കലാവേദി
ചായോതും പരിസരത്തും ഉള്ള ആളുകളുടെ കഴിവുകൾ കണ്ടെത്തി പരിപോഷിപ്പിക്കുന്നതിനായി ഒരു വേദി ആവശ്യമാണെന്ന ആശയത്തിൽ നിന്നും രൂപീകൃതമായതാണ് കലാവേദി.ചായോത്തെ കുട്ടികൾ ഫുട്ബോളോ വോളിബോളോ മാത്രം കളിച്ചാൽ പോരാ കലാപരമായ കാര്യങ്ങളിലും പ്രഗത്ഭരാവണം എന്ന കാഴ്ചപ്പാടൊടെയാണ് കലാവേദി രൂപം കൊണ്ടത് എൻ. ജി കമ്മത്തിന്റെ സ്മരണാർത്ഥം സംഘത്തിന് എൻ. ജി കലാവേദി എന്ന പേര് നൽകി രജിസ്റ്റർ ചെയ്യുകയും ചെയ്തു. പ്രദേശത്തെ ആത്മാർത്ഥതയുള്ള ജനങ്ങളുടെ സഹകരണം കൊണ്ട് നേടിയതാണ് ഇപ്പോൾ എൻ. ജി സ്മാരക കലാവേദി സ്ഥിതി ചെയ്യുന്ന ഭൂമി.നാടിന്റെ നന്മയും ചെറുപ്പക്കാരുടെ കലാകായിക അഭിരുചിയും മെച്ചപ്പെടുത്തുന്നതിനുവേണ്ടി, അതുവഴി നാടിന്റെ തനതായ സാംസ്കാരിക പൈതൃകം ഉയർത്തിപ്പിടിക്കുന്നതിനും ശ്രദ്ധേയമായ പങ്കുവഹിക്കുന്നുഎന്നത് എടുത്തു പറയേണ്ട കാര്യമാണ്.
