ഫാറൂഖ് എച്ച്. എസ്സ്. എസ്സ്. ഫാറൂഖ് കോളെജ്./പ്രാദേശിക പത്രം
ഫാറൂഖ് എച്ച്. എസ്സ്. എസ്സ്. സ്കൂള്‍ പത്രം
2017 - 18
സ്കൂള്‍ കുട്ടികളില്‍ ഐ.സി.ടി. യില്‍ ആഭിമുഖ്യവും താല്‍പര്യവും വര്‍ദ്ധിപ്പിക്കുവാനും അവരിലെ ഐ.സി.ടി. യിലെ കഴിവുകള്‍ പരിപോഷിപ്പിക്കാനുമായി കേരള വിദ്യാഭ്യാസ വകുപ്പും ഐ.ടി. @ സ്‌കൂളും ആവിഷ്കരിച്ച് നടപ്പിലാക്കുന്ന പദ്ധതിയായ 'ഹായ് സ്കൂള്‍ കുട്ടിക്കൂട്ടം' പദ്ധതിയുടെ ഫറോക്ക് ഉപജില്ല തല ആനിമേഷന്‍ വര്‍ക്ക്ഷോപ്പ് വ്യാഴം, വെള്ളി (സെപ്റ്റംബര്‍ 7, 8) ദിവസങ്ങളിലായി ഫാറൂഖ് ഹയര്‍ സെക്കണ്ടറി സ്കൂളില്‍ വച്ച് നടന്നു.
പ്രധാനാദ്ധ്യാപകന്‍ എം. എ. നജീബ് വര്‍ക്ക്ഷോപ്പ് ഉല്‍ഘാടനം ചെയ്തു. സ്കൂള്‍ എെ. ടി. കോഡിനേറ്റര്‍ സിറാജ് കാസിം ചടങ്ങിന് അധ്യക്ഷത വഹിച്ചു.
കീഴിലെ ഫറോക്ക് ഉപജില്ലക്ക് കീഴിലെ ജി. ജി. വി. എച്ച്. എസ്സ്. എസ്സ്. ഫറോക്ക്, യു. എച്ച്. എസ്സ്. എസ്സ്. ചാലിയം, സേവാമന്ദിരം പോസ്റ്റ് ബേസിക് ഹയര്‍ സെക്കണ്ടറി സ്കൂള്‍ - രാമനാട്ടുകര, ജി. വി. എച്ച്. എസ്സ്. എസ്സ്. ചെറുവണ്ണൂര്‍, ജി. എച്ച്. എസ്സ്. നല്ലളം, സി. എം. എച്ച്. എസ്സ്. മണ്ണൂര്‍, ഫാറൂഖ് ഹയര്‍ സെക്കണ്ടറി സ്കൂള്‍ എന്നീ സ്കൂളുകളില്‍ നിന്നായി 36 വിദ്യാര്‍ത്ഥികള്‍ പങ്കെടുത്ത വര്‍ക്ക്ഷോപ്പിന് 'ഹായ് സ്കൂള്‍ കുട്ടിക്കൂട്ടം' കോഴിക്കോട് ഡി. ആര്‍. ജി. ട്രൈനര്‍മാരായ സിറാജ് കാസിം (ഫാറൂഖ് ഹയര്‍ സെക്കണ്ടറി സ്കൂള്‍, ഫാറൂഖ് കോളേജ്), ആനന്ദ് (സേവാമന്ദിരം പോസ്റ്റ് ബേസിക് ഹയര്‍ സെക്കണ്ടറി സ്കൂള്‍, രാമനാട്ടുകര) എന്നിവര്‍ നേതൃത്വം നല്‍കി.
സ്കൂള്‍വിക്കി മാഗസിന്‍ പ്രകാശനം
8 സെപ്റ്റംബര്‍ 2017 - വെള്ളി
ഫാറൂഖ് ഹയര്‍ സെക്കണ്ടറി സ്കൂള്‍
കേരളത്തിലെ എല്ലാ വിദ്യാലയങ്ങളുടെയും സഹകരണത്തോടെ കേരള വിദ്യാഭ്യാസ വകുപ്പും ഐ. ടി. @ സ്‌കൂളും സംയുക്തമായി സൃഷ്ടിച്ച വിജ്ഞാനകോശമായ സ്കൂള്‍ വിക്കിയുടെ ഫാറൂഖ് ഹയര്‍ സെക്കണ്ടറി സ്കൂള്‍ വിക്കിപേജ് മാഗസിന്‍ ആക്കി പ്രകാശനം ചെയ്തു.
പ്രധാനാദ്ധ്യാപകന്‍ എം. എ. നജീബ് സ്കൂള്‍ ലീഡര്‍ മുഹമ്മദ് ഷക്കീബിന് നല്‍കിയാണ് ഫാറൂഖ് ഹയര്‍ സെക്കണ്ടറി സ്കൂള്‍ വിക്കി മാഗസിന്‍ പ്രകാശനം നടത്തിയത്. ചടങ്ങില്‍ സ്കൂള്‍ എെ. ടി. കോഡിനേറ്റര്‍ സിറാജ് കാസിം അദ്ധ്യക്ഷത വഹിച്ചു. ഹയര്‍ സെക്കണ്ടറി പ്രിന്‍സിപ്പാള്‍ കെ. ഹാഷിം , ഫാറൂഖ് എ. എല്‍. പി. സ്കൂള്‍ എച്ച്. എം - കെ. എം. മുഹമ്മദ് കുട്ടി തുയങ്ങിയവര്‍ ആശംസകള്‍ അര്‍പ്പിച്ചു.
ഡപ്യൂട്ടി എച്ച്. എം, വി. സി. മുഹമ്മദ് അഷ്റഫ് സ്വാഗതവും പ്രൈമറി വിഭാഗം എെ. ടി. കോഡിനേറ്റര്‍ ആയിഷ രഹ്‌ന നന്ദിയും പറഞ്ഞ‍ു.
ഫിഫ വേഴ്‍ഡ് കപ്പ് ഫുട്ബോള്‍ ടൂര്‍ണ്ണമെന്‍റ് - ഇന്ത്യയെ പ്രതിനിധീകരിച്ച് അജിന്‍ ടോം
04 സെപ്റ്റംബര്‍ 2017 - തിങ്കള്‍
ഫാറൂഖ് ഹയര്‍ സെക്കണ്ടറി സ്കൂള്‍
ഒക്ടോബര്‍ മാസം ഇന്ത്യയില്‍ വച്ച് നടക്കുന്ന ഫിഫ വേഴ്