ഗവ. യു പി എസ് കുമാരപുരം/അക്ഷരവൃക്ഷം/ശുചിത്വം.

ശുചിത്വം. ഈ അവധിക്കാലത്തും കുട്ടികളായ നമുക്കും കുറച്ചു കാര്യങ്ങൾ ചെയ്യാൻ കഴിയും. അതിൽ പ്രധാനമായും ഉള്ളത് ശുചിത്വം പാലിക്കുക എന്നതാണ്. ശുചിത്വം പാലിക്കുക എന്നത് എന്തെങ്കിലും അസുഖങ്ങൾ ഉണ്ടാകുമ്പോൾ മാത്രം ചെയ്യേണ്ട കാര്യമല്ല. അത് ജീവിത്തിൻറെ ഒരു ഭാഗമാക്കി വേണം മുന്നോട്ടു പോകാൻ. ശുചിത്വത്തിൽ പ്രധാനമായും നമ്മൾ ചെയ്യേണ്ടത് വ്യക്തി ശുചിത്വം പാലിക്കുകയാണ്. ദിവസവും കുളിക്കുക, രണ്ട് നേരവും പല്ല് തേയ്ക്കുക, ശുചിമുറിയിൽ പോയിട്ട് വരുമ്പോൾ കൈകൾ നന്നായി സോപ്പുപയോഗിച്ച് കഴുകുക, ചെരിപ്പിട്ടുകൊണ്ട് മാത്രം പുറത്തു പോകുക. ഇവയൊക്കെയാണ് നമ്മൾ ചെയ്യേണ്ടത്. ഇക്കാര്യങ്ങൾ ഒക്കെ മറ്റുള്ളവർക്ക് കൂടി പറഞ്ഞു കൊടുക്കുക. വ്യക്തി ശുചിത്വം പോലെ തന്നെ പ്രധാനമാണ് പരിസര ശുചിത്വവും. വീടും പരിസരവും വൃത്തിയാക്കുന്നതിൽ മുതിർന്നവരെ സഹായിക്കാൻ നമുക്ക് കഴിയും. വ്യക്തി ശുചിത്വവും പരിസര ശുചിത്വവും പാലിക്കുന്നവർക്ക് ഒരു പരിധി വരെ രോഗങ്ങളെ ചെറുത്തു നിർത്തുവാൻ കഴിയും. അല്ലാത്തവർക്ക് എളുപ്പത്തിൽ രോഗങ്ങൾ പിടിപെടുന്നു. അതുകൊണ്ട് നമ്മൾ എല്ലാവരും ശുചിത്വം പാലിക്കണം. ശുചിത്വമുള്ള, രോഗങ്ങളില്ലാത്ത നല്ലൊരു നാളേക്കായി നമുക്ക് ഒരുമിച്ചു പോരാടം. കാത്തിരിക്കാം. ആയുഷ് എസ്‌.ബി. 3 A ഗവ.യു.പി.എസ്‌. കുമാരപുരം. തിരുവനന്തപുരം നോർത്ത്. ഉപജില്ല തിരുവനന്തപുരം. അക്ഷരവൃക്ഷം പദ്ധതി, 2020 ലേഖനം