എൽ എസ് എൻ ജി എച്ച് എസ് എസ്, ഒറ്റപ്പാലം/Say No To Drugs Campaign
SAY NO TO DRUG
2022-23 അധ്യയന വർഷത്തെ ലഹരി നിർമ്മാർജ്ജനത്തിന്റെ ഭാഗമായി വിപുലമായ പരിപാടികളാണ് ഒറ്റപ്പാലം എൽ എസ് എൻ ജി എച്ച് എസ് വിദ്യാലയത്തിൽ നടന്നു വരുന്നത്. ലഹരി വിരുദ്ധ പ്രവർത്തനങ്ങൾ ഏകോപിപ്പിക്കുന്നതിനും നടപ്പാക്കുന്നതിനുമായി 9-7-2022ന് സ്ക്കുൾ മാനേജ്മെന്റ് ,പി ടി എ പ്രതിനിധികൾ, അധ്യാപകർ,വിദ്യാർത്ഥികൾ എന്നിവർ ഉൾപ്പെടുന്ന പുതിയ ജാഗ്രത സമിതിയെ നിയോഗിച്ചു. സമിതിയുടെ പ്രസിഡന്റായി പ്രധാന അധ്യാപിക സിസ്റ്റർ ചൈതന്യയും, സെക്രട്ടറിയായി ജോമിയ ജോബിയും തെരഞ്ഞടുക്കപ്പെട്ടു. സമിതിയിലെ അധ്യാപിക പ്രതിനിധികളായി ശ്രീമതി ലിൻസി, ശ്രീമതി ബീന, ശ്രീമതി തങ്കമ്മ എന്നിവരെയും വിദ്യാർത്ഥി പ്രതിനിധികളായി സ്ക്കൂൾ ലീഡർ കുമാരി അമൃത.പി, നയന.എ എന്നിവരെയും തിരഞ്ഞെടുത്തു.
ലഹരി വിരുദ്ധപ്രവർത്തനങ്ങളുടെ ഭാഗമായി സെപ്റ്റംബർ 28,29 തിയ്യതികളിലായി അധ്യാപകർക്ക് ബി.ആർ.സി യുടെ നേതൃത്വത്തിൽ ബോധവത്ക്കരണ ക്ലാസ് നടത്തി. ഒക്ടോബർ 6 ന് മുഴുവൻ വിദ്യാർത്ഥികളേയും അധ്യാപകരെയും ഉൾപ്പെടുത്തി മനുഷ്യചങ്ങല സൃഷ്ടിച്ചു. തുടർന്ന് മുഖ്യമന്ത്രിയുടെ ഓൺലൈൻ ലഹരിവിരുദ്ധ ഉദ്ഘാടന പരിപാടിയിൽ അധ്യാപകരും വിദ്യാർത്ഥികളും പങ്കാളികളായി. ലഹരിയുടെ ദൂഷ്യഫലങ്ങൾ കുട്ടികൾ തിരിച്ചറിയുന്നതിനും അതിന്റെ ഉപയോഗം പൂർണ്ണമായും നിർമ്മാർജ്ജനം ചെയ്യുന്നതിനുമായി പി.കെ ദാസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ ഡോ.സന്യയുടെ നേതൃത്വത്തിൽ കുട്ടികൾക്കും രക്ഷാകർത്താക്കൾക്കും ബോധവൽക്കരണ ക്ലാസ് നൽകി. ഒക്ടോബർ 26 ന് കുട്ടികളെ അണിനിരത്തി No to Drugs എന്ന പേരിൽ സ്റ്റിൽ സ്റ്റാൻഡിംങ്ങ് മോഡൽ ചെയ്തു.
ജെ.ആർ.സി, സ്കൗട്ട് & ഗൈഡ്സ് എന്നിവയുടെ നേതൃത്വത്തിൽ ലഹരി വിരുദ്ധ റാലി സംഘടിപ്പിച്ചു.