സെന്റ് ആന്റണീസ് ഗേൾസ് എച്ച്.എസ്സ്. വടകര/അക്ഷരവൃക്ഷം/പരിസ്ഥിതി എന്ന വലിയ പാഠം

പരിസ്ഥിതി എന്ന വലിയ പാഠം എല്ലാ മനുഷ്യർക്കും ശുദ്ധവായുവും ശുദ്ധജലവും ജൈവവൈവിധ്യത്തിന്റെ ആനുകൂല്യങ്ങളും അനുഭവിക്കാനുള്ള അവകാശവും സ്വാതന്ത്ര്യവും ഉണ്ട് എന്ന സങ്കൽപ്പമാണ് പരിസ്ഥിതിയുടെ കാതൽ.പ്രതീക്ഷ കൈവിടാതെ മലിനീകരണത്തിനെതിരായും വനനശീകരണത്തിനെതിരായും പ്രവർത്തിക്കുകയാണ് പാരിസ്ഥിതികസുസ്ഥിരത ഉറപ്പാക്കാനുള്ള ഒരു മാർഗ്ഗം. ഭൂമിയെ സുരക്ഷിതവും ഭദ്രവുമായ ഒരു ആവാസ കേന്ദ്രമായി നിലനിർത്തുകയും സുഖദായകവും ശീതളവുമായ ഒരു ഹരിത കേന്ദ്രമായി അടുത്ത തലമുറയ്ക്ക് കൈമാറുകയും ചെയ്യേണ്ടത് ആവശ്യമാണ്. നഗരങ്ങളെല്ലാം മലിനീകരണത്തിന്റെ മാരക ഫലങ്ങൾ അനുഭവിച്ചു തുടങ്ങിയിരിക്കുന്നു. കൂടുതൽ ആളുകൾ നഗരങ്ങളിൽ താമസിക്കുന്നത് കുടിവെള്ളത്തിനും ശുചീകരണത്തിനും പ്രശ്നങ്ങൾ ഉണ്ടാക്കുന്നു. മനുഷ്യൻ സ്വീകരിച്ചു വരുന്ന അശാസ്ത്രീയമായ വികസനപ്രവർത്തനങ്ങളുടെ ഫലമായി പരിസ്ഥിതിയുടേയും ഭൂമിയുടേയും തന്നെ നിലനിൽപ്പ് അവ കടത്തിലായേക്കാം. കൂടാതെ ആരോഗ്യപ്രശ്നങ്ങൾ ഏറി വരികയും മനുഷ്യവംശത്തെ തന്നെ കൊന്നൊടുക്കാൻ ശേഷിയുള്ള മാരക രോഗങ്ങൾ പടർന്നു പിടിക്കുകയും ചെയ്യുന്നു. 2019 ൽ ചൈനയിൽ ഉത്ഭവിച്ച നോവൽ കൊറോണ വൈറസ് ലോകത്തെ കാർന്നുതിന്നുകയാണ്. സ്വാർത്ഥയുടെ പിന്നാലെ സഞ്ചരിച്ച നമ്മളെ വീട്ടിലിരുത്താൻ ഭൂമിയിലെ ഏത് തരിമ്പ് ജീവനും സാധിക്കുമെന്ന് മനസ്സിലാക്കിക്കൊണ്ട് ഭൂമിയിൽ പരിസ്ഥിതിയുടെ പ്രാധാന്യം തിരിച്ചറിയുക KRISHNENDU. M 8 A സെന്റ്. ആന്റണീസ് ഗേൾസ് ഹൈസ്കൂൾ വടകര ഉപജില്ല കോഴിക്കോട് അക്ഷരവൃക്ഷം പദ്ധതി, 2020 ലേഖനം