ശ്രീ അരവിന്ദ വിദ്യാ നികേതൻ
| ശ്രീ അരവിന്ദ വിദ്യാ നികേതൻ | |
|---|---|
| വിലാസം | |
കുന്നമംഗലം | |
| സ്ഥാപിതം | 01 - 06 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോഴിക്കോട് |
| വിദ്യാഭ്യാസ ജില്ല | താമരശ്ശേരി |
| സ്കൂൾ ഭരണ വിഭാഗം | |
| മാദ്ധ്യമം | മലയാളം,ഇംഗ്ളീഷ് |
| അവസാനം തിരുത്തിയത് | |
| 24-02-2017 | 47244 |
കോഴിക്കോട് ജില്ലയില്‍ കുന്നമംഗലം ഗ്രാമപഞ്ചായത്തില്‍ വര്യട്ട്യാക്കിനും പതിമംഗലത്തിനുമിടയില്‍ ശ്രീ അരവിന്ദ വിദ്യാനികേതന്‍ സ്ഥിതി ചെയ്യുന്നു. 1997-ലാണ് സ്കൂള്‍ സ്ഥാപിച്ചത്. 1 മുതല്‍ 4വരെ 130തോളംവിദ്യാര്‍ഥികള്‍ പഠിക്കുന്നു. സ്കൂളിനോടനുബന്ധിച്ച് പ്രീ പ്രൈമറിയും പ്രവര്‍ത്തിച്ചുവരുന്നു.
ചരിത്രം
അഖില ഭാരതിയ അടിസ്ഥാനത്തില്‍ പ്രവര്‍ത്തിച്ചുവരുന്ന വിദ്യാഭാരതിയുടെ കേരളഘടകമായ ഭാരതീയ വിദ്യാനികേതന്റെ കീഴില്‍ പ്രവര്‍ത്തിച്ചുവരുന്ന ശ്രീ അരവിന്ദ വിദ്യാനികേതന്‍ 1997-ല്‍ കുന്നമംഗലം ശ്രീ അന്നപൂര്‍ണ്ണേശ്വരി ക്ഷേത്രത്തിനടുത്ത് ശ്രീ എന്‍ കെ കുമാരന്‍ എന്നവരുടെ കെട്ടിടത്തിലായിരുന്നു പ്രീ പ്രൈമറി ക്ലാസ്സുകള്‍ ശ്രീമതി വീ കെ പുഷ്പയുടെ നേതൃത്വത്തില്‍ ആരംഭിച്ചത്. പിന്നീട് കുന്നമംഗലം ഗ്രാമപഞ്ചായത്തില്‍ കെ പീ ചന്ദ്രന്‍ എന്ന വ്യക്തിയുടെ സുമനസ്സിനാല്‍ പന്തീര്‍പാടം എന്ന സ്ഥലത്ത് നാട്ടുകാരുടെ സഹായത്തോടുകൂടി നല്ലൊരു വിദ്യാലയം കെട്ടിപ്പടുത്തു. ഈ വര്‍ഷത്തില്‍ അഡ്മിഷന്‍ വളരെ അധികം വര്‍ദ്ധിച്ചു.
1999-2000 വര്‍ഷത്തില്‍ മൂന്നാം ക്ലാസ്സ്‌ ആരംഭിച്ചപ്പോള്‍ ശ്രീ ചന്ദ്രശേഖരന്‍ മാസ്റ്റര്‍ പ്രധാന അധ്യാപകനായി ചുമതലയേറ്റു. രണ്ടു വര്‍ഷത്തിനു ശേഷം യശ:ശ്ശരീരനായ ശ്രീ ചെക്കൂട്ടി മാസ്റ്റര്‍ പ്രധാന അധ്യാപകനായി. 2000-2001 വര്‍ഷത്തില്‍ നാലാം ക്ലാസ്സ്‌ ആരംഭിച്ചപ്പോള്‍ 11 അധ്യാപകരും 365 വിദ്യാര്‍ഥികളും ഉണ്ടായിരുന്നു. ഈ അവസരത്തില്‍ വിദ്യാലയ കമ്മിറ്റിയുടെ പരിശ്രമഫലമായി വര്യട്ട്യാക്ക് എന്ന സ്ഥലത്ത് ഒരു ഹെക്ടരിലധികം സ്ഥലം സ്വന്തമായി വാങ്ങി. പത്തു മുരികളോട് കൂടിയ ഒരു കെട്ടിടം പടുത്തുയര്‍ത്താന്‍ സാധിച്ചു.
വിദ്യാഭാരതി നടപ്പിലാക്കി വരുന്ന പഞ്ചാംഗ ശിക്ഷണം(സംസ്കൃതം, സംഗീതം, ശാരീരികം, നൈതികം, യോഗ) അരവിന്ദ വിദ്യനികേതന്റെ പ്രത്യേകതയാണ്. ഇതിന്റെ ഫലമായി വളര്‍ന്നു വരുന്ന തലമുറയ്ക്ക് ഒരു ദിശാബോധം നല്‍കാന്‍ സ്കൂളിനു കഴിഞ്ഞു. ഈ സ്കൂളിലെ പൂര്‍വവിദ്യാര്‍ഥികളില്‍ പലര്‍ക്കും ഉന്നതപദവികളില്‍ എത്തിച്ചേരാന്‍ കഴിഞ്ഞിട്ടുണ്ട്.
20 വര്‍ഷത്തെ ചരിത്രത്തിനിടയില്‍ ചന്ദ്രശേഖരന്‍ മാസ്റ്റര്‍, ചെക്കൂട്ടി മാസ്റ്റര്‍, പ്രബോധ് മാസ്റ്റര്‍, മനോജ്‌ മാസ്റ്റര്‍, ഉണ്ണി മാസ്റ്റര്‍, സദാനന്ദന്‍ മാസ്റ്റര്‍ എന്നിവരുടെ നേതൃത്വത്തില്‍ പ്രഗല്‍ഭരും സേവനതത്പരുമായ അന്‍പതോളം അധ്യാപകര്‍ ഇവിടെ സേവനമനുഷ്ടിച്ചിട്ടുണ്ട്. ഇപ്പോള്‍ സുരേഷ്ബാബു മാസ്റ്റര്‍ ആണ് ഈ വിദ്യാലയത്തിന്റെ സാരഥി.
വിദ്യാലയ കാഴ്ചപ്പാട്
ഉത്തമദേശിയ വിദ്യാഭ്യാസം വികസിപ്പിച്ചെടുക്കുകയും നടപ്പിലാക്കുകയും ചെയ്തുകൊണ്ട് ഭാരതീയ പൈതൃകത്തില്‍ അടിയുറച്ച വിശ്വാസവും തികഞ്ഞ ദേശഭക്തിയുമുള്ള യുവതലമുറയെ വാര്‍ത്തെടുക്കുക എന്നതാണ് നമ്മുടെ ലക്‌ഷ്യം. അവര്‍ ശാരീരികമായും മാനസികമായും ബുദ്ധിപരമായും ആധ്യാത്മികവുമായ പൂര്‍ണവികാസം നേടിയവരായിരിക്കണം. ജീവിതത്തിലെ പ്രതിസന്ധികള്‍ നേരിടാന്‍ കഴിവുള്ളവനായിരിക്കണം. ഗ്രാമങ്ങളിലും, വനങ്ങളിലും, പര്‍വതങ്ങളിലും, കുടിലുകളിലും, മറ്റും താമസിക്കുന്ന ദീനരും ദുഖിതരും ദരിദ്രരും ആയ സഹോദരങ്ങളെ അനാചാരങ്ങളില്‍ നിന്നും ചൂഷണങ്ങളില്‍ നിന്നും അതിക്രമങ്ങളില്‍ നിന്നും മോചിപ്പിക്കുവാനും രാഷ്ട്രീയ ജീവിതം സമരസതയുള്ളതും സുസമ്പന്നവും സുസംസ്കൃതവും ആക്കിതീര്‍ക്കുവാനും വേണ്ടി സ്വജീവിതം പോലും സമര്‍പ്പിക്കുവാന്‍ തയ്യാറുള്ളവരായിരിക്കണം ഭാവിതലമുറ.
ഭൗതികസൗകരൃങ്ങൾ
ഒരു ഹെക്ടരെ സ്ഥലത്തെ നാല് കെട്ടിടങ്ങളില്‍ മൂന്നെണ്ണത്തില്‍ ഒന്ന് മുതല്‍ ഏഴു വരെയുള്ള ക്ലാസുകള്‍ പ്രവര്‍ത്തിക്കുന്നു. ഒരെണ്ണം അസ്സെംബ്ലി നടത്താനും യോഗ ചെയ്യാനും ഉപയോഗിക്കുന്നു. ഒരു പാചകപ്പുര, രണ്ടു ശുചിമുറികള്‍, കുടിവെള്ള സംവിധാനം, ഓഫീസ് മുറി, സ്റ്റാഫ്‌ മുറി, കമ്പ്യൂട്ടര്‍ ലാബ്‌, ലൈബ്രറി, സയന്‍സ് ലാബ്‌ എന്നിവയുമുണ്ട്.
മികവുകൾ
ദിനാചരണങ്ങൾ
അദ്ധ്യാപകർ
ലേഖ.സി രാജശ്രീ.എന്‍.കെ ജയമണി.കെ ശോഭ
പ്രവര്‍ത്തനങ്ങള്‍
സ്കൂള്‍ അസ്സെംബ്ലിയില്‍ പ്രാര്‍ത്ഥന, വന്ദേ മാതരം, സുഭാഷിതം, അമൃതവചനം, സ്വരസാധന, പൊതുവിജ്ഞാനം, പത്രവായന, ശാരീരിക ശിക്ഷണം എന്നിവ നടത്തുന്നു.
2016-17 അക്കാദമികവര്‍ഷത്തിലെ പ്രവര്‍ത്തികള്‍
ജൂണ്‍ ആറിനു വൃക്ഷതൈകള്‍ നട്ടുകൊണ്ട് പരിസ്ഥിതി ദിനം ആചരിച്ചു. പൊതുതിരഞ്ഞെടുപ്പ് മാതൃകയില്‍ സ്കൂള്‍ പാര്ലമെന്റ്റ് തിരഞ്ഞെടുപ്പ് നടന്നു. ആഗസ്റ്റ്‌ 15ന് സ്വാതന്ത്രദിനത്തോടനുബന്ധിച്ച് പ്രസംഗമത്സരം, ക്വിസ് മത്സരം, ദേശഭക്തിഗാനമത്സരം എന്നിവ നടത്തി.ഓണാഘോഷം സമുചിതമായി നടത്തി. പൂക്കളമത്സരം, ഓണസദ്യ, പലതരം കളികള്‍ നടത്തി.കേരളപ്പിറവി ദിനത്തില്‍ അസ്സെംബ്ലിയില്‍ മലയാളഭാഷയിലുള്ള ഗാനങ്ങള്‍ അവതരിപ്പിച്ചു. ഉപജില്ലാ കായികമേളയില്‍ പങ്കെടുത്തു. ഉപജില്ലാ സ്കൂള്‍ കലാമേളയില്‍ പങ്കെടുക്കുകയും സമ്മാനങ്ങള്‍ നേടുകയും ചെയ്തു. കോഴിക്കോട്, വയനാട് എന്നിവിടങ്ങളിലേക്ക് പഠനയാത്രകള്‍ നടത്തി.
ക്ളബുകൾ
സയൻസ് ക്ളബ്
ഗണിത ക്ളബ്
ഹെൽത്ത് ക്ളബ്
ഹരിതപരിസ്ഥിതി ക്ളബ്
ഹിന്ദി ക്ളബ്
ഐ,ടി.ക്ളബ്
സാമൂഹൃശാസ്ത്ര ക്ളബ്
സംസ്കൃത ക്ളബ്
വഴികാട്ടി
{{#multimaps:11.30879, 75.89335|width=800px|zoom=12}}