ഗവൺമെന്റ് എച്ച്. എസ്. മടത്തറകാണി/എന്റെ ഗ്രാമം

കേരളത്തിലെ ജില്ലകളായ തിരുവനന്തപുരത്തിന്റെയും കൊല്ലത്തിന്റെയും കിഴക്കൻ മലയോര മേഖലയിൽ രണ്ടു പഞ്ചായത്തുകളിലായി കിടക്കുന്ന ഒരു കാർഷിക പ്രദേശമാണ് മടത്തറ. സംസ്ഥാനപാത ര‍ണ്ടിൽ സംസ്ഥാന പാത അറുപത്തിനാല് വന്നു ചേരുന്ന ഈ പ്രദേശം തിരുവനന്തപുരത്തിനു 45 കിലോ മീറ്ററും കൊല്ലത്തിനു 60 കിലോ മീറ്ററും തെന്മലയ്ക്ക് 23 കിലോ മീറ്ററിനും ഇടയിലാണ്.

ഈ മേഖലയിലെ ഒരു പ്രധാന വാണിജ്യ കേന്ദ്രം കൂടിയാണ് ഇവിടം. പലചരക്ക് സാധനങ്ങളും മറ്റ് നിത്യോപയോഗ സാധനങ്ങളും മൊത്തമായും ചില്ലറയായും സുലഭമായി ലഭിക്കുന്നു എന്നുള്ളതു പരിസര പ്രദേശങ്ങളെ സംബന്ധിച്ച് ഏറെ അശ്വാസകരമാണ്. അതുപോലെ ത്തന്നെ ഒരു ടൂറിസ്റ്റ് കേന്ദ്രം കൂടിയാണ് ഇവിടം, കല്ലടയാറിന്റെ ഉത്ഭവം പൊന്മുടിയുടെ താഴ്‌വാരമായ   മടത്തറ മലനിരകളിൽ നിന്നുമാണ് . മറ്റ് വിവിധ പ്രദേശങ്ങളിലേക്ക് പോകുന്നതിനുള്ള ഒരു ബസ്സ് ബേ ആണിത്. അതായത് തിരുവനന്തപുരത്തേക്കും കൊല്ലത്തേക്കും ചെങ്കോട്ടയ്ക്കും പൊകൂന്നതിനുള്ള വാഹനം എപ്പോഴും ലഭ്യമാണ്. ഇവിടുത്തെ ആളുകൾ പ്രധാനമായും അശ്രയിക്കുന്നത് കൃഷിയെയാണ്. ചിതറ പഞ്ചായത്തും മടത്തറ വാർഡും രൂപീകരിച്ച ശേഷം കോൺഗ്രസ് പാർട്ടി മാത്രം ഭരണത്തിൽ ഇരുന്ന മടത്തറ വാർഡ് 2020 ഡിസംബർ മാസം എട്ടാം തീയതിയിൽ നടന്ന ത്രിതല പഞ്ചായത്ത് തിരഞ്ഞെടുപ്പിൽ കമ്മ്യൂണിസ്റ്റു പാർട്ടി വിജയിക്കുകയും ചരിത്ര നേട്ടം കൈവരിക്കുകയും ചെയ്തു.പെരിങ്ങമ്മല പഞ്ചായത്ത് മടത്തറ ടൗണ് വാർഡ് 2020 ഡിസംബർ മാസം എട്ടാം തീയതിയിൽ നടന്ന ത്രിതല പഞ്ചായത്ത് തിരഞ്ഞെടുപ്പിൽ ഇടതുപക്ഷത്തിന്റെ വർഷങ്ങൾ നീണ്ട ഭരണത്തിന് അറുതി വരുത്തി കോൺഗ്രസ് പാർട്ടി വിജയിക്കുകയും ചരിത്ര നേട്ടം കൈവരിക്കുകയും ചെയ്തു.