2022-23 2023-24 2024-25 2025-26

പച്ചിലത്തുമ്പികൾ - ഫീൽഡ് ട്രിപ്പ്

അക്കാദമിക് പ്രവർത്തനങ്ങളുടെ ഭാഗമായി പ്രൈമറി ക്ലാസുകളിലെ കുട്ടികൾക്ക് നേരിട്ടുള്ള പഠനാനുഭവങ്ങൾ നൽകുക എന്ന ലക്ഷ്യത്തോടെ വിദ്യാലയത്തിൽ നടത്തിവരുന്ന സവിശേഷമായ ഫീൽഡ് ട്രിപ്പ് പദ്ധതിയാണ് 'പച്ചിലത്തുമ്പികൾ'.

പരിസരപഠനത്തിലെ പാഠഭാഗങ്ങളെ അടിസ്ഥാനമാക്കി, പ്രകൃതിയെയും സസ്യങ്ങളെയും അടുത്തറിയാൻ ഈ യാത്രകൾ കുട്ടികളെ സഹായിക്കുന്നു. പാഠപുസ്തകത്തിലെ അറിവുകൾക്കപ്പുറം, പ്രകൃതിയുമായി ഇഴുകിച്ചേർന്നുള്ള പഠനമാണ് ഇതിലൂടെ സാധ്യമാകുന്നത്. പലപ്പോഴും പാഠഭാഗങ്ങളുടെ തുടക്കത്തിൽ തന്നെ വിഷയവുമായി ബന്ധപ്പെട്ട അറിവുകൾ ദൃഢമാക്കാൻ അധ്യാപകർ ഈ ഫീൽഡ് ട്രിപ്പുകൾ പ്രയോജനപ്പെടുത്താറുണ്ട്.

കാർഷിക ഗവേഷണ കേന്ദ്രങ്ങൾ, പാടശേഖരങ്ങൾ തുടങ്ങി ഓരോ വർഷവും വ്യത്യസ്തങ്ങളായ പ്രദേശങ്ങളിലേക്കാണ് യാത്രകൾ സംഘടിപ്പിക്കാറുള്ളത്. യാത്രയ്ക്കുശേഷം കുട്ടികൾ തങ്ങളുടെ നിരീക്ഷണങ്ങൾ വർക്ക്ഷീറ്റുകളിൽ രേഖപ്പെടുത്തുകയും അനുഭവക്കുറിപ്പുകൾ തയ്യാറാക്കുകയും ചെയ്യുന്നു.

പാഠഭാഗങ്ങളിലെ ആശയങ്ങൾ കുട്ടികളിലേക്ക് എളുപ്പത്തിൽ എത്തിക്കാൻ ഇത്തരം യാത്രകൾ സഹായിക്കുന്നുവെന്ന് അധ്യാപകർ സാക്ഷ്യപ്പെടുത്തുന്നു. രക്ഷിതാക്കളിൽ നിന്നും മികച്ച അഭിപ്രായമാണ് ഈ പ്രവർത്തനത്തിന് ലഭിക്കുന്നത്.

സെന്റ് ആൻസ് എയുപിഎസ് നീലേശ്വരം/ പച്ചില തുമ്പികൾ ഫീൽഡ് ട്രിപ്പ്

പച്ചിലത്തുമ്പികൾ - ഫീൽഡ് ട്രിപ്പ്

അവലംബം