എ.എം.യു.പി.എസ്. കാരാകുറിശ്ശി
പാലക്കാട് ജില്ലയിലെ മണ്ണാർക്കാട് വിദ്യാഭ്യാസ ജില്ലയിൽ .മണ്ണാർക്കാട് ഉപജില്ലയിലെ കാരാകുറുശ്ശി ,
വാഴമ്പുറം .സ്ഥലത്തുള്ള ഒരു എയ്ഡഡ് വിദ്യാലയം.
സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
ഒരു വിദ്യാലയം പിറക്കുന്നു :
1 9 1 6 യിൽ ഓത്തുപള്ളി (ഗുരുകുല )സമ്പ്രദായ ത്തിന്റെ കാലത്തു വാഴമ്പുറം പള്ളിയുടെ പുറകുവശത്തെ പാലപ്പള്ളിയിൽ കുഞ്ഞു മുഹമ്മദ് മുസ്ലിയാർ ഒരു കുടിപ്പള്ളിക്കൂടം സ്ഥാപിച്ചു .പിന്നീട് സൗകര്യാർത്ഥം പള്ളിയുടെ മുൻവശത്ത് ഓല ഷെഡ്ഡിലേക്ക് ഇത് മാറ്റി പഠനം തുടർന്നു .
വാഴംപുറത്തെ അനേകം തലമുറകൾക്ക് അറിവിന്റെ വെളിച്ചം പകരാനിരിക്കുന്ന ഒരു മഹാ വിദ്യാലയത്തിന്റെ തുടക്കമാണതന്ന് അദ്ദേഹം പോലും ഓർത്തിട്ടുണ്ടാവില്ല .പുളിയങ്ഹോട്ട് അയ്മുട്ടിക്ക ആയിരുന്നു സ്കൂളിലെ ആദ്യത്തെ അഡ്മിഷൻ നേടുന്ന വിദ്യാർത്ഥി.. അദ്ധ്യാപനത്തിനും ചികിത്സക്കും സഹായത്തിനും എല്ലാം മുസ്ലിയാര്ക്ക് കിട്ടിയിരുന്ന പ്രതിഫലം വർഷത്തിൽ രണ്ടു തവണ ലഭിക്കുന്ന നെല്ലായിരുന്നു .
മലബാർ ഡിസ്ട്രിക്ട് ബോർഡ്
1920 യിൽ മലബാർ ഡിസ്ട്രിക്ട് ബോർഡ് രൂപംകൊണ്ടു .ഒപ്പം നിലവിൽ വന്ന വിദ്യാഭ്യാസ കൗൺസിൽ സ്വകാര്യ വിദ്യാഭ്യാസ സ്ഥാപനങ്ങൾക്ക് ഗ്രാന്റ് ഇൻ എയ്ഡ് നൽകിത്തുടങ്ങി .മുൻ മദിരാശി സംസ്ഥാനത്തിന്റെ ഭാഗമായിരുന്ന പഴയ മലബാറിൽ, ഇന്നത്തെ വിദ്യാഭ്യാസ ഉപജില്ലക്ക് പകരം റൈൻജുകളാണ് നിലനിന്നിരുന്നത് .വള്ളുവനാട്,മഞ്ചേരി ,മലപ്പുറം,പട്ടാമ്പി,മണ്ണാർക്കാട്,പാലക്കാട് തുടങ്ങിയ മുസ്ലിം ഭൂരിപക്ഷ പ്രദേശങ്ങളെ സംയോജിപ്പിച്ചു ഒരു റേഞ്ചിന്റെ കീഴിൽ ആയിരുന്നു .
കാരാകുറുശ്ശി മാപ്പിള എലിമെന്ററി സ്കൂൾ എന്നായിരുന്നു സ്കൂളിന്റെ പേര് .
ക്രമേണ സ്കൂൾ വളർന്നു.ചിറയിൽകുന്നെ,നേന്ത്രപ്പുഴ ,കിളിരാനി ,അരപ്പാറ ,മാങ്കുറുശ്ശി ,വാഴമ്പുറം ,കല്ലംചോല ,മാതംപെട്ടി എന്നിവിടങ്ങളിൽ നിന്നെല്ലാം കുട്ടികൾ എത്തിത്തുടങ്ങി .ഭക്ഷണത്തിനും വസ്ത്രത്തിനുമെല്ലാം സാധാരണക്കാർ കഷ്ട്ടപ്പെട്ടിരുന്ന പട്ടിണി യുടെ കാലത്ത് വിദ്യാർത്ഥികൾ തോർത്തുമുണ്ട് മുറുക്കിയുടുത്താണ് സ്കൂളിലെത്തിയിരുന്നത് .
പുതിയ മാനേജ്മന്റ്
പ്രതിസന്ധികളുടെ ഘോഷയാത്ര .മേലധികാരികളുടെ കനിവ് കൊണ്ട് മാത്രം സ്കൂൾ മുന്നോട്ട് കൊണ്ടുപോകാൻ കഴിയില്ലെന്ന് കുഞ്ഞുമുഹമ്മദ് മുസ്ലിയാർ്ക് മനസ്സിലായി.മുന്നറിയിപ്പില്ലാതെ കയറിവരുന്ന സ്കൂൾ പരിശോധകർ ഗ്രാന്റ് പോലും നിഷേധിച്ചു.ആത്മാഭിമാനിയായ മുസ്ലിയാർ്ക് മുന്നോട്ട് പോക്ക് പ്രയാസമായി.
അങ്ങനെയാണ് 1930 യിൽ മാങ്കുറുശ്ശി വയങ്കര പുത്തൻ വീട്ടിൽ കുഞ്ഞികാവ് അമ്മയിലേയ്ക് സ്കൂൾ ഭരണം കൈമാറ്റം ചെയ്യപ്പെടുന്നത് .വിദ്യാസമ്പന്നയായ അവർ പിന്നീട് അദ്ധ്യാപക പരിശീലനം നേടി ഈ സ്കൂളിൽ തന്നെ ജോലിക്ക് ചേർന്നു .മതിലകത് മാധവൻ നായർ ആയിരുന്നു (1930 )അന്ന് പ്രധാനാധ്യാപകൻ .സമീപ പ്രദേശങ്ങളിൽ നിന്ന് കുട്ടികൾ വന്ന തുടങ്ങി .ഹരിജന വിദ്യാർഥികൾ കുറവായിരുന്നു .പെൺകുട്ടികൾ തീരെ ഇല്ല എന്ന തന്നെ പറയാം .ഒന്ന് മുതൽ അഞ്ചു വരെ ഒറ്റ അധ്യാപകനായിരുന്നു .പിന്നീട രണ്ട മൂന്ന് എണ്ണം വർദ്ധിച്ചു .കുഞ്ഞികാവ് അമ്മ ജില്ല ബോര്ഡില് ജോലിക്ക് പോയപ്പോൾ സഹോദരി വി പി പത്മാവതി അമ്മയുടെ പേരിലേയ്ക് മാനേജ്മന്റ് മാറി .
പുതിയ സ്ഥലത്തേക്ക് കെട്ടിടത്തിലേയ്ക്
സിക്കന്തർ സാഹിബ് എന്ന പേരുള്ള ഒരു റേഞ്ച് ഓഫീസർ ചുമതലയേറ്റു .1940 ,ഒരു ദിവസം അപ്രതീക്ഷിതമായി അദ്ദേഹം പരിശോധനക്ക് വന്നപ്പോൾ സ്കൂൾ അവധിയാണ്. ഒരു മരണവുമായി ബന്ധപ്പെട്ട് പള്ളി പരിസരത്തെ വിദ്യാലയത്തിൽ ക്ലാസ്സെടുക്കാൻ പറ്റാതെ മുടങ്ങിയതാണ് .
" എത്രയും പെട്ടെന്ന് സ്കൂൾ സ്ഥലം മാറ്റണം " - അദ്ദേഹം റിപ്പോർട്ട് ചെയ്തു .
അങ്ങനെ 1940 ൽ മണ്ണാർക്കാട് നായർ തറവാട്ടിലെ ഇളയ നായരിൽ നിന്ന് വി പി പത്മാവതി അമ്മയുടെ പേരിൽ ഇന്നത്തെ സ്കൂൾ സ്ഥിതി ചെയ്യുന്ന ഒരേക്കർ സ്ഥലം വാങ്ങി. പട്ടപ്പുരയാണെങ്കിലും സൗകര്യങ്ങൾ ഉള്ള പുതിയ സ്കൂൾ കെട്ടിടം ഉണ്ടായി. കാട്ടുകുളം വൈലാലിൽ ശങ്കരൻ നായർ ആയിരുന്നു അന്നത്തെ പ്രധാനാധ്യാപകൻ .മതപഠനത്തിന് കുഞ്ഞലവി മൊല്ലയും .മാങ്കുറുശ്ശി താമസിച്ചിരുന്ന തൈയ്യുണ്ണി നായർ ആയിരുന്നു 1930 -1950 വരെ മാനേജ്മെന്റിന്റെ രേഖകൾ ചെയ്തിരുന്നത് .1946 മുതൽ 1951 വരെ അദ്ദേഹം സ്കൂളിന്റെ എച്ച് എം ആയി സേവനം ചെയ്തു .
വാഴമ്പുറം കണ്ണയിൽ ചാമിയേട്ടൻ സ്കൂളിന്റെ ചരിത്രത്തിൽ മറക്കാനാവാത്ത ഒരാളാണ് .പട്ട വെട്ടി ഷെഡ് മേയാനും മറ്റു സൗകര്യങ്ങൾ ഒരുക്കാനും ആ നല്ല മനുഷ്യൻ പരിശ്രമിച്ചുകൊണ്ടേയിരുന്നു .
ഭരണസമിതികൾ നേതൃത്വങ്ങൾ
സ്ഥാപനത്തിന് പുതിയ ഊർജം പകരാൻ പറക്കാത്തൊടി മുഹമ്മദ് സാഹിബിന്റെ നേതൃത്വത്തിൽ പുതിയ ഭരണസമിതി 1967 ൽ നിലവിൽ വന്നു .സ്കൂൾ വളർച്ചയുടെ വഴിയിൽ ബഹുദൂരം മുന്നോട്ട് പോയി .അന്ന് ഈച്ച എച്ച് .എം ആയിരുന്ന വി പി ബാലൻ മാഷ് തച്ചമ്പാറ സ്കൂളിലേയ്ക് പോവുകയും നേരത്തെ ഉണ്ടായിരുന്ന കുമാരൻ മാഷ് നേതൃത്വത്തിലേയ്ക് വന്ന് സ്ഥാപനത്തെ പുരോഗതിയിലേയ്ക്ക് നയിക്കുകയും ചെയ്തു .
സി എച്ച് മുഹമ്മദ് കോയ സാഹിബ് വിദ്യാഭ്യാസമന്ത്രി ആയിരുന്ന സമയത്ത് കുമാരൻ മാഷ് സ്വന്തം സ്കൂളിലേയ്ക് മാറിയപ്പോൾ 1968 ൽ നാട്ടുകാരായ നാലകത്ത് മൊയ്തു മാസ്റ്റർ എച്ച് എം ആയി .പാറക്കത്തൊടി മുഹമ്മദ് സാഹിബ് ഏറ്റെടുത്ത ശേഷം സ്കൂളിന്റെ സുവർണ കാലഘട്ടം ആയിരുന്നു.തിരുവിതാംകൂർ ഭാഗത്തു നിന്ന് ധാരാളമായി കുടിയേറ്റക്കാർ ഇവിടെ എത്തുകയും കുട്ടികൾ വളരെ കൂടുതൽ ആയി വന്നു തുടങ്ങുകയും ചെയ്തു.
സി എച്ച് മുഹമ്മദ് കോയ സാഹിബ് വിദ്യാഭ്യാസ മന്ത്രി യായിചുമതലയേറ്റടുത്തപ്പോൾ ഈ വിദ്യാലയം അപ്പർ പ്രൈമറി സ്കൂൾ ആയി ഉയർത്തി .പുതിയ കെട്ടിടങ്ങളും മറ്റു സൗകര്യങ്ങളും പുതിയ അധ്യാപകരും ഉണ്ടാവുകയും മാനേജ്മെന്റും ഹെഡ്മാസ്റ്ററും നാട്ടുകാരും തോളോട് തോളുരുമ്മി ഈ സ്ഥാപനത്തിന്റെ വളർച്ചക്ക് ഊടും പാവും നെയ്യുന്നതിൽ അനവരതം പരിശ്രമിക്കുകയും ചെയ്തു .സബ്ജില്ലയിൽ തന്നെ പഠ്യേതര വിഷയങ്ങളിൽ വിദ്യാലയത്തെ മുന്നിലെത്തിക്കാനുള്ള അദ്ധ്യാപകരുടെ കൂട്ടായ പ്രവർത്തനം നാട്ടുകാരുടെ പ്രശംസ പിടിച്ചുപറ്റുന്നതായിരുന്നു .
അതിനിടെ പുണ്യ ഹജ് യാത്രക്കിടെ മാനേജർ മുഹമ്മദ് സാഹിബ് 1976 നവംബർ 16 ന് മക്കയിൽ വച്ച് മരണം വരിക്കുകയും അനന്തരാവകാശിയായി മകൻ പി എം അബ്ദുൽ ഖാദർ മാനേജർ പദവി ഏറ്റെടുക്കുകയും പിതാവിന്റെ കാൽപ്പാടുകൾ പിന്തുടർന്ന് ഈ സ്ഥാപനത്തിന്റെ നാനാമുഖമായ വളർച്ചക്ക് അക്ഷീണം പ്രവർത്തിക്കുകയും ചെയ്തു .1986 ൽ മൊയ്തു മാസ്റ്റർ വിരമിച്ച് എം കെ മാത്യു മാസ്റ്റർ ഹെഡ്മാസ്റ്റർ പദവി ഏറ്റടുത്തു .പിന്നീട് സഹീദ ടീച്ചർ,ചന്ദ്രിക ടീച്ചർ ,സുഹറ ടീച്ചർ എന്നിവരും ഹെഡ്മാസ്റ്റർ പദവി ഏറ്റടുത്തു.ഇപ്പോൾ നിലവിലെ എച്ച് എം ആയി ,എം .രാജൻ മാസ്റ്റർ തുടരുന്നു .
ഭൗതികസൗകര്യങ്ങൾ
![](/images/thumb/2/27/21891_class2.jpg/300px-21891_class2.jpg)
![](/images/thumb/7/7e/21891_class.jpg/300px-21891_class.jpg)
പാഠ്യേതര പ്രവർത്തനങ്ങൾ
മാനേജ്മെന്റ്
![](/images/thumb/d/d1/21891_new.jpg/300px-21891_new.jpg)
മുൻ സാരഥികൾ
സ്കൂളിന്റെ മുൻ പ്രധാനാദ്ധ്യാപകർ :
1 | സി .കുഞ്ഞിമുഹമ്മദ് മുസ്ലിയാർ | |
---|---|---|
2 | എം .മാധവൻ നായർ | |
3 | വി ശങ്കരൻ നായർ | |
4 | പി കൃഷ്ണൻ നായർ | |
5 | ടി തൈയ്യുണ്ണി നായർ | |
6 | വി പി ബാലകൃഷ്ണൻ മാസ്റ്റർ | |
7 | എം കുമാരൻ | |
8 | എൻ . മൊയ്തു | |
9 | എം കെ മാത്യു | |
10 | പി സഹീദ | |
11 | എം ചന്ദ്രിക | |
12 | സി പി സുഹറ | |
13 | എം രാജൻ (നിലവിലെ എച്ച് എം ) |
പ്രശസ്തരായ പൂർവവിദ്യാർത്ഥികൾ
![](/images/thumb/1/14/21891_saleem.jpg/300px-21891_saleem.jpg)
വഴികാട്ടി
{{#multimaps:10.937816273879761, 76.50460883600879}} | വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
മണ്ണാർക്കാട് നിന്ന് വിയ്യക്കുറുശി ചിറക്കൽപ്പടി പൊന്നംങ്കോട് വാഴമ്പുറം കാരാകുറുശ്ശി റോഡ് പാലക്കാട് നിന്ന് മുണ്ടൂർ പൊന്നംങ്കോട് വാഴമ്പുറം കാരാകുറുശ്ശി റോഡ് |