ജി.എം.എൽ.പി.എസ്. മേലങ്ങാടി/ചരിത്രം

മലബാർ ഡിസ്‌ട്രിക്‌ട് ബോർഡിന്റെ കീഴിൽ ആരംഭിച്ച ഈ സ്കൂളിന്റെ പ്രഥമ ഹെഡ്മാസ്റ്റർ ശ്രീ :കുഞ്ഞഹമ്മദ് മാസ്റ്ററായിരുന്നു .ഏകദേശം 50 വിദ്യാർത്ഥികളും 2 അദ്ധ്യാപകരുമായിരുന്ന സ്കൂളിന്റെ മേൽനോട്ടത്തിന് നിയോഗിച്ചത് സൂപ്രണ്ടായിരുന്ന ചേക്കുട്ടി സാഹിബിനെയായിരുന്നു .1930 -ലെ കാലവർഷത്തിൽ ഓലഷെഡ് തകർന്നപ്പോൾ പഠനം ചെരിച്ചങ്ങാടിയിലെ പി .ടി മുഹമ്മെദിന്റെ വീട്ടിലേക്ക് മാറ്റി .രണ്ട് വർഷത്തിന് ശേഷം മേലങ്ങാടിയിൽ ഇപ്പോഴുള്ള പഞ്ചായത്ത് കിണറിനു പടിഞ്ഞാറ് ഭാഗത്തായി കൊണ്ടോട്ടി ഇണ്ണിമാൻ തങ്ങളുടെ സ്ഥലത്തായി സ്കൂളിന് കെട്ടിടം നിർമിച്ചു കൊടുക്കുകയും വര്ഷങ്ങളോളം പഠനം തുടരുകയും ചെയ്തു .അഞ്ചാം തരം വരെയുള്ള പഠനം ഉണ്ടായിരുന്നു.

സ്വന്തമായി സ്കൂളിന് കെട്ടിടം എന്ന സ്വപ്നം യാഥാർഥ്യമായത് ചേനങ്ങാടൻ മുഹമ്മദ്‌ കുട്ടി എന്നവർ ഒരേക്കറോളം സ്ഥലം സർക്കാരിന് വിട്ടുകൊടുത്തതോടെയാണ് .1984 -ൽ സർക്കാർ ചെലവിൽ കെട്ടിടം പൂർത്തിയായപ്പോൾ പഠനം സുഗമമായി .വർഷങ്ങൾ കഴിഞ്ഞപ്പോൾ കുട്ടികളുടെ ആധിക്യം കാരണം സുഗമമായ നടത്തിപ്പിന് നാല് ക്ലാസ്സ്മുറികൾ കുമ്മാളി അബൂബക്കറിന്റെ വാടക കെട്ടിടത്തിൽ പ്രവർത്തിച്ചു .അതിനുശേഷം 1998 -ൽ പുതിയകെട്ടിടം നിലവിൽവന്നപ്പോൾ സ്കൂൾ പൂർണ്ണമായും സർക്കാർസ്ഥലത്ത് പ്രവർത്തിച്ചുവരുന്നു .

വിദ്യാഭ്യാസ രംഗത്ത് പിന്നോക്കം നിന്ന ഒരു പ്രദേശത്തെ ഉദ്യോഗസ്ത മണ്ഡലങ്ങളിലും രാഷ്ട്രീയ നേതൃത്തത്തിലും സാംസ്‌കാരിക രംഗത്തും തിളങ്ങുന്ന വ്യക്തിത്വങ്ങളെ സംഭാവന ചെയ്തത് ഈ സ്‌ഥാപനം കത്തിച്ചുവെച്ച തിരുനാളമാണ് .