരെ നല്ല രീതിയിൽ തന്നെ ശേഖരിക്കുകയും ചെയ്തിട്ടുണ്ടായിരുന്നു. ജൂൺ മാസത്തിൽ പരിസ്ഥിതി ദിനവുമായി ബന്ധപ്പെട്ട ഒട്ടേറെ പ്രവർത്തനങ്ങൾ കേരള ഗവൺമെൻറ് പറഞ്ഞതനുസരിച്ച് സ്കൂളിൽ നടത്തുകയും എല്ലാ കുട്ടികളും വളരെ മികച്ച രീതിയിൽ തന്നെ ഓരോ പ്രവർത്തനങ്ങളും ഏറ്റെടുക്കുകയും ചെയ്തു.കേന്ദ്ര എക്കോ ക്ലബ്ബ് സംഘടിപ്പിച്ചിരിക്കുന്ന അമ്മയുടെ പേരിൽ ഒരു മരം എന്ന പദ്ധതി വളരെ മികച്ച രീതിയിൽ തന്നെ നമ്മുടെ സ്കൂളിലെ കുട്ടികൾ ഏറ്റെടുക്കുകയും നമ്മുടെ സബ് ജില്ലയിലെ തന്നെ മികച്ച പ്രകടനം കാഴ്ചവയ്ക്കുകയും ചെയ്തിട്ടുണ്ട് .നൂറിലധികം കുട്ടികളാണ് വൃക്ഷത്തൈകൾ വെച്ചുപിടിപ്പിച്ചിരിക്കുന്നത്.മദ്യവും മയക്കുമരുന്നിനെതിരെ ധാരാളം സ്കിറ്റുകളും നാടകങ്ങളും കുട്ടികൾ അവതരിപ്പിക്കുകയുണ്ടായി .മയക്കുനെതിരെ പല ദിവസങ്ങളിലും കുട്ടികളുടെ റാലികൾ നടത്തിയിട്ടുണ്ട്.