റിപ്പബ്ലിക്കൻ വി.എച്ച്.എസ്.എസ് കോന്നി/എൻ സി സി
'
നാഷണല് കേഡറ്റ് കോര്പ്സ്(എന്.സി.സി)
വിദ്യാര്ത്ഥികളില് ദേശീയബോധം ഉണര്ത്തി അവരെ രാജ്യ താത്പര്യങ്ങള് സംരക്ഷിക്കുന്ന ഉത്തമ പൗരന്മാരായി രൂപപ്പെടുന്നതില് എന്.സി.സി വഹിക്കുന്ന പങ്ക് നിസ്തുലമാണ്. എന്.സി.സി യുടെ ഒരു ബാച്ച് ആരംഭിക്കുകയെന്ന ചിരകാല സ്വപ്നം സാക്ഷാത്കരിച്ചുകൊണ്ട് 2006 ജൂലായ് 7-ന് പത്തനംതിട്ട 14(കെ) ബി.എന് ന്റെ നിയന്ത്രണത്തില്
ശ്രീ. ആര്.സുരേഷ് കുമാറിന്റെ നേതൃത്വത്തില് 50 കുട്ടികളുള്ള ആദ്യത്തെ ബാച്ച് ആരംഭിച്ചു. മാസ്റ്റര് ഗോവിന്ദ്. ജി. ഹാജീഷ്,കുമാരി. രേഷ്മ രവി എന്നിവരായിരുന്നു ട്രൂപ്പ് ലീഡേഴ്സ്. അന്നത്തെ പ്രിന്സിപ്പാള് ശ്രീ. പി.കെ.ചന്ദ്രശേഖരന് നായര് ആദ്യ ബാച്ചിന്റെ പ്രവര്ത്തനങ്ങള്ക്ക് എപ്പോഴും പിന്തുണ നല്കിയിരുന്നു.ഏപ്രിലില് തിരുവല്ല മാര്ത്തോമ കോളജില് നടന്ന ക്യാമ്പില് പത്തനംതിട്ട ബറ്റാലിയനില് നിന്നും തിരഞ്ഞെടുക്കപ്പെട്ട ഈ സ്കൂളിലെ മൂന്നു കുട്ടികള് പങ്കെടുത്തു.
2007 ല് പ്രീ - ആര്. ഡി. സെലക്ഷന് ക്യാമ്പില് ഗോവിന്ദ്. ജി. ഹാജീഷ് പങ്കെടുക്കുകയും കോട്ടയം റീജിയണിലെ മികച്ച കേഡറ്റായി തിരഞ്ഞെടുക്കപ്പെടുകയും ചെയ്തു. മൂന്നാറില് നടന്ന ട്രക്കിംഗ് ക്യാമ്പില് ഗോവിന്ദ്. ജി. ഹാജീഷ് ,ഗൗതം. ജി. ഹാജീഷ് എന്നിവര് പങ്കെടുത്തു. കോതമംഗലം മാര് അത്തനേഷ്യസ് കോളജില് നടന്ന നാഷണല് ഇന്റഗ്രേഷന്ക്യാമ്പില് (എല്.ഐ.സി) രേഷ്മാ രവി, രേഷ്മാ രാജ് എന്നീ കുട്ടികള് പങ്കെടുത്തു.മഹാരാഷ്ട്രയിലെ കാംടിയില് നടന്ന പി.ഐ.ആര്.സി.എന്. പരിശീലനം പൂര്ത്തിയാക്കിയ ആര്.സുരേഷ് കുമാര് അസോസിയേറ്റ് എന്.സി.സി. ഓഫീസറായി കമ്മീഷന് ചെയ്തു.
2007-08 അദ്ധ്യയന വര്ഷത്തില് ട്രൂപ്പിന്റെ അംഗസംഖ്യ 100 ആയി ഉയര്ന്നു. 2007-08 ലെ മികച്ച കേഡറ്റിനിള്ള ചീഫ് മിനിസ്റ്റേഴ്സ് സ്കോളര്ഷിപ്പ് ഗോവിന്ദ്. ജി. ഹാജീഷ് കരസ്ഥമാക്കി. അദ്ധ്യയന വര്ഷത്തെ ട്രൂപ്പ് ലീഡേഴ്സായി സച്ചു സുരേന്ദ്രനേയും അഞ്ജു സതീശനേയും തിരഞ്ഞെടുത്തു.
കോതമംഗലത്ത് വച്ച് നടന്ന എന്.ഐ.സി. ക്യാമ്പില് മഹേഷ് ബാബു, അഞ്ജു സതീശന് എന്നിവര് പങ്കെടുത്തു.
കോന്നി ബ്ളോക്ക് പഞ്ചായത്ത്, ഗ്രാമ പഞ്ചായത്ത്, വിവിധ സര്ക്കാര് വിഭാഗങ്ങള് എന്നിവ നേതൃത്വം നല്കുന്ന ശുചീകരണ പ്രവര്ത്തനങ്ങള്ക്കും,മറ്റ് ഗ്രാമോദ്ധാരണ സേവനങ്ങള്ക്കും സ്കൂള് എന്.സി.സി യൂണിറ്റ് എന്നും മുന്നിലുണ്ട്.ഈ സ്കൂളില് വച്ചു നടന്ന ജില്ലാ കലോത്സവത്തില് എന്.സി.സി. വളണ്ടിയേഴ്സിന്റെ സേവനം ഏവരുടേയും പ്രശംസ പിടിച്ചു പറ്റിയിരുന്നു.
2009-10 അദ്ധ്യയന വര്ഷത്തില് ട്രൂപ്പ് ലീഡേഴ്സായി ശ്രീജിത്ത്.ആര്,ദീപ്തി ജെയിംസിനേയും തിരഞ്ഞെടുത്തു.
2009 ല് നടന്ന പ്രീ-ആര്.ഡി.ക്യാമ്പിലും സെപ്തംബറില് പഞ്ചാബിലെ അമൃതസറില് നടന്ന ദേശീയക്യാമ്പിലും ശ്രീജിത്ത്.ആര് പങ്കെടുത്തിരുന്നു. ദേശീയക്യാമ്പിലെ ഏറ്റവും മികച്ച കേഡറ്റായി ശ്രീജിത്തിനെ തിരഞ്ഞെടുത്തത് അഭിമാനാര്ഹമായ ഒരു നേട്ടമായി തിങ്ങി നില്ക്കുന്നു.ഒക്ടോബറില് മഹാരാഷ്ട്രയില് നടന്ന ആള് ഇന്ത്യാ ട്രക്കിംഗ് ക്യാമ്പില് മാസ്റ്റര് ജയകൃഷ്ണനും ഡിസംബറില് തോടുപുഴ ന്യൂമാന്സ് കോളജില് നടന്ന എന്.ഐ.സി. ക്യാമ്പില് മാസ്റ്റര് അരവിന്ദ്. എസും പങ്കെടുത്തു.
പത്തനംതിട്ട ബറ്റാലിയനില് നിന്നുള്ള ഓഫീസര്മാരുടെ പൂര്ണ്ണമായ സേവനം എപ്പോഴും ലഭിക്കുന്നുണ്ട്.സ്വാതന്ത്രൃദിനം, റിപ്പബ്ളിക് ദിന പരേഡുകളില് ഇവിടുത്തെ കുട്ടികള് പങ്കെടുക്കുകയും അഭിമാനാര്ഹമായ നേട്ടങ്ങള് കൈവരിക്കുകയും ചെയ്തിട്ടുണ്ട്. ചുരിങ്ങിയ സമയം കൊണ്ട് തന്നെ പത്തനംതിട്ട ബറ്റാലിയനുകീഴിലെ മികച്ച ട്രൂപ്പായി മാറാന് നമുക്ക് സാധിച്ചു എന്നത് എഭിമാനത്തോടെ കുറിക്കട്ടെ.