ഗവ. വി എച്ച് എസ് എസ് വാകേരി/നല്ലപാഠം
പുതുപാഠങ്ങള്
നല്ലപാഠം പ്രവര്ത്തന റിപ്പോര്ട്ട്
'ജി വി എച്ച് എസ് എസ് വാകേരി'
2015 – 2016
കണ്വീനര്മാര് കെ. കെ. ബിജു, എം. കെ. രതീഷ്.
ഞങ്ങളുടെ വിദ്യാലയം
വയനാട് ജില്ലയിലെ സുല്ത്താന് ബത്തേരി താലൂക്കില് പൂതാടി ഗ്രാമപഞ്ചാ യത്തില് ഇരുളം വില്ലേജിലെ വാകേരി പ്രദേശത്ത് സ്ഥിതിചെയ്യുന്ന സര്ക്കാര് വിദ്യാ ലയമാണ് ജി.എച്ച്.എസ്.എസ് വാകേരി. 1951-ല് കുടിപ്പള്ളിക്കൂടമായാരംഭിച്ച ഈ വിദ്യാലയം പരിമിതമായ ഭൗതിക സാഹചര്യങ്ങളില് നിന്നുകൊണ്ട് മികച്ച അക്കാദ മിക നിലവാരം പുലര്ത്തുന്നതോടൊപ്പം പഠനാനുബന്ധ പ്രവര്ത്തനങ്ങളിലും ജില്ലയി ലെ മുന് നിരയിലെത്തിയിരിക്കുന്നു. 1951-ല് തുടങ്ങിയ വാകേരി സ്കൂളിന്റെ ചരിത്രം ആരംഭിക്കുന്നത് വയനാടന് കുടിയേറ്റത്തിന്റെ കാലത്താണ്. കുടിയേറ്റ ജനതയുടെ മക്കള്ക്ക് വിദ്യാഭ്യാസം ഉണ്ടാകണമെന്ന ആഗ്രഹത്തില് നിന്നാണ് വാകേരിയില് ഒരു സ്കൂള് എന്ന ആശയം ഉടലെടുക്കുന്നത് . പ്രദേശത്തെ ആദിവാസി വിഭാഗമായ മുള്ളക്കുറുമരുടെ കുടിപ്പേരായ വാകേരി സ്ഥലനാമമായി മാറുകയായിരുന്നു.മുമ്പ് മണിക്കല്ല് ചാല് എന്നാണ് ഇവിടം അറിയപ്പെട്ടിരുന്നത്. 1962-ല് എല്.പി സ്കൂളായി സര്ക്കാര് അംഗീകാരം നല്കിയ ഈ വിദ്യാലയം 1968-ല് യുപി സ്കൂളായും, 1974-ല് ഹൈസ്കൂളായും ഉയര്ത്തപ്പെട്ടു. 2007-ല് എം.എല്.റ്റി, എല്.എസ്.എം കോഴ്സുകളോടെ വൊക്കേഷണല് ഹയര് സെക്കണ്ടറി വിഭാഗം പ്രവര്ത്തനമാരമ്പിച്ചു. പിന്നാക്ക വഭാഗങ്ങള് അധിവസിക്കുന്ന പ്രദേശമാണ് വാകേരി. 815വിദ്യാര്ത്ഥി കളുള്ള ഈ വിദ്യാലയത്തില് 293പേര് പട്ടിക വിഭാഗത്തില് പെട്ടവരാണ് . പ്രദേശ ത്തെ 24 കോളനികളില് നിന്നുമുള്ള വിദ്യാര്ത്ഥികള് ഈ വിദ്യാലയത്തിലെത്തുന്നു. അധ്യാപക, അനധ്യാപക, വിദ്യാര്ത്ഥി, പി.ടി.എ, എം.പി. ടി.എ , പ്രദേശവാസി കള്, ത്രിതലപഞ്ചായത്തുകള് തുടങ്ങി എല്ലാവരുടെയും കൂട്ടായ പ്രവര്ത്തനങ്ങള് അക്കാദമികമായ വളര്ച്ചക്കും വിജയത്തിലേക്കുള്ള കുതിപ്പിനും വഴിതെളിച്ചു. കഴിഞ്ഞ അഞ്ചു വര്ഷ ങ്ങളില് രണ്ടുതവണ100%വും, മൂന്നു തവണ 98%ത്തിനു മേലയുമാണ് എസ്.എസ്.എല്.സി പരീക്ഷാഫലം. വി.എച്ച്.എസ്.ഇ. വിഭാഗം 98%ത്തിന് മുകളിലുമാണ് വിജയം.അക്കാദമിക അക്കാദമികേതര ഭൗതിക രംഗത്തെ പ്രവര്ത്തനങ്ങള്ക്കുള്ള അംഗീകാരമായി 2012- 13, 2013- 14 വര്ഷത്തില് (ഹൈസ്കൂള് വിഭാഗത്തില്) ജില്ലയിലെ മികച്ച പി.ടി.എ- യ്ക്കുള്ള ബെസ്റ്റ് പി.ടി.എ. അവാര്ഡ് ലഭിച്ചു.2013-14, 2014-15 വര്ഷങ്ങളില് നല്ലപാഠം പ്രവര്ത്തനങ്ങള്ക്ക് ജില്ലയില് രണ്ടാം സ്ഥാനം നേടുകയും ചെയ്തു. സമൂഹത്തിന്റെ ചെറുപതിപ്പായ വിദ്യാലയം അതിന്റെ പ്രവര്ത്തനങ്ങളിലെല്ലാം തന്നെ സമുഹനന്മ ലക്ഷ്യം വച്ചുകൊണ്ടാണെങ്കിലും പൊതു ജനമധ്യത്തിലിറങ്ങാനും വിദ്യാലയത്തെ സമുഹവുമായി ബന്ധിപ്പിക്കുവാനും അവസരം ഒരുക്കിത്തന്ന മലയാള മനോരമയ്ക്ക് അഭിനന്ദനങ്ങള് അറിയ്ക്കട്ടെ. ഞങ്ങളുടെ വിദ്യാലയത്തില് വിദ്യാരംഗം കലാസാഹിത്യ വേദി, കൈരളി, പരിസ്ഥിസി, ഇക്കോ, ഊര്ജ്ജം, SPC, JRC, പാര്ലമെന്ററി, ഹെല്ത്ത്, ഇംഗ്ലീഷ്, ഹിന്ദി, ഗണിതം, സയന്സ്, സോഷ്യല് സയന്സ്, IT, മൃഗസംരക്ഷണം, ആശ്രയ, പുകയില വിരുദ്ധം തുടങ്ങിയ16-ലേറെ ക്ലബ്ബുകള് സജീവമായി പ്രവര്ത്തിച്ചുവരുന്നു. സ്കൂളില് ഈ അധ്യയനവര്ഷം ആവിഷ്കരിച്ചു നടപ്പിലാക്കി വരുന്ന പ്രവര്ത്തനങ്ങള് വിശദാംശങ്ങളോടൊപ്പം സമര്പ്പിക്കുന്നു.
നമ്മുടെ നാട്ടുപാതകള് നിരക്കെ തുറന്നു കൊണ്ട്, ജീവിതയാത്രയില് ഇടറി വീഴുന്നവരുടെ കണ്ണീരു തുടയ്ക്കാന്, അനാഥര്ക്ക് ഒരുനേരത്തെ അന്നം നല്കാന്, അശരണര്ക്ക് ആശ്രയമേകാന്, ഹരിതാഭയിലൂടെ നാടിന്റെ സ്പന്ദനമറിയാന്, സുരക്ഷയിലൂടെ സ്നേഹപൂക്കള് വിരിയിക്കാന്, പുഴകളും മലകളുംസംരക്ഷിച്ച് നാടിനു തണലാവാന്, പുതിയ വായനാനുഭവങ്ങള് നിറയ്ക്കാന്, മലയാള മനോരമ ഒരുക്കിയ നല്ലപാഠം പദ്ധതിയില് അംഗങ്ങളായ ചാരിതാര്ഥ്യത്തോടെ,
നാടിന്റെ ആവശ്യങ്ങളും പ്രശനങ്ങളും അറിയാന് ശ്രമിച്ചതിന്റെ, അവ കണ്ടെത്തി സഹായിക്കാന് കഴിഞ്ഞതിന്റെ, സാമൂഹിക പരിവര്ത്തന പ്രവര്ത്തന ങ്ങളില് പങ്കാളിയായതിന്റെ രേഖപ്പെടുത്തലുകള്.
1. ഹരിതം
![](/images/thumb/2/22/15047_220.jpg/300px-15047_220.jpg)
ഗ്രാമീണ കാര്ഷിക മേഖലയായ വാകേരി പ്രദേശത്തെ ജനങ്ങളെ ഉപഭോഗ സംസ്കാരത്തിന്റെ പിടിയില് നിന്നും മാറ്റത്തിലേക്ക് നയിക്കുന്നതിനും അനാരോഗ്യ കരമായ ജീവിത ശൈലി കൊണ്ടും അമിതമായ രാസവള കീടനാശിനി പ്രയോഗ ത്താലും ഉണ്ടാകുന്ന വിവിധ പ്രശ്നങ്ങള് കണ്ടെത്തിയതിന്റെ അടിസ്ഥാനത്തില് സ്കൂളും സമൂഹവുമായുള്ള ബന്ധം ഊട്ടിയുറപ്പിക്കുന്നതിനും ഹരിതം പദ്ധതിയിലുള്പ്പെടുത്തി വിവിധ പ്രവര്ത്തനങ്ങള് ആവിഷ്കരിച്ചു നടപ്പിലാക്കി. വിദ്യാര്ഥികളുടെ ശ്രദ്ധയും ശുശ്രൂഷയും പ്രകൃതിക്ക് ലഭിക്കുക. പരിസ്ഥിതിയെ സംരക്ഷിക്കുക അതിലൂടെ പരിസ്ഥിതി കേന്ദ്രിതമായ ജീവിതം കെട്ടിപ്പടുക്കുക. പരിസഥിതി ചൂഷണങ്ങള്ക്കെതിരെ പ്രതികരിക്കുക.
വ്യക്തിശുചിത്വത്തിന്റെയും പരിസരശുചിത്വത്തിന്റെയും പ്രാധാന്യം തിരിച്ചറിയുക.
മനസ്സും ശരീരവും സുരക്ഷിതമായി പരിപാലിക്കുക.
ജൈവക്യഷി പ്രോത്സാഹിപ്പിക്കുക.
ഭക്ഷ്യസുരക്ഷയും ആരോഗ്യ സുരക്ഷയും കൈവരിക്കുക.
പഠനം പ്രവര്ത്തനോന്മുഖമാക്കുക. വിമര്ശനാത്മകമായി പഠനപ്രവര്ത്തനങ്ങ ളില് ഏര്പ്പെട്ടു
സമൂഹത്തിലെ തിന്മകള് കണ്ട് വിലപിക്കുന്നതിന് പകരം സ്വസംഭാവനയിലൂടെ സാമൂഹ്യ മാറ്റത്തില് പങ്കാളിയാവുക.
1.പരിസ്ഥിതി ദിനാചരണം
![](/images/thumb/8/86/15047_208.jpg/300px-15047_208.jpg)
![](/images/thumb/a/a9/15047_204.jpg/300px-15047_204.jpg)
ജുണ് 5-ന് പരിസ്ഥിതിദിനാചരണത്തോടെ പ്രകൃതി സംരക്ഷണ പ്രവര്ത്തനങ്ങള്ക്ക് തുടക്കം കുറിച്ചു. പൂതാടി ഗ്രാമപഞ്ചായത്ത്, വനം,വന്യജീവി വകുപ്പ്, ശാസ്ത്രസാങ്കേതിക കൗണ്സില് എന്നിവയുടെ സഹകരണത്തോടെ വാകേരി സ്കൂള് ഏറ്റെടുത്തു ചെയ്ത പുഴയോരസംരക്ഷണത്തിനായി മുളംതൈ കള് നരസിപ്പുഴയുടെ ഇരുകരകളിലുമായി വച്ചുപിടിപ്പിക്കുന്ന പദ്ധതിയുടെ ഉദ്ഘാടനം വാര്ഡ്മെമ്പര് ശ്രീമതി സിന്ധു രവീന്ദ്രന് നിര്വ്വഹിച്ചു. 1000 മുളത്തൈ കളാണ് പുഴയുടെ ഇരുകരകളിലുമായി നട്ടുപിടിപ്പിച്ച് സംരക്ഷിച്ചു പോരുന്നത്. പുഴത്തീരത്തിന്റെ സംരക്ഷണവുംജലജീവികളുടെ ആവാസവ്യവസ്ഥയ്ക്കും വേണ്ടി യാണ് ഈ പ്രവര്ത്തനം ചെയ്തിട്ടുള്ളത്. നക്ഷത്രവനം പദ്ധതിയുടെ ഉദ്ഘാടനം മൂടക്കൊല്ലി വാര്ഡ് മെമ്പര് ശ്രീമതി വത്സല വിജയന് നിര്വ്വഹിച്ചു.
2.ഓസോണിനെ അറിയുക
ഓസോണ് പാളിയുടെ പ്രാധാന്യം ചിത്രീകരിച്ചിട്ടുള്ള ഫോട്ടോപ്രദര്ശനം ഓസോണിനെ അറിയുക എന്ന പേരില് സംഘടിപ്പിച്ചു. ഗാന്ധിനഗര് വാര്ഡ് മെമ്പര് ശ്രീ കെ എം സിബി ഉദ്ഘാടനം ചെയ്തു. പരിസ്ഥിതി സംരക്ഷണ ബോധവത്കരണ റാലി നടത്തി. പരിസര ശുചീകരണം ടൗണ് ക്ലീനിങ്ങ് എന്നിവ നടത്തി.പോസ്റ്റര് രചനാമത്സരങ്ങള് സംഘടിപ്പിച്ചു.സോഷ്യല് ഫോറസ്ട്രി വകുപ്പ് അനുവദിച്ച വൃക്ഷത്തൈകള് വിദ്യാര്ഥികള്ക്ക് വിതരണം ചെയ്തു. സ്കൂള് അങ്കണത്തില് തൈകള് നട്ടു.പൂന്തേട്ട നിര്മ്മാണ പ്രവര്ത്തനങ്ങള് നടത്തി.
3 കുട്ടിവനം
വനം വകുപ്പും നല്ലപാഠവും സംയുക്തമായി നടപ്പാക്കിയ പദ്ധതിയാണ് കുട്ടിവനം. വിദ്യാര്ത്ഥികളില് കാടിനോടും മരങ്ങളോടുമുള്ള താല്പര്യം വര്ദ്ധിപ്പിക്കുക എന്ന ലക്ഷ്യമാണ് ഇതിനു പിന്നിലുള്ളത്. അരിയാതെ പ്രകൃതി സംരക്ഷണ മനോഭാവം വളര്ത്തിയെടുക്കാന് ഇതുപോലുള്ള പദ്ധതികള്ക്കു സാധിക്കും.
4.പ്രകൃതി പഠനയാത്ര
17/10/2015 ന് അമ്പലവയല് കാര്ഷിക വിജ്ഞാന കേന്ദ്രം സന്ദര്ശിച്ചു. 19 വിദ്യാര്ത്ഥികളും അദ്ധ്യാപകരും അടങ്ങുന്ന സംഘം നൂതന കൃഷിരീതികളെക്കുറിച്ചും ശാസ്ത്രീയമായി കൃഷി ചെയ്യുന്നതു സംബന്ധിച്ച് ഗവേഷകരുമായി സംവദിച്ചു. 03/10/2015ന് വയനാട് വനംവന്യജീവി വാരാഘോഷത്തിന്റെ ഭാഗമായി കേരള വനംവകുപ്പും വയനാട് വന്യജീവി സങ്കേതവും സംയുക്തമായി സംഘടിപ്പിച്ച ജനബോധന റാലിയില് പങ്കെടുത്തു.
5.കര്ഷക ദിനം
ചിങ്ങം1 മലയാള വര്ഷത്തെ വരവേറ്റുകൊണ്ട് കര്ഷക ദിനം ആഘോഷിച്ചു. പൂതാടി പഞ്ചായത്ത് നല്കുന്ന ഏറ്റവും മികച്ച വിദ്യാര്ത്ഥി കര്ഷകനുള്ള അവാര്ഡ് വാകേരി സ്കൂളിലെ ഏഴാം ക്ലാസ് വിദ്യാര്ത്ഥിയായ രാഹുല് കെ ജി യ്ക്കാണ് ലഭിച്ചത്. പഞ്ചായത്ത് ഏര്പ്പെടുത്തിയ വിദഗ്ദസമിതിയാണ് രാഹുലിനെ തെരഞ്ഞെടുത്തത്. കഴിഞ്ഞവര്ഷം സ്കൂളിലെ വിദ്യാര്ത്ഥികളിലെ ഏറ്റവും മികച്ച വിദ്യാര്ത്ഥി കര്ഷകന് അവാര്ഡ് നല്കി. സ്കൂളില്നിന്നു നല്കിയ പച്ചക്കറി തൈകള് നട്ടു പരിപാലിക്കുകയും മികച്ച വിളവുണ്ടാക്കുകയും ചെയ്ത വിദ്യാര്ത്ഥി ക്കാണ് അവാര്ഡ് നല്കിയത്. കാര്ഷിക സംസ്കാരം വളര്ത്തിയെടുക്കുക, അതിലൂടെ കേരളീയ സംസ്കാ രവും കാര്ഷിക പാരമ്പര്യവും തിരിച്ചറി യുക എന്ന ലക്ഷ്യത്തോടെ സ്കൂളിന് പച്ചക്കറി തോട്ട നിര്മ്മാണത്തിന് പരിസ്ഥിതി ക്ലബ്ബ് അംഗങ്ങള് തുടക്കം കുറിച്ചു. ചേമ്പ്,മത്തന്, വെണ്ട, പയറ്, വഴുതന, പച്ചമുളക്, കാബേജ്, കോളി ഫ്ലവര് തുടങ്ങിയ പച്ചക്കറിത്തൈകള് നടുന്നതിനായി സ്ഥലമൊരുക്കി. തൈ കള് നട്ടു.
6.ജൈവകൃഷി
a) നെല്കൃഷി
യന്ത്രവല്കൃത ജൈവനെല്കൃഷി നടത്തുന്നതിനായി സ്കൂളിനു സമീപത്തുള്ള ഒരു ഏക്കര് വയല് നല്ലപാഠം പ്രവര്ത്തകര് പാട്ടത്തിനെടുത്തു. മണ്ണും മനുഷ്യനും സംരക്ഷി ക്കപ്പെടുക എന്ന ലക്ഷ്യത്തോടെയുള്ള ജൈവകൃഷി പ്രോത്സാഹിപ്പിക്കുന്നതിനായി വിദ്യാര്ത്ഥികളില് അവബോധം ഉണ്ടാക്കുക എന്ന മുഖ്യലക്ഷ്യത്തോടെയാണ് നെല്കൃ ഷി നടത്തുന്നതിനായി നല്ലപാഠം പ്രവര്ത്തകര് തയ്യാറായത്. "വിത്തറിവ്, വിതയറിവ്" എന്നപേരില് ശാസ്ത്രീയമായ കൃഷി പരിശീലന ക്ലാസാണ് ഇതിനായി ആദ്യം സംഘടിപ്പിച്ചത്.
നെല്ക്കൃഷി പരിശീലന ക്ലാസ്
വാകേരി ഗവ: ഹൈസ്ക്കൂളിലെ നല്ലപാഠം പ്രവര്ത്തനത്തിന്റെ ഭാഗമായി നെല് കൃഷിയെക്കുറിച്ച് 'വിത്തറിവ്, വിതയറിവ് ' എന്ന പേരില് വിദ്യാര്ത്ഥികള്ക്കും കര്ഷ കര്ക്കുമായി പരിശീലനക്ലാസ് സംഘടിപ്പിച്ചു. സ്കൂളില് ഈ വര്ഷം നല്ലപാഠം പ്രവര്ത്ത നത്തിന്റെ ഭാഗമായി ഒരേക്കര് വയലില് ജൈവരീതിയില് നെല്ക്കൃഷി നടത്തുന്നു. ഇതിന്റെ മുന്നൊരുക്കമായാണ് പരിശീലനക്ലാസ് സംഘടിപ്പിച്ചത്. പരിശീലന ക്ലാസ് കേണിച്ചിറ കൃഷിഭവന് ഓഫീസര് ശ്രീ അനില്കുമാര് ഉദ്ഘാടനം ചെയ്തു.വയനാട് കാര്ഷിക യൂണിവേര്സിറ്റി മുന് ഡയറക്ടര് ശ്രീ വിക്രമന് സാര് മണ്ണൊരുക്കല്, വിളപരി പാലനം, വളപ്രയോഗം തുടങ്ങിയ കാര്ഷിക പ്രവര്ത്തനങ്ങളെക്കുറിച്ച് വിശദീകരിച്ചു. പിടിഏ പ്രസിഡന്റ് ശ്രീ സുനില്കുമാര് അദ്ധ്യക്ഷം വഹിച്ചു. റോയ് വി. ജെ സ്വാഗതം പറഞ്ഞു. വിത്തിടല് ഉദ്ഘാടനം പൂതാടി പഞ്ചായത്തു പ്രസിഡന്റ് ശ്രീമതി മിനി പ്രകാശന് നിര്വഹിച്ചു. നല്ല പാഠം കോ-ഓര്ഡിനേറ്റര്മാരായ കെ.കെ ബിജു, എം.കെ. രതീഷ്, അധ്യാപകരായ കെ.ആര് ഷാജന്, എ.രജിത, ശ്രീ സുനില് കുമാര്, ശ്രീമതി ഇന്ദു.ആര്,ശ്രീമതി സജിന എന്നിവര് സംസാരിച്ചു. നല്ല പാഠം പ്രവര്ത്തകര് വേണ്ട രീതിയില് കൃഷിയെ പരിപാലിച്ചു. മണ്ണും മനുഷ്യനും സംരക്ഷിക്കപ്പെടുക എന്ന ലക്ഷ്യത്തോടെയുള്ള ജൈവകൃഷി പ്രോത്സാഹിപ്പിക്കുന്നതിനായി പച്ചക്കറി തൈകളും വിത്തുകളും വിതരം ചെയ്തു. മണ്ണും മനുഷ്യനും സംരക്ഷിക്കപ്പെടുക എന്ന ലക്ഷ്യത്തോടെയുള്ള ജൈവകൃഷി പ്രോത്സാഹിപ്പിക്കുന്നതിനായിണം ചെയ്തു. ജുണ് മാസത്തില് സ്കൂള് അങ്കണത്തില് മത്തന്,വെണ്ട,ചേമ്പ്, വഴുതിന തക്കാളി, പച്ചമുളക്, പയര് എന്നിവ കൃഷി ചെയ്തു. കൃഷിയുടെ നല്ല പാഠങ്ങളിലൂടെ പച്ചക്കറി ഉല്പാദിപ്പിച്ച് സ്കൂളിലെ ഉച്ചഭക്ഷണത്തിലുള്പ്പെടുത്തുന്നു.
ജൈവകൃഷിയുടെ രണ്ടാംഘട്ട ത്തില് 2000തൈകള് വിതര ണം ചെയ്തു. വാകേരി ലയണ്സ് ക്ലബ്ബാണ് തൈകള് സ്പോണ് സര് ചെയ്തത്. തൈ വിതര ണോദ്ഘാടനംപ്രധാന അധ്യാ പകന് നിര്വഹിച്ചു.കൃഷിയില് താല്പ്പര്യമുളള 100 വിദ്യാര്ഥി കള്ക്ക്10തൈവീതം അടുക്കള ത്തോട്ടനിര്മ്മാണത്തിന് വിത രണംചെയ്തു. വിത്തുവിതരണം സീനിയര് ടീച്ചര് ശ്രീമതി എം.പി. ഷൈലമ്മ ഉദ്ഘാടനം ചെയ്തു. കര്ഷക ദിനത്തില് പച്ചക്കറിത്തോട്ടത്തില് തൈകള് നട്ടു.
പച്ചക്കറിത്തോട്ടത്തില് നിന്നു ലഭിയ്ക്കുന്ന പച്ചക്കറികള് സ്കൂളിലെ ഉച്ചക്കഞ്ഞിയിലുള് പ്പെടുത്തുന്നു. നവംബര് മാസത്തില് മത്തന്, ചേമ്പ്, എന്നിവ വിളവെടു പ്പുത്സവം നടത്തി.
നേട്ടങ്ങള്:- വിലക്കയറ്റം രൂക്ഷമായ ഈ കാലഘട്ടത്തില് തന്റെ ചുറ്റുപാടില് പാടത്തും പറമ്പി ലും അത്യാവശ്യത്തിനു വേണ്ട പച്ചക്കറികള് ഉല്പാദിപ്പിക്കുന്നതിനും സാമ്പത്തിക സുരക്ഷ ഉറപ്പാക്കുന്നതിനും സാധിയ്ക്കുന്നു. ജൈവ കൃഷിയിലൂടെ വിഷാംശമുള്ള പച്ചക്കറികളെ വേണ്ടെന്നു വയ്ക്കുവാനുള്ള സാമാന്യബോധം വിദ്യാര്ഥികള്ക്കു ലഭിക്കുന്നു. കൂടാതെ വിദ്യാര്ഥികള് തന്നെ ജോലി ചെയ്യുന്നതി നാല് തൊഴിലെടുത്തു ജീവിയ്ക്കാനുള്ള ആഗ്രഹവും, തൊഴിലിലൂടെ കൃത്യതയാര്ന്ന ശരീര സംരക്ഷണവും പാലി യ്ക്കുന്നതിന് വിദ്യാര്ഥി കള്ക്ക് സാധിയ്ക്കുന്നു. ഉച്ചഭക്ഷണത്തില് തങ്ങളുല്പ്പാദിപ്പിച്ച പച്ചക്കറികളുള്പ്പെടുത്തുമ്പോള് വിദ്യാര്ഥികളുടെ ആത്മാഭിമാനവും,തൊഴില് സന്നദ്ധതയും വര്ദ്ധിയ്ക്കുന്നു.
7.പ്ലാസ്റ്റിക് നിര്മ്മാര്ജന പദ്ധതി
![](/images/thumb/7/70/15047_223.jpg/300px-15047_223.jpg)
4-10-11-ന് സ്കൂളില് പ്ലാസ്റ്റിക് 'നിര്മ്മാര്ജനപദ്ധതി' ഉദ്ഘാടനം ചെയ്തു. വീട്ടിലെത്തുന്ന പ്ലാസ്റ്റിക് കവറുകള് കഴുകി ഉണക്കി തരംതിരിച്ച് വിദ്യാര്ഥികള് സ്കൂളിലെത്തിക്കുന്നു. റീ സൈക്കിളിംഗ് ചെയ്യാനുതകുന്ന പ്ലാസ്റ്റിക് മാലിന്യങ്ങള് ശേഖരിച്ച് തരം തിരിച്ച് സൂക്ഷിക്കുന്നു. പ്ലാസ്റ്റിക് പുനരുപയോഗത്തില് വാകേരി നല്ലപാഠം യൂണിറ്റും കൈകോര്ക്കുന്നു. പ്ലാസ്റ്റിക് നിര്മ്മാര്ജന പദ്ധതിയുടെ ഭാഗമായി സ്കൂളില് തുണി സഞ്ചി തയ്ച്ച് വിതരണം ചെയ്യുന്നു
9.നാട്ടറിവുകള് തേടി
ഔഷധ സസ്യങ്ങളുടെ പഠനത്തിന്റെ ഭാഗമായി ഔഷധ സസ്യങ്ങളുടെ ഗുണം, ലഭ്യത, ഉപയോഗം തുടങ്ങിയ കാര്യങ്ങള് മനസ്സിലാക്കുന്നതിനും പ്രയോഗത്തില് വരുന്നതിനുമായി നടത്തിയ പ്രോജക്ടാണിത്. 9ാം ക്ലാസിലെ വിദ്യാര്ഥികളാണ് പഠന പ്രോജക്ട് തയാറാക്കിയത്.പരിസ്ഥിതി ക്ലബ്ബ് കണ്വീനര് സജിന എ നേതൃത്വം നല്കി.ഇതിന്റെ ഭാഗമായി ഹെര്ബേറിയം തയ്യാറാക്കി. അതിന്റെ പ്രദര്ശനവും സംഘടിപ്പിച്ചു
ഈ പ്രോജക്ടിലൂടെ വിവിധ ഔഷധ സസ്യങ്ങള് മനസ്സിലാക്കുന്നതിനും അതു പരിപാലിച്ചു വളര്ത്തേണ്ടതിന്റെ ആവിശ്യകതയും വിദ്യാര്ഥികള്ക്കു് മനസ്സിലായി. ചെറിയ അസുഖങ്ങള്ക്കു പോലും ഡോക്ടറുടെ അടുത്തേക്ക് ഓടുന്ന ആധുനിക സമൂഹത്തിന് ഇത്തരം പ്രോജക്ടുകള് വളരെ ഏറെ പ്രയോജന പ്രദമാണ്.
10.സ്നേഹമരം
2013 ല് ആരംഭിച്ച പദ്ധതിയാണ് സ്നേഹമരം. പരിസ്ഥിതി സംരക്ഷണ മനോഭാവം പരിസ്ഥിതി ദിനത്തില് ഒതുങ്ങാതെ കാലങ്ങളായി നിലനിര്ത്തുന്നതിന് സ്നേഹമരം പദ്ധതി സഹായകമാണ് എല്ലാ വിദ്യാര്ഥികളും ഓരോ വൃക്ഷ തൈകള് കൊണ്ടുവരിക യും അത് അവരുടെ ഉറ്റ സുഹൃത്തിന് കൈമാറുകയും ചെയ്തുകൊണ്ടാണ് സ്കൂളിലെ സ്നേഹമരം പദ്ധതിക്ക് തുടക്കമിട്ടത്. ഫലവൃക്ഷങ്ങളായിരുന്നു വിദ്യാര്ഥികള് കൈമാറി യതില് അധികവും. വിദ്യാര്ഥികള് തന്റെ സുഹൃത്തിനോടുള്ള സ്നേഹം വൃക്ഷതൈ നട്ടു പരിപാലിച്ചു കൊണ്ട് നില നിര്ത്തുന്നു. സ്നേഹബന്ധം വളരുന്ന തോടൊപ്പം പ്രകൃതിക്കു കുടയായി പള്ളിക്കൂടത്തിലും വീട്ടു മുറ്റത്തും മരങ്ങള് തഴച്ചു വളരുന്നു.
II.ഓണവിരുന്ന്
ഓണാഘോഷം: വാകേരി ഗവ: ഹൈസ്കൂളിന് ഇത്തവണത്തെ ഓണാഘോഷം പുതുമ നിറഞ്ഞതും മികച്ചതുമായിരുന്നു. സ്കൂള് ഹെഡ്മാസ്റ്റര് ശ്രീ സുരേന്ദ്രന് കവുത്തിയാട്ട് ഓണാഘോഷങ്ങള് ഉദ്ഘാടനം ചെയ്തു. പൂക്കള മത്സരം, കലംതല്ലിപ്പൊട്ടിക്കല് വടംവലി തുടങ്ങി കായികവും വിനോദപരവുമായ നിരവധി മത്സരങ്ങള് വിദ്യാര്ത്ഥികള്ക്കായി നടത്തി.
ഈ വര്ഷത്തെ ഓണാഘോ ഷത്തിന്റെ ഏറ്റവും വലിയ സവിശേ ഷത വിദ്യാര്ത്ഥിനികള് അവതരിപ്പിച്ച മെഗാതിരുവാതിര ആയിരുന്നു സയന്സ് അധ്യാപിക സിനിമോള് എസ് എസിന്റെ നേതൃത്വത്തിലാണ് മെഗാതിരുവാതിരയ്ക്കു പെണ്കുട്ടികള് ഒരുങ്ങിയത്. ഏറെ നാളത്തെ പരിശീലനം കൊണ്ടാണ് മെഗാ തിരുവാതിര അവതരിപ്പിക്കാന് കഴിഞ്ഞത്.
ഓണാഘോഷത്തിന്റെ മറ്റൊരു പ്രത്യേകത തേന്കുഴി കാട്ടുനായ്ക്ക കോളനിയെ ദത്തെടുക്കല് കൂടി ആയിരുന്നു. തേല്കുഴി കോളനിയിലെ അന്തേവാസികള്ക്ക് ഓണ സദ്യക്കുള്ള വിഭവങ്ങള് അടങ്ങിയ കിറ്റ് എല്ലാ കുടുംബങ്ങള്ക്കും നല്കിക്കൊണ്ടാണ് ഓണാഘോഷത്തിന് വാകേരി സ്കൂള് തയ്യാറെടുത്തത്.
അധ്യാപകരുടേയും രക്ഷാകര്ത്താക്കളുടേയും നേതൃത്വത്തിലാണ് ഓണസദ്യ തയ്യാറാക്കിയത്. ദത്തെടുത്ത തേന്കുളി കോളനി നിവാസികളെ സ്കൂളിലേക്കു ഷണിച്ചുവരുത്തി അവര്ക്ക് ഓണസദ്യനല്കി. വിദ്യാര്ത്ഥികളും നാട്ടുകാരും സദ്യയില് പങ്കാളികളായി.
III. നാടിനു തണലേകാന്
നിര്ധനരായ കൂട്ടുകാരെയും കുടുംബങ്ങളേയും സഹായിക്കുക. എന്ന സാമൂഹ്യ ബോധമാണ് തണല് പദ്ധതിയിലൂടെ മനോരമ ലക്ഷ്യമാക്കുന്നത്. ഈ പദ്ധതിയുടെ ഭാഗമായി ചില പ്രവര്ത്തനങ്ങള് ചെയ്യാന് സാധിച്ചതില് സന്തോഷമുണ്ട്.
1.സൈക്കിള് വിതരണം
01/07/2015 ന് നല്ലപാഠം പ്രവര്ത്തനത്തിന്റെ ഭാഗമായി സ്കൂളിലെ തെരഞ്ഞെടുത്ത 15 നിര്ധനരും ഗതാഗത സൗകര്യ മില്ലാത്ത വിദൂര മേഖലകളില് നിന്നു വരുന്ന വിദ്യാര്ഥികള്ക്ക് വയനാട് ജില്ലാ പഞ്ചായത്തിന്റെ സഹായത്തോടെ സൈക്കിള്
വിതരണം ചെയ്തു. പഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയര്മാന് ശ്രീ കെ എം സിബി സൈക്കിള് വിതരണം ഉദ്ഘാടനം ചെയ്തു.
2. യൂണിഫോം വിതരണം
വാകേരി സ്കൂളിലെ നല്ലപാഠം വിദ്യാര്ഥികളുടെ കൂട്ടായ്മയുടെ ഫലമായി മുഴുവന് നഴ്സറി വിദ്യാര്ഥികള്ക്കും യൂണി ഫോം വിതരണം ചെയ്തു.
3. ഗോത്രസാരഥി
വിദ്യാഭ്യാസ അവകാശത്തിന്റെ ഭാഗമായി യാത്രാസൗകര്യം ഇല്ലാത്ത ഗോത്രവര്ഗ വിഥ്യാര്ഥികളെ സ്കൂളിലെത്തിയ്കുന്നതിന്റെ ഭാഗമായി ട്രൈബല് വകുപ്പും ജില്ലാ പഞ്ചായത്തും സംയുക്തമായി നടപ്പാക്കുന്ന പദ്ധതിയാണ് ഗോത്രസാരഥി. ഗോത്രസാരഥി പദ്ധതിയിലൂടെ നമ്മുടെ സ്കൂളിന് മൂന്ന് വാഹനങ്ങ ളാണ് ഉള്ളത്. കാട്ടിനുള്ളില് അധിവസിക്കുന്ന മാരമല, കൂടല്ലൂര്, കൊമ്മഞ്ചേരി, ലക്ഷംവീട് തേന്കുഴി, കാട്ടുനായ്ക്ക കോളനിയിലെ വിദ്യാര്ഥികള്ക്കാണ് യാത്രാസൗകര്യം ഏര്പ്പെടുത്തിയിട്ടുള്ളത്.
4.കോളനി കേന്ദ്രീകൃത ഗൃഹസന്ദര്ശനം
09-06-15-ന് സ്കൂളിലെ മുഴുവന് അധ്യാപകരും പി.ടി.എ എക്സിക്യൂട്ടീവ് അംഗങ്ങളും വിവിധ ഗ്രൂപ്പുകളായി തിരിഞ്ഞ് കോളനി കേന്ദ്രീകൃത ഗൃഹ സന്ദര്ശ നം നടത്തി. സ്കൂളില് വരാതിരിക്കുന്ന വിദ്യാര്ഥികളെ കണ്ടെത്തുന്നതിനും,സ്കൂളില് വരേണ്ട ആവശ്യകത പറഞ്ഞു മനസ്സിലാക്കുന്നതിനും ലക്ഷ്യമിട്ടു നടത്തിയ ഗൃഹസന്ദര്ശനത്തിന് ശ്രീ.പത്മനാഭന് സാര് നേതൃത്വം നല്കി. കോളനിയില് നിന്നും ശേഖരിച്ച വിവരങ്ങളുടെ റിപ്പോര്ട്ട് പൂതാടി ഗ്രാമപ്പഞ്ചായത്തിലേല്പ്പിച്ചു.
6 പൊതുശൗചാലയ നിര്മ്മാണം.
വാകേരി ടൗണില് വിവിധ ആവശ്യങ്ങള്ക്കായി എത്തിച്ചേരുന്ന പൊതുജനങ്ങള്ക്ക് ടോയ്ലറ്റ് സൗ കര്യം ഉണ്ടായിരുന്നില്ല. അതിന് ഒരു ശാശ്വതപരിഹാരം എന്ന നിലയ്ക്കാണ് വാകേരി ടൗണില് നല്ലപാഠം പ്രവര്ത്തകരും സ്കൂള് എന് എസ് എസ് യൂണിറ്റും വാകേരി ലയണ്സ്
ക്ലബ്ബും സംയുക്തമായി നിര്മ്മി ച്ച പൊതുശൗചാലയം ഉദ്ഘാടനം ലയണ്സ് ഡിസ്ട്രിക്റ്റ് ഗവര്ണര് ശ്രീ സതീഷ്കുമാര് നിര്വ്വഹിച്ചു
7. കോളനി ദത്തെടുക്കല്
ഓണാഘോഷത്തോടനുബന്ധിച്ച് തേന്കുഴി കാട്ടുനായ്ക്ക കോളനി നല്ലപാഠം പ്രവര്ത്തകര് ദത്തെടുത്തു. ഒന്നാം ക്ലാസുമുതല് എട്ടാം ക്ലാസുവരെയുള്ള വിദ്യാര്ഥികളാണ് ഈ കോളനി യില് നിന്ന് സ്കൂളിലെത്തുന്നത്. വനാന്തരത്തിലുള്ള കേളനി സ്കൂളില് നിന്ന് 5 കി. മീ. ദൂരമുണ്ട്. ഗോത്രസാരഥി പദ്ധതി പ്രകാരം ഓട്ടോറിക്ഷയിലാണ് ഇവരെ സ്കൂളിലെത്തിക്കുന്നത്.ഇവരുടെ പഠനപ്രവര്ത്തനങ്ങള് മികച്ചതാക്കുന്നതിനായി കോളനി സന്ദര്ശനം നടത്തുന്നു. സ്കൂളില് സ്ഥിരമായി ഇവരെ എത്തിക്കുന്ന തിനായി നിരന്തരം പ്രൊമോട്ടറുമായും കേളനി നിവാസികളുമായും ബന്ധം പുലര്ത്തുന്നു. മാസത്തിലൊരിക്കല് നല്ലപാഠം പ്രവര്ത്തകര് കേളനി സന്ദര്ശിച്ചു വരുന്നു. കോളനി നിവാസികളുടെ ജീവിത രീതി മനസ്സിലാക്കുന്നതിനും അവരുടെ പ്രശ്നങ്ങളെക്കുറിച്ചറിയുന്നതിനും വേണ്ട പരിഹാരങ്ങള് നല്കി സഹായിക്കുന്ന തിനുമായി സര്വ്വേ നടത്തി. സര്വ്വേ പ്രകാരം 27 വീടുകളാണ് തേന്കുഴി കോളനിയിലുള്ളത്. വളരെ മോശമായ കുടിലുകളിലാണ് ഇവര്താമസിക്കുന്നത്. അടിസ്ഥാന സൗകര്യങ്ങളായ കുടിവെള്ളം, ടോയ്ലറ്റ്,റോഡ് മുതലായവ ഒന്നും തന്നെ ഈ കോളനിയിലില്ല. ഈ പ്രശ്നങ്ങള്ക്കു പരിഹാരം കാണുന്നതിനാണ് നല്ലപാഠം പ്രവര്ത്തകര് ശ്രമിച്ചത്. അടിസ്ഥാന പ്രശ്നങ്ങളില് ശുചിത്വത്തിനാണ് ഊന്നല് നല്കിയത്. ടോയ്ലറ്റ് സൗകര്യമില്ലാത്ത ഇവര്ക്ക് ആദ്യഘട്ടം എന്നനിലയില് മൂന്നു കുടുംബങ്ങള്ക്ക് ടോയ്ലറ്റ് നിര്മ്മിച്ചു നല്കാനെ സാധിച്ചുള്ളൂ. മറ്റുകുടുംബങ്ങള്ക്ക് ടോയ്ലറ്റ് അടുത്ത വര്ഷം നിര്മ്മിച്ചുനല്കാനാകുമെന്ന് പ്രതീക്ഷിക്കുന്നു. അതുപോലെ ഇവര്ക്ക് ശുദ്ധജലം എത്തിക്കാനുള്ള പ്രവര്ത്തനം അടുത്തവര്ഷം പൂര്ത്തിയാക്കാന് സാധിക്കുമെന്നു കരുതുന്നു.
9. മെഗാമെഡിക്കല് ക്യാമ്പ്
വാകേരി സ്കൂളും വാകേരി ലയണ്സ് ക്ലബ്ബും ഡി.എം.വിംസ് മെഡിക്കല് കോളേജ് ഹോസ്പിറ്റല് മേപ്പാടിയും സംയുക്തമായി ജനറല് മെഡിസിന്,ജനറല് സര്ജറി വിഭാഗങ്ങളില് സൗജന്യ മെഡിക്കല് ക്യാമ്പ് നടത്തി. 1-9-15 ചൊവ്വാഴ്ച രാവിലെ 9.30 മുതല് 4 മണിവരെ നടന്ന മെഡിക്കല് ക്യാമ്പ് ബത്തേരി നിയോജക മണ്ഡലം എം എല് ഏ ശ്രീ ഐ സി ബാലകൃഷ്ണന് ഉദ്ഘാട നം ചെയ്തു. പി.ടി.എ പ്രസിഡന്റിന്റെ അ ധ്യക്ഷതയില് ചേര്ന്ന ഉദ്ഘാ ടനചടങ്ങിന് ശ്രീഗോപി ചെരി യംപുറത്ത് സ്വാഗതം പറഞ്ഞു വിംസ് ഹോസ്പിറ്റല് സര്ജറി ഡിപ്പാര്ട്ട്മെന്റ് പ്രൊഫസര് ഡോക്ടര് സുകുമാരന് പദ്ധതി വിശദീകരണം നടത്തി. പൂതാടി പഞ്ചായത്ത് പ്രസിഡന്റ് ശ്രീമതി. മിനി പ്രകാശന്, പ്രധാന അധ്യാപകന് ശ്രീ.സുരേന്ദ്രന് കവുത്തിയാട്ട്, പ്രിന്സിപ്പാള് എന്നിവര് ആശംസ അറിയിച്ചു. ലയണ്സ് ക്ലബ്ബ് സെക്രട്ടറി ശ്രീ.ശ്രീജിത്ത് നന്ദി അറിയിച്ചു. ക്യാമ്പില് 142 പേരുടെ ഷുഗര്, പ്രഷര് എന്നിവ പരിശേധിച്ചു. വിളര്ച്ച, പനി, വേദനകള്, ജലദോഷം, തലവേദന,ഷുഗര് തുടങ്ങിയ അസുഖങ്ങള്ക്കുള്ള മരുന്നുകള് ലയണ്സ് ക്ലബ്ബ് നല്കി.
നേട്ടങ്ങള് - പ്രദേശവാസികളെ സ്കൂളിലെത്തിക്കുന്നതിനും അതിലൂടെ സ്കൂളും സമൂഹവുമായുള്ള സഹകരണം മെച്ചപ്പെടുത്തുന്നതിനും മരുന്നുകള് വിതരണം ചെയ്യാനും സാധിച്ചതില് ചാരിതാര്ഥ്യമുണ്ട്
10. സൗജന്യ നേത്ര പരിശോധന ക്യാമ്പ്
നേത്ര രക്ഷ ജീവന് സുരക്ഷ എന്ന മുദ്രാവാക്യത്തിന്റെ അര്ഥം ഉള്ക്കൊണ്ട് വാകേരി സ്കൂളും വാകേരി ലയണ്സ് ക്ലബ്ബും, എന്എസ്സഎസ് യൂണിറ്റു്, ശാരദ കണ്ണാശുപത്രി ബത്തേരിയും സംയുക്തമായി നേത്ര പരിശോധന ക്യാമ്പ് സംഘടിപ്പിച്ചു.15/07/15ന് നടന്ന നേത്ര പരിശോധന ക്യാമ്പ് പൂതാടി ഗ്രാമപഞ്ചായത്തു പ്രസിഡന്റ് ശ്രീമതി മിനി പ്രകാശന് ഉദ്ഘാടനം ചെയ്തു .പി.ടി.എ പ്രസിഡന്റിന്റെ അധ്യക്ഷതയില് ചേര്ന്ന യേഗത്തിന് ലയണ്സ് ക്ലബ്ബ് സെക്രട്ടറി ശ്രീ.സണ്ണി സെബാസ്റ്റ്യന് പ്രധാന അധ്യാപകന്, വി.എച്ച്.എസ്.സ് പ്രിന്സിപ്പാള് എന്നിവര് ആശംസകളര്പ്പിച്ചു. സുല്ത്താന് ബത്തേരി ശാരദാ കണ്ണാശുപത്രിയിലെ ഡോക്ടര് ആദര്ശ് എസ്. എ-യുടെ നേതൃത്വത്തില് നടന്ന ക്യാമ്പില് 230 പേര്
പങ്കെടുത്തു.പരിശോധനയില് കണ്ണട ആവശ്യമായ 200 പേര്ക്ക് ലയണ്സ് ക്ലബ്ബ് കണ്ണട നല്കി. വിദ്യാര്ഥികള്ക്ക് കണ്ണടകള് സൗജന്യമായും മുതിര്ന്നവര്ക്ക് 50% വിലക്കിഴിവോടെയും വിതരണം ചെയ്തു.
IV. ആര്ദ്രതയോടെ....
നന്മയുടെ വഴികളില് സ്വാന്തനം ആഗ്രഹിക്കുന്ന ഒട്ടനവധി ആളുകള് നമ്മുടെ സമൂഹത്തിലുണ്ട്. മാരക രോഗങ്ങളാല് കഷ്ട്ടപ്പെടുന്നവരും, വേദനയാല് നീറുന്നവരും, യാതൊരു ആലംബമില്ലാതെ വെന്തുരുകുന്നവരും അങ്ങനെ പലരും...അവര്ക്ക് സ്വാന്തനമായി ഒരുവാക്കോ,ഒരു നോക്കോ,ഒരു കരസ്പര്ശമോ ഒക്കെ മതിയാകും..
ലക്ഷ്യങ്ങള്
1. രോഗിയുടെ വൈകാരിക, സാമൂഹ്യ പ്രശ്നങ്ങള് മനസ്സിലാക്കുക, അവയ്ക്കു പരിഹാരം കണ്ടെത്തുക. 2. ജീവിതത്തില് നഷ്ടമാകുന്നുവെന്ന് രോഗി ഭയക്കുന്ന അന്തസ്സ് ഊട്ടിയുറപ്പിക്കുക, അര്ഹമായ മാന്യതയും,മൂല്യവും, തനിക്കുണ്ടെന്ന് തിരിച്ചറിയുക. 3.സമൂഹത്തില് ആരും ഒറ്റക്കല്ലെങ്കിലും എല്ലാവരും അത്യന്തികമായി ഒറ്റക്ക തന്നെയാണ് എന്ന ബോധം ഉണ്ടാകുക. 4.അശരണരേയും ആലംബഹീനരേയും സഹായിക്കാനുള്ള മനോഭാവം ഉണ്ടാക്കുക.നന്നായി ജീവിക്കുക, ജീവിക്കാന് അനുവദിക്കുക.
1.പണശേഖരണപ്പെട്ടി വിതരണം
![](/images/thumb/7/70/15047_224.jpg/300px-15047_224.jpg)
സ്കൂളിലെ എല്ലാക്ലാസ്സുകളിലും ഓരോ നല്ലപാഠം സ്വാന്തനപ്പെട്ടി നല്കി. എല്ലാ വിദ്യാഥികളും മിഠായി വാങ്ങുവാന് കൊണ്ടുവരുന്ന പൈസ അതില് നിക്ഷേപിക്കുക. എല്ലാമാസാവസാനവും ഈ പെട്ടികള് ക്ലാസ്സ് ലീഡര്മാരുടെ നേതൃത്വത്തില് തുറക്കുന്നു അതിലെ പണവും പ്രദേശങ്ങളിലെ അയല്ക്കുട്ടങ്ങളു ടേയും ക്ലബ്ബുകളുടേയും, വിവിധ സംഘടനയുടേയും സഹായവും ചേര്ത്ത് ജീവകാരുണ്യ പ്രവര്ത്തനങ്ങള് ചെയ്യുന്നു.
2. ഓണക്കിറ്റ് വിതരണം
ഈ വര്ഷത്തെ ഓണാഘോഷങ്ങളുടെ ഭാഗമായി നല്ല പാഠം പ്രവര്ത്തകര് തേന്കുഴി, കൂടല്ലൂര് കാട്ടുനായ്ക്ക കോളനികളിലെ 30 കുടുംബങ്ങള്ക്ക് സ്കൂളിലെ അധ്യാപ കരുടേയും വിദ്യാഥികളുടേയും സഹകരണത്തിലൂടെ ഓണക്കിറ്റ് നല്കി. അരി, വെളിച്ചെണ്ണ, പപ്പടം, തേങ്ങ, പായസക്കിറ്റ്,പച്ചക്കറികള് തുടങ്ങിയ സാധനങ്ങ ളാണ് ഓണക്കിറ്റില് ഉള്ക്കൊളളിച്ചത്. ഒരു കിറ്റില് 400രൂപയുടെ സാധനങ്ങളാണ് ഉണ്ടായിരുന്നത്. 30പേര്ക്ക് 400രൂപ പ്രകാരം 12000രൂപയുടെ ഓണക്കിറ്റ് വിതരണത്തിനായി ശേഖരിച്ചത്. 21/08/15-ന് ഈ ഓണക്കിറ്റുകള് വിതരണംചെയ്തു.
3.ധനസഹായം
21/08/15-ന് സ്കൂളിലെ പൂര്വ്വവിദ്യാര്ഥി കരള് രോഗബാധിതനായ അമല് വി എസിനു ചികിത്സാ സഹായമായി നല്ലപാഠം പ്രവര്ത്തകര് സ്വരൂപിച്ച 30000രൂപനല്കി
4. ക്രിസ്തുമസ് ആഘോഷം
ഈ വര്ഷത്തെ സ്കൂളിലെ ക്രിസ്തുമസ് ആഘോഷങ്ങള് സ്മിത ടീച്ചര്, സിസ്റ്റര് അന്നമ്മ എന്നിവരുടെ നേതൃത്വത്തില് നടന്നു. യേശുവിന്റെ പിറവി അവതരിപ്പിക്കുന്ന സംഗീത ശില്പ്പം മുഖ്യആകര്ഷണമായിരുന്നു. പ്രധാനാധ്യാപകന്, പ്രിന്സിപ്പാള് എന്നിവര് കുട്ടികള്ക്കു ക്രിസ്തുമസ് സന്ദേശം നല്കി. തുടര്ന്ന് എല്ലാകുട്ടികള്ക്കും കേക്ക് വിതരണം നടത്തി.
V. രുചിപ്പത്തായം
ഭക്ഷ്യ സുരക്ഷ്യയില് ഇലക്കറികളുടെ പ്രധാന്യം ഉള്ക്കൊണ്ട് വാകേരി സ്കൂളിലെ നല്ലപാഠം പ്രവര്ത്തകര് ഓണാഘോഷത്തോടനുബന്ധിച്ച് ഇലക്കറി വിഭവമേള, പായസ മേള എന്നിവ സംഘടിപ്പിച്ചു. ഇത്തവണത്തെ ഓണസദ്യ നാടന് രുചികളുടേതായിരുന്നു.
VI. എന്റെ മലയാളം
മനുഷ്യ ചേതന വ്യാപരിക്കുന്ന ഏതൊരു മേഖലയേയും ചൈതന്യ വത്താക്കുന്നത് സര്ഗ്ഗാത്മകതയാണല്ലോ? എക്കാലത്തും സമൂഹത്തിന്റെ കെടാ വിളക്കുകളാകുന്ന പുസ്തകങ്ങളാണ് ഇതിനു കാരണം. ഉത്തമമായ വായന വിജ്ഞാനവും വിനോദവും സംസ്കാരവും പ്രദാനം ചെയ്യുന്നു. ലക്ഷ്യങ്ങള്
1. ഭാഷാ നൈപുണികള് വികസിപ്പിക്കുന്നതിന്.
2.ഭാഷയോട് ആദരവും സ്നേഹവും വര്ദ്ധിപ്പിക്കുക.
3.വായനയിലൂടെ മികച്ച ജീവിതം നയിക്കാനാകുമെന്ന തിരിച്ചറിവുണ്ടാക്കുക.
4.സര്ഗാത്മക രചനകള് ആസ്വദിക്കുക.
5.ദേശസ്നേഹം വര്ദ്ധിപ്പിക്കുക.
6.വിമര്ശനാത്മകതയോടെ പഠന പ്രവര്ത്തനങ്ങളിലേര്പ്പെടുക.
7.പഠനം പ്രവര്ത്തനോന്മുഖമാക്കുക.
8.നവലോക സൃഷ്ടിക്കുള്ള പ്രവര്ത്തനങ്ങളിലേര്പ്പെടുക.
9.വിവിധ സംസ്കാരങ്ങളെ കൂട്ടിയിണക്കുക.
1. പ്രവേശനോത്സവം 2015-16
2015-16 അധ്യായന വര്ഷത്തില് അക്ഷാരാമൃതം നുകരാനെ ത്തിയ കുരുന്നുകള്ക്ക് വര്ണ്ണവൈവിധ്യമാര്ന്ന പരിപാടികളോടെ സ്വാഗതമരുളി. കുട്ടി കള്ക്കിഷ്ടമുള്ള ബലൂണുകള്, വര്ണ്ണക്കടലാസുകള് എന്നിവകൊണ്ട് ക്ലാസ്മുറികള് അലങ്കരിച്ചു.പാട്ടുകള് പാടി അവരെ വരവേറ്റു.പി.ടി.എ യുടെ നേതൃത്വത്തില് പായസവിതരണം നടത്തി.
2. കൗണ്സലിംഗ് ക്ലാസ്സ്
2015-16 അധ്യായന വര്ഷത്തെ SSLC വിദ്യാര്ഥികള്ക്ക് മോട്ടിവേഷന് ക്ലാസ് സംഘടിപ്പിച്ചു. ക്ലാസ്സ് കൈകാര്യം ചെയ്തത് ശ്രീ.സാമുവല് സാറാണ്.(10/6/2015) നോണ് D+ കണ്വീനര് സുനില്കുമാര് സാര് സ്വാഗതം അറിയിച്ചു. പി.ടി.എ പ്രസിഡന്റ് ശ്രീ.സി എം ഷാജിയുടെ അധ്യക്ഷതയില് ചേര്ന്ന യോഗം എച്ച്.എം ശ്രീ സുരേന്ദ്രന് കവുത്തിയാട്ട് ഉദ്ഘാടനം ചെയ്തു.കല്പ്പറ്റ ആസ്ഥാനമായ വി സാറ്റ് സംഘടനയുടെ സഹായത്തോടെ 1/10/15-ന് രക്ഷിതാക്കള്ക്കും പത്താം ക്ലാസിലെ കുട്ടികള്ക്കും വേണ്ടി കൗണ്സിലിംഗ് ക്ലാസ്സ് സംഘടിപ്പിച്ചു. 5/12/15 വിദ്യാര്ത്ഥി കള്ക്ക് വി സാറ്റ് രണ്ടാം ഘട്ട കൗണ്സലിംഗ് ക്ലാസ് നല്കി. മൂന്നാം ഘട്ടത്തില് 20/1/16ന് ക്രസന്റ് എജൂക്കേഷണല് ട്രസ്റ്റിന്റെ നേതൃത്വത്തിലുള്ള മോട്ടിവേഷന് ക്ലാസ് നല്കി.
3.വായനാ വാരാഘോഷം
19-6-15 വായനാദിനത്തോടനുബന്ധിച്ച് എല്ലാക്ലാസിലും ക്ലാസധ്യാപക രുടെ നേതൃത്വത്തില് വായനാദിന സന്ദേശം അറിയിച്ചു. വായനാവാരാഘോ ഷങ്ങളുടെ ഉദ്ഘാടന കര്മ്മം നിര്വ്വഹിച്ചത് ഡയറ്റ് സീനിയര് ലക്ചറര് ശ്രീ ശശിമാസ്റ്റര് ആണ്. വായനയുടെ വിവിധതലങ്ങള് വിദ്യാര്ത്ഥി കള്ക്ക് മനസ്സി ലാക്കിക്കൊടുക്കുന്ന തരത്തില് അദ്ദേഹം വിശദീകരിച്ചു. മലയാള വിഭാഗം അധ്യാ പകന് ശ്രീ.കെ.കെ.ബിജു സ്വാഗതം പറഞ്ഞു. അരിക്കല്ലിന്റെ പ്രകാശനവും ഈ ചടങ്ങില് വച്ച് അദ്ദേഹം നിര്വ്വഹിച്ചു.. സുഭാഷ് ചന്ദ്രന്റെ മനുഷ്യന് ഒരാമുഖം നോവല് വായനാനുഭവം കുമാരി. ആദില ദില്ഷാന അവതരിപ്പിച്ചു. വായനാ ക്ലബ്ബ് രൂപീകരണവും അതിന്റെ ഉദ്ഘാടനവും VHSE പ്രിന്സിപ്പാള് ശ്രീ.റോയ് സാര് വായനാ ക്ലബ്ബ് സ്റ്റരുഡന്റ് കണ് വീനര് ഷെറിന് ഷിഫാനക്ക് അംഗത്വ വിതരണ കാര്ഡ് നല്കി നിര്വ്വഹിച്ചു. ക്ലാസ് ലൈബ്രറി 8A ക്ലാസ് ലീഡര് അഭിരേഷ്.കെ.എസ് സിനി ടീച്ചറുടെ കയ്യില് നിന്നും ഏറ്റുവാങ്ങി.പുസ്തക മിഠായി പദ്ധതി കുമാരി ഡിംന.കെ.വി ഭൂമിയുടെ അവകാശികള് എന്ന പുസ്തകം ക്ലാസ്സ് അധ്യാപകന് ശ്രീ.കെ ജി മോഹനന് നല്കി ഉദ്ഘാടനം ചെയ്തു. ചടങ്ങിന് ലൈബ്രേറിയന് ശ്രീ.സുനില് കുമാര് നന്ദി അറിയിച്ചു. വായനാശാലയിലൊരുക്കി യ പുസ്തക പ്രദര്ശനം വിദ്യാര്ത്ഥികളും രക്ഷിതാക്കളും സന്ദര്ശിച്ചു. തുടര്ന്ന വിവിധ ദിവസങ്ങളിലായി പ്രൈമറി വിദ്യാര്ഥികള്ക്കുവേ ണ്ടി ശ്രാവ്യ വായന മത്സരം,കഥപറയല്,വായനാ ക്വിസ്, കവിതാ പൂരണം, പിഎന്പണിക്കര് ജീവ ചരിത്രക്കുറിപ്പ് തയ്യാറാക്കന് എന്നീ മത്സരങ്ങള് നടത്തി. അപ്പര് പ്രൈമറി തലത്തില് പോസ്റ്റര് രചന, തൂലികാ നാമങ്ങള് ശേഖരിക്കള് വായനാ മത്സരം എന്നിവ നടത്തി. ഹൈസ്കൂള് തലത്തില് കഥ രചനാ,ഉപന്യാസ രചനാ മത്സരങ്ങള് നടത്തി വിജയികളെ കണ്ടെത്തി അനുമോദിച്ചു.
4 അമ്മവായന
അമ്മമാര് പുസ്തകം വായിച്ച് കുട്ടികള്ക്ക് വായനാനുഭവം പറഞ്ഞുകൊടുത്ത് വായനയുടെ പുതിയ വഴികഴിലേക്കു കുട്ടികളെ കൂട്ടിക്കൊണ്ടുവരന് ഉദ്ദേശിച്ചു നടപ്പാക്കിയ പദ്ധതിയാണ് അമ്മവായന. ഇതിന്റെ ഉദ്ഘാടനം വായനാനുഭവം വിവരിച്ചു കൊണ്ട് മദര് പിടിഎ പ്രസിഡന്റ് ശ്രീമതി മിനി സാബു നിര്വ്വഹിച്ചു. അമ്മവായന വിജയകരമായി തുടരുന്നു.
5. കലാമിനെ അറിയുക
വായന ക്ലബ്ബ് അംഗങ്ങളുമായി സഹകരിച്ചുകൊണ്ട് നല്ലപാഠം സംഘടിപ്പിച്ച പരിപാടിയാണ് "കലാമിനെ അറിയുക". മുന് രാഷ്ട്രപതി അബ്ദുള് കലാം എഴുതിയ എല്ലാ പുസ്തകങ്ങളും സ്കൂളില് വാങ്ങി. നല്ലപാഠം പ്രവര്ത്തകര് വായിക്കുകയും അയല്ക്കൂട്ടങ്ങള്, നാട്ടിന്പുറങ്ങളിലെ ക്ലബ്ബുകള്, വീടുകള് എന്നിവ കേന്ദ്രീകരി ച്ച് ചര്ച്ചകള് നടത്തുക എന്നതാണ് ഇതിന്റെ ലക്ഷ്യം. അതിലൂടെ സാധാരണ ക്കാരിലേക്ക് അബ്ദുള് കലാം എന്ന വലിയ മനുഷ്യനെ, അദ്ദേഹത്തിന്റെ ആശയങ്ങളെ എത്തിക്കാന് സാധിക്കുമെന്ന് പ്രത്യാശിക്കുന്നു. 6.പുസ്തകമിഠായി
പിറന്നാള് മധുരം കൂട്ടുകാര്ക്ക് വായനാമൃതമാകുമ്പോള് സൗഹൃതത്തിന്റെ സുവര്ണ്ണ പൂക്കള് വിരിയുന്നു. എന്റെ പിറന്നാളിന് വായനാ ശാലക്കൊരു പുസ്തകമെന്ന ലക്ഷ്യത്തോടെ തുടങ്ങിയ ഈ പദ്ധതി വിജയകരമായി തുടരുന്നു. ജൂണ് 19 വായനദിനത്തില് 9 തരത്തിലെ ഡിംന ബുലിയാനയുടെ കത്തുകള്" ക്ലാസ്സധ്യാപകന് നല്കി ഉദ്ഘാടനം ചെയ്തു. തുടര്ന്ന് നാല്പത്തി രണ്ട് പുസ്തകങ്ങള് ലൈബ്രറിയ്ക്ക് ലഭിച്ചു. പതിനെട്ട് പുസ്തകങ്ങള് നല്കി എട്ടാം തരത്തിലെ അഭിരേഷ് മാതൃകയായി. പുസ്തകങ്ങള്
ക്ലാസ്സിലവതരിപ്പിയ്ക്കുകയും കൂട്ടുകാര് വായിക്കുകയും ചെയ്ത ശേഷമാണ് ലൈബ്രറിയിലേല്പ്പിക്കുന്നത്. ഇ ങ്ങനെ ചെയ്യുമ്പോള് പിറന്നാള് മധുരംഇരട്ടിയാകുന്നു. സ്കൂളിലെ
ലൈബ്രേറിയന്റെ നേതൃത്വത്തില് ജന്മദി നാശംസകാര്ഡുകള് തയ്യാറാക്കി വിദ്യാര്ഥികള്ക്ക് പിറന്നാള് മധുരം തിരിച്ചു നല്കുന്നു.
7. ഖുര്-ആന്, രാമായണ പ്രശ്നോത്തരികള്
നന്മയുടെയും വിശുദ്ധിയുടെയും പ്രാര്ഥനാനുഷ്ഠാനങ്ങളുടേയും മാസമായ റംസാന് വ്യത്യസ്ഥ മതങ്ങളോടുള്ള വിദ്യാര്ഥികളുടെ സ്നേഹ ബഹുമാനങ്ങള് കാത്തു സൂക്ഷിയ്ക്കാന് 24/07/2015-ന് ഖുര്-ആന് പ്രശ്നോത്തരി സംഘടിപ്പിച്ചു. വായനക്ലബ്ബിന്റെയും കൈരളിക്ലബ്ബിന്റയും സംയുക്താഭിമുഖ്യത്തില് നടത്തിയ പ്രശ്നോത്തരിയില് ആദില ദില്ഷാന ഒന്നും ഷെറിന് ഷിഫാന രണ്ടും ഫാത്തിമ സ്ഥാനങ്ങള് കരസ്ഥമാക്കി. രാമയണ പാരായണത്തിലൂടെ മനുഷ്യമനസ്സിന്റെ വിമലീകരണമാണ് നടക്കേണ്ട തെന്ന തിരിച്ചറിവ് വിദ്യാര്ഥികള്ക്കുണ്ടാവുന്ന തിനായി രാമായണ കഥ വളരെ ചുരുക്കി പറഞ്ഞു കൊടുത്തു.രാമായണ പ്രശ്നോത്തരി നടത്തി. ആദില ദില്ഷാന, അഖില സാബു,ഷെറിന് ഷിഫാന എന്നിവര് യഥാക്രമം ഒന്നും രണ്ടും മൂന്നും സ്ഥാനങ്ങള് നേടി.
8ചിത്രരചന ക്യാമ്പ്
1-11-14 ന് കേരളപ്പിറവി ദിനത്തോടനുബന്ധിച്ച് ചിത്രരചന ക്യാമ്പ് നടത്തി.വയനാട്ടിലെ പ്രശസ്ത ചിത്രകാരനായ സുരേഷ് പല്പ്പള്ളി ക്യാമ്പില് ചിത്രരചന പഠിപ്പിച്ചത്. 2ദിവസത്തെ പകല് സമയ ക്യാമ്പില് കുട്ടികള് ചിത്രങ്ങള് വരച്ചു. വര, നിറം, വലിപ്പം, നിറങ്ങളുടെ സംയോജനം തുടങ്ങിയ മേഖലകളെക്കുറിച്ച് മനസ്സിലാക്കുന്നതിനും സാധിച്ചു.
9. അരിക്കല്ല് (പ്രാദേശിക പദകോശം) പ്രകാശനം
ആദിവാസി ഭാഷ മലയാളത്തിന്റെ ഭാഷാഭേദം തന്നെയാണെങ്കിലും പദാവലിയില് പൊതുമലയാളത്തില് നിന്നും കുറച്ച് അകലം പാലിക്കുന്നുണ്ട്. ആദിവാസികള്ക്ക് തനതു സംസ്കാരവും സാമൂഹിക ക്രമങ്ങളും ഉള്ളതുപോലെ തനതായ പദാവലികളുമുണ്ട്. സ്കൂളിലെത്തുന്നതുവരെ ആദിവാസി കൂട്ടികള് അവ രുടെ ഭാഷാസംസ്കാരത്തിനുള്ളിലാണ് കഴിയുന്നത്. ക്രമേണ മലയാളം സ്വായത്തമാക്കുമ്പോഴും പദങ്ങളുടെ അര്ഥം തങ്ങളുടെ മാതൃഭാഷയില് തിരിച്ചറിയാന് ഇവര്ക്ക് കഴിയാറില്ല.പലപ്പോഴും പല മലയാള പദങ്ങളും കേള്ക്കുമ്പോള് വിപരീതാര്ഥം പോലും ജനിക്കുന്ന പദങ്ങളുണ്ട്.ഊരാളി ഭാഷയില് അമ്മന് എന്ന പദം ഉപയോഗിക്കുന്നത് അച്ഛന് എന്ന അര്ഥത്തിലാണ് അമ്മയെക്കുറിക്കാന് അബ്ബെ എന്നാണ് ഉപയോഗിക്കുന്നത്.ഇങ്ങനെ വിവിധ ആദിവാസി വിഭാഗങ്ങളിലെ പദങ്ങളും അര്ഥങ്ങളും അടങ്ങിയതാണീ പദകോശം.വയനാട്ടിലെ കുറിച്യര്, കുറുമര്,ഊരാളി,പണിയര്,കാട്ടുനായ്ക്കര് തുടങ്ങിയ വിഭാഗങ്ങളുടെ പദപ്രയോഗങ്ങളാണ് ഇതില് ഉള്പ്പെടുത്തിയിട്ടുള്ളത്.സ്കൂളിലെ മലയാളം അധ്യാപകന് ശ്രീ.കെ.കെ.ബിജുവാണ് ഇതിന് നേതൃത്വം നല്കിയത്. അരിക്കല്ലിന്റെ പ്രകാശനം ഡയറ്റ് സീനിയര് അദ്ധ്യാപകന് ശ്രീ എം എ ശശിമാഷ് വായനാദിനമായ ജൂണ് 19ന്പ്രകാശനം ചെയ്തു. ഈ പ്രവര്ത്തനത്തിന്റെ രണ്ടാം ഘട്ടം എന്നനിലയില് ഈ പുസ്തകത്തിലുള്ള പദാവലി വിക്കി പീഡിയയില് ഉള്പ്പെടുത്തി. ഇതോടെ ലോകത്തെവിടെയുള്ളവര്ക്കും വയനാട്ടിലെ ആദിവാസികളുടെ പദാവലികള് പരിചയപ്പെടാനും പഠിക്കാനും സാധിക്കുന്നു.
10 ബാന്റ് പരിശീലനം
കഴിഞ്ഞ വര്ഷം ആരംഭിച്ച പരിശീലന പരിപാടികളില് പ്രമുഖമായ ഒന്നാണ് ബാന്റ് പരിശീലനം. ഈ വര്ഷം അത് പൂര്ത്തിയാക്കാന് സാധിച്ചു. 24 എസ് പി സി വിദ്യാര്ത്ഥികള്ക്കാണ് പരിശീലനം നല്കിയത്. പരിശീലകന് AR ക്യാമ്പിലെ സബ് ഇന്സ്പെക്ടര് ശ്രീ ജോസാണ്. ജനുവരി 26 ന് നടന്ന ജില്ലാ റിപ്പബ്ലിക്ക് ദിന പരേഡില് വാകേരി സ്കൂളിലെ കുട്ടികള് ബാന്റ് വായിച്ചു.
11.ദിനാചരണങ്ങള്/ആഘോഷങ്ങള്
7-7-15 ന് ബഷീര് അനുസ്മരണത്തോടനുബന്ധിച്ച് ബഷീര് ദ മാന് ഡോക്യുമെന്ററി പ്രദര്ശിപ്പിച്ചു. ബഷീര് പ്രശ്നോത്തരി സംഘടിപ്പിച്ചു. 21/07/15ന് ചാന്ദ്ര ദിനം സംഘടിപ്പിച്ചു. ചാന്ദ്രദിന മരം ഉണ്ടാക്കി. സ്വാതന്ത്ര്യദിനം സമുചിതമായി ആഘോഷിച്ചു. നാനാത്വത്തില് ഏകത്വം സംഗീത ശില്പം അവതരിപ്പിച്ചു. വാകേരി ടൗണിലേക്ക് റാലി നടത്തി. ദേശഭക്തിഗാനം, ദേശീയഗാനമത്സരം, പ്രസംഗ മത്സരങ്ങള് എന്നിവ നടത്തി. വായനാമത്സരം നടത്തി ഒന്നും,രണ്ടും,മൂന്നും സ്ഥാന ങ്ങള് കിട്ടിയ കുട്ടികളെ താലൂക്ക് തല മത്സരത്തിനയച്ചു. വിജ്ഞാനോത്സവം, അക്ഷര മുറ്റം ക്വിസ് നടത്തി. കൈരളി വിജ്ഞാന പരീക്ഷയ്ക്ക് 54 വിദ്യാര്ഥികളെ തയ്യാറാക്കി. ഡിസംബര്5 ന് പരീക്ഷ നടത്തി. കേരള സംസ്കാരിക വകുപ്പ് പ്രസിദ്ധീകരിക്കുന്ന 'തളിര് 'മാസികയ്ക്ക് 15 വരിക്കാരെ കണ്ടെത്തി. വിദ്യാര്ത്ഥികള്' തളിര് 'വായിക്കുന്നു. ഒക്ടോബര് 2 ന് ക്ലാസ്തല പ്രശ്നോത്തരി നടത്തി. വിജയികളെ കണ്ടെത്തി അനുമോദിച്ചു. വായനാക്ലബ്ബിന്റെ പ്രവര്ത്തനം സ്തൂത്യര്ഹമാണ്. എല്ലാ ദിവസവും വൈകുന്നേരം 4 മുതല്5 വരെ തിങ്കള് -സാഹിത്യവേദി, ചൊവ്വ-പ്രസംഗം,ബുധന്-ചെസ്സ്, വ്യാഴം-സംവാദം, വെള്ളി-ജി.കെ കറന്റ് അഫേര്സ് എന്നിങ്ങനെ ടൈം ടേബിള് പ്രകാരം പരിശീലനം നടത്തുന്നു. ജലമരണ വാര്ത്തകള് സര്വ്വ സാധാരണമായിക്കൊണ്ടിക്കുന്ന് ഇന്നത്തെ സാഹചര്യത്തില് അതിനൊരു പരിഹാരമെന്ന നിലയില് വാകേരി സ്കൂളില് നടത്തിവരുന്ന പ്രവര്ത്തനമാണ് നീന്തല് പരിശീലനം. 80 കുട്ടികള്ക്കാണ് ഈ വര്ഷം നീന്തല് പരിശീലനം നല്കുന്നത്. എസ്.പി.സിയുടെ നേതൃത്വത്തിലാണ് പരിശീലനം നടത്തിവരുന്നത്. 29/9/15ന് വയോജന ദിനാചരണം സംഘടിപ്പിച്ചു. ഹൈസ്കൂള് വിഭാഗം കുട്ടികള്ക്ക് ഉപന്യാസം, ചിത്രരചന, പോസ്റ്റര്രചനാ മത്സരങ്ങള് നടത്തി. വിഷയം: "പാതിവഴിയില് വേച്ചു് വീഴേണ്ടതാണോ വാര്ധക്യം”. 1/10/15ന് വാകേരി പ്രദേശത്തെ ഏറ്റവും മുതിര്ന്ന പൗരനായ ശ്രീ ഇബ്രാഹിം കുട്ടിയെ ആദരിച്ചു.
VII.രക്ഷ,സുരക്ഷ
1.റോഡ് സുരക്ഷാ ബോധവല്ക്കരണ പരിപാടികള് പോസ്റ്റര് ഒട്ടിക്കല് കൈ പുസ്തകം വിതരണം ചെയ്യല് എന്നിവ നടത്തി.റോഡുസുരക്ഷയുമായി ബന്ധപ്പെട്ട് കുട്ടികള് ശ്രദ്ധിക്കേണ്ട കാര്യങ്ങള്, ഇരുചക്രവാഹനത്തില് യാത്ര ചെയ്യുമ്പോള് ശ്രദ്ധിക്കേണ്ടകാര്യങ്ങള്, റോഡുമുറിച്ചു കടക്കുമ്പോള് ശ്രദ്ധിക്കേണ്ട കാര്യങ്ങള്, റോഡുമായി ബന്ധപ്പെട്ട സാങ്കേതിക കാര്യങ്ങള് പൊതുവാഹനങ്ങളില് യാത്ര ചെയ്യുമ്പോള് ശ്രദ്ധിക്കേണ്ട കാര്യങ്ങള്, കുട്ടികള്ക്ക് ചെയ്യാന് കഴിയുന്ന കാര്യങ്ങള്,അപകടത്തിന്റ കാരണങ്ങള് എന്നീ കാര്യങ്ങള് ഉള്പ്പെടുത്തിക്കൊണ്ട് തയ്യാറാക്കിയ പുസ്തകമാണ് 'ഓരോ ചുവടും സുരക്ഷയോടെ'.
2 നീന്തല് പരിശീലനം
ജലമരണ വാര്ത്തകള് സര്വ്വ സാധാരണമായിക്കൊണ്ടിക്കുന്ന ഇന്നത്തെ സാഹചര്യത്തില് അതിനൊരു പരിഹാരമെന്ന നിലയില് വാകേരി സ്കൂളില് നടത്തിവരുന്ന പ്രവര്ത്തനമാണ് നീന്തല് പരിശീലനം. 80കുട്ടികള്ക്കാണ് ഈ വര്ഷം നീന്തല് പരിശീലനം നല്കിയത്. എസ്.പി.സിയുടെ നേതൃത്വത്തിലാണ് പരിശീലനം നടത്തുന്നത്. ലക്ഷ്യങ്ങള് 1.ആരോഗ്യമുള്ള സമൂഹത്തിന് അത്യന്താപേക്ഷിതമാണ് ഉയര്ന്നകായിക ക്ഷമത എന്ന തിരിച്ചറിവ് ഉണ്ടാക്കുക. 2.ജീവന്രക്ഷാ പ്രവര്ത്തനങ്ങള്ക്ക് കുട്ടികളെ സജ്ജരാക്കുക. 3.വിദ്യാര്ഥികളുടെ മാനസിക ശാരീരിക ആരോഗ്യം മെച്ചപ്പെടുത്തുക. 4.നീന്തല് രംഗത്ത് ഭാവി താരങ്ങളെ വളര്ത്തിയെടുക്കുക.
VIII.നേര്വഴി
1. ബോധവല്ക്കരണ പരിപാടികള്
ലഹരി വിരുദ്ധ പ്രവര്ത്തനം
9/9/15ന് സ്കൂളിലെ JRC യൂനിറ്റിന്റേയും ലഹരി വിരുദ്ധ ക്ലബ്ബിന്റേയും ആഭിമുഖ്യത്തില് ലഹരിവസ്തുക്കളുടെ ദോഷഫലങ്ങള് എന്ന വിഷയത്തില് ബോധവല്ക്കരണ ക്ലാസ് സംഘടിപ്പിച്ചു. സംഘടിപ്പിച്ചു. മീനങ്ങാടി എസ് ഐ ശ്രീ ജിമ്മി ജോസഫ് മുഖ്യപ്രഭാഷണം നടത്തി. ലഹരി വസ്തുക്കള്ക്കെതിരെ വിദ്യാര്ത്ഥികള് ജാഗ്രത പാലിക്കേണ്ടതിന്റെ ആവശ്യം അദ്ദേഹം ഊന്നിപ്പറഞ്ഞു. വില്പ്പന, ഉപയോഗം എന്നിവ വിദ്യാര്ത്ഥികള്ക്കിടയില് തടയുന്നതിനായി പരാതിപ്പെട്ടി സ്കൂളില് സ്ഥാപിച്ചു. ആഗസ്റ്റ് 15 സ്വാതന്ത്ര്യ ദിനത്തോടനുബന്ധിച്ച് വാകേരി ടൗണിലേക്ക് റാലി നടത്തി. സ്കൂളില് നാനാത്വത്തില് ഏകത്വം എന്ന ആശയം ഉള്ക്കൊള്ളുന്ന സംഗീതശില്പം അവതരിപ്പിച്ചു.