ആർ. എച്ച്. എസ്. എസ് രാമനാട്ടുകര/അക്ഷരവൃക്ഷം/കൊറോണ v/s മലയാളി

കൊറോണ v/s മലയാളി അപ്പൂപ്പൻ നീണ്ട തോട്ടി കൊണ്ട് പറമ്പിൽ കയറി തള്ളിയിട്ട് വലിയ ചക്ക യുടെ പുഴുക്ക് തിന്ന് വീർത്ത വയറുമായി ഞാൻ വായന മുറിയിലേക്കു നടന്നു. പുസ്തകങ്ങൾ ചിതറി ആകെ ഗുലുമാല് ലോക്ക് ഡൗണിൽ. അടുക്കിപെറുക്കി വെച്ചാലോ. പിന്നെയാട്ടെ. ലോക്ക് ഡൌൺ കഴിയട്ടെ. അടുക്കളയിൽ നിന്ന് പഴുത്ത ചക്ക യുടെ സുഖകരമായ ഗന്ധം ഉയർന്നു. അച്ഛൻ നല്ലണം പഴുത്ത ചക്ക ചുളകൾ പാത്രത്തിലേക്കു ഇരിഞ്ഞിടുകയാണ്. ഇടക്ക് ചിലവ വായിലേക്കും പോകുന്നുണ്ട്. ആർത്തിയോടെ ചുളപ്പാത്രത്തിൽ കയ്യിട്ടപ്പോൾ അമ്മ കലിതുള്ളി. " പോയി കൈ സോപ്പിട്ടു കഴുകെടി " പതിവില്ലാത്ത ദീർഘമായ സോപ്പ് പതപ്പിച്ചുള്ള ഈ കൈ കഴുകൽ മടുപ്പിച്ചിരിക്കുന്നു. അദൃശ്യമായ കൊറോണ എന്ന വിഷാണു ചത്തു പോണെങ്കിൽ പോട്ടെ... ഗോ കൊറോണ ഗോ.... ഗോ.. .. അലസയായി സ്വീകരണ മുറിയിലേക്കു നടന്നു. അച്ഛനും അമ്മയും പ്രിയപ്പെട്ട മുഖ്യമന്ത്രി യുടെ കോവിഡ് കണക്കുകൾ ആശ്വാസത്തോടെ കേൾക്കുകയാണ്... ആശങ്ക ഉയർത്തി ഉയരുന്ന പോസിറ്റീവ് കേസുകൾ.... പിന്നെ വീട്ടിൽ നിന്ന് പുറത്ത് ചാടുന്നവരുടെ ലീലാവിലാസങ്ങൾ...... വിശ്രമമില്ലാതെ പണിയെടുക്കുന്ന ആരോഗ്യ പ്രവർത്തകരും പാവം പോലീസും... "ഈ കൊറോണ ആളു സൂപ്പർ തന്നെ " അമ്മയിൽ നിന്ന് പിടിച്ചു വാങ്ങിയ ഫോണിലെ ഗെയിമുകളും ചാനലിലെ "തട്ടിയും മുട്ടിയും " എന്ത് കൊണ്ടോ എന്നെ സന്തോഷിപ്പിച്ചില്ല. നേരവും കാലവും നോക്കാതെ കിടക്കയിലേക് വീണു. ചേച്ചി യെ കെട്ടി പിടിച്ചു കിടന്നു.. എപ്പോഴോ ഉറങ്ങിയെന്നു തോന്നുന്നു അസാധാരണ മായ ഒരു നീല വെളിച്ചം കണ്ടാണ് ഞെട്ടിയുണർന്നത്. ഗോളാകൃതിയായ ഒരു വിചിത്ര രൂപം തുറന്നിട്ട ജനാലയിലൂ ടെ മുറിയിലേക്കു ഒഴുകിയിറങ്ങി !!!