ഗവ എച്ച് എസ്സ് എസ്സ് പറവൂർ/എന്റെ ഗ്രാമം
thumb എന്റെ നാട്
പറവൂർ
ആലപ്പുഴ ജില്ലയിലെ അമ്പലപ്പുഴ താലൂക്കിൽ പുന്നപ്ര വടക്ക് പഞ്ചായത്തിലെ ഒരു ഗ്രാമമാണ് പറവൂർ.പനവേൽ-കന്യാകുമാരി നാഷണൽ ഹൈവേയിൽ ആലപ്പുഴ പട്ടണത്തിൽ നിന്ന് 7കി.മി തെക്ക് ഭാഗത്തായി സ്ഥിതി ചെയ്യുന്നു.വടക്ക് ആലപ്പുഴ മുനിസിപ്പാലിറ്റിയും തെക്ക് പുന്നപ്ര തെക്ക് പഞ്ചായത്തും പടിഞ്ഞാറ് അറബിക്കടലും കിഴക്ക് പൂക്കൈതയാറും അതിർത്തി പങ്കിടുന്നു.മനോഹരവും ഹരിതവും ആണ് എന്റെ നാട്. പച്ചവിരിച്ചനെൽവയലുകളും ജലസമൃദ്ധിയാൽ നിറഞ്ഞ തോടുകളും ആറുകളും എന്റെ നാടിനെ സുന്ദരമാക്കുന്നു. വയലാറിന്റെ കവിതകൾ നദിയുടെ നാദംപോലെ നാടിന്റെഹൃദയത്തിൽ ഒരായിരം പൂക്കൾ വിതറിയിരിക്കുന്നു.
ആലപ്പുഴ ബീച്ചിന്റെ തുടർച്ചയാണ് പറവൂരിലെ ബീച്ചുകൾ. ഗ്രാമത്തിന് ഏകദേശം മൂന്നു കിലോമീറ്ററോളം കടൽത്തീരമുണ്ട്.വിശാലവും മണൽ നിറഞ്ഞതുമായ ബീച്ചുകൾ ധാരാളം വിനോദ സഞ്ചാരികളെ ആകർഷിക്കുന്നു. മനോഹരമായ സൂര്യാസ്തമയവും മുടിയിഴകളെ തഴുകി കടന്നുപോകുന്ന കടൽക്കാറ്റും കടൽത്തീരത്തിന്റെ മാറ്റ് കൂട്ടുന്നു. ആലപ്പുഴയുടെ മൽസ്യബന്ധന കേന്ദ്രമാണ് പറവൂർ.ഇവിടത്തെ ജനങ്ങളിൽ വലിയൊരു വിഭാഗം മത്സ്യത്തൊഴിലാളി സമൂഹത്തിൽ നിന്നുള്ളവരാണ്.
പൊതുസ്ഥാപനങ്ങൾ
പറവൂർ പബ്ലിക് ലൈബ്രറി
ആലപ്പുഴ ജില്ലയിൽ പുന്നപ്ര വടക്ക് പഞ്ചായത്തിൽ പറവൂർ ഗ്രാമത്തിൽ സ്ഥിതിചെയ്യുന്ന സ്ഥാപനമാണ് പറവൂർ പബ്ലിക് ലൈബ്രറി .ലൈബ്രറികൾ എന്നിവയിൽ നിന്ന് വ്യത്യസ്തമാണ് പബ്ലിക് ലൈബ്രറികൾ . കുട്ടികളിൽ ആദ്യകാല സാക്ഷരത പ്രോത്സാഹിപ്പിക്കുന്നതിനായി പബ്ലിക് ലൈബ്രറികൾ പ്രീ സ്കൂൾ സ്റ്റോറി ടൈമ്സ് പോലുള്ള സൗജന്യ സേവനങ്ങളും നൽകുന്നു വിദ്യാർത്ഥികൾക്കും പ്രൊഫഷണലുകൾക്കും അവർ ശാന്തമായ പഠനവും പഠനമേഖലകളും നൽകുകയും യുവാക്കളും മുതിർന്നവരും സാഹിത്യത്തെ വിലമതിക്കാൻ പ്രോത്സാഹിപ്പിക്കുന്നതിനായി ബുക്ക് ക്ലബുകളുടെ രൂപീകരണവും പ്രോത്സാഹിപ്പിക്കുകയും ചെയ്യുന്നു .
മാതൃഭൂമി പ്രിന്റിങ് യൂണിറ്റ്
മാതൃഭൂമി ആലപ്പുഴ പ്രിന്റിങ് യൂണിറ്റ് പനവേൽ -കന്യാകുമാരി നാഷണൽ ഹൈവേയ്ക്ക് സമീപം തൂക്കുകുളത്ത് സ്ഥിതി ചെയ്യുന്ന
ആരാധനാലയങ്ങൾ
IMS ധ്യാനഭവൻ ,ആലപ്പുഴ
ആലപ്പുഴ ജില്ലയിൽ പുന്നപ്ര വടക്ക് പഞ്ചായത്തിൽ സ്ഥിതിചെയ്യുന്ന ധ്യാനകേന്ദ്രമാണ് ഐ എം എസ് ധ്യാനഭവൻ. ഇന്ത്യൻ മിഷനറി സൊസൈറ്റി സഭ നടത്തുന്ന ഒരു കരിസ്മാറ്റിക് റിട്രീറ്റ് സെന്ററാണ് ഐ എം എസ് ധ്യാനഭവൻ . ഐ എം എസ് റിട്രീറ്റ് സെന്റർ വർഷം മുഴുവനും പതിവ് റിട്രീറ്റുകൾ നടത്തുന്നു .
കേരളത്തിലെ പ്രകൃതിരമണീയമായ ആലപ്പുഴ ജില്ലയിലെ പുന്നപ വയലാറിലെ മണൽത്തരികൾ ദൈവവചനത്തിന്റെ അമൃതിനാൽ നനവുള്ളതും ക്രിസ്തുവിന്റെ രക്തത്തിൽ കഴുകപ്പെടാനും കാത്തിരുന്നു . 1966 ൽ ഇന്ത്യൻ മിഷിനറി സൊസൈറ്റി അല്ലെങ്കിൽ ഐ എം എസ് ,പുന്നപ്രയിലെ സ്വാതന്ത്ര്യ സമര സേനാനികളുടെ ഭൂമിയെ തന്നെ അവന്റെ സേവനത്തിനായി വിളികൾ നൽകുന്ന ഒന്നാക്കി മാറ്റാൻ കർത്താവിന്റെ പദ്ധതിയിൽ ആഹ്വാനം ചെയ്തു.
ചരിത്രസ്മാരകങ്ങൾ
പുന്നപ്ര വയലാർ രക്തസാക്ഷി മണ്ഡപം
ജില്ലയിലെ അമ്പലപ്പുഴ - ചേർത്തല താലൂക്കുകളുടെ വിവിധഭാഗങ്ങളിൽ ജന്മിമാർക്ക് എതിരേ കുടിയാന്മാരായ കർഷകരും കർഷകത്തൊഴിലാളികളും മുതലാളിമാരിൽ നിന്നും ചൂഷണം നേരിട്ട കയർ തൊഴിലാളികളും മത്സ്യത്തൊഴിലാളികളും നടത്തിയ സമരങ്ങളായിരുന്നു പുന്നപ്ര-വയലാർ സമരങ്ങൾ. സാമ്പത്തിക മുദ്രാവാക്യത്തോടൊപ്പം സ്വതന്ത്ര ഇന്ത്യയിൽ നിന്നും വേറിട്ട് തിരുവിതാംകൂറിനെ പ്രത്യേക രാജ്യമായി നിലനിർത്തുന്നതിനെതിരായ രാഷ്ട്രീയ മുദ്രാവാക്യവും സമരക്കാർ ഉയർത്തിയിരുന്നു. 1941 -ൽ ഇന്ത്യൻ കമ്മ്യൂണിസ്റ്റ് പാർട്ടിയുടെ നേതൃത്വത്തിൽ നടന്ന ഈ സമരങ്ങൾ ഒടുവിൽ സായുധ പോരാട്ടത്തിലും രക്തച്ചൊരിച്ചിലിലും അവസാനിച്ചു. നിരവധി വാദപ്രതിവാദങ്ങൾക്കു ശേഷം 1998-ൽ ഭാരതസർക്കാർ പുന്നപ്ര-വയലാർ സമരത്തെ സ്വാതന്ത്ര്യ സമരത്തിന്റെ ഭാഗമായി അംഗീകരിച്ചു.
ആലപ്പുഴ വിളക്കുമാടം
കേരളത്തിലെ ആലപ്പുഴയിലെ തീരദേശപട്ടണത്തിലാണ് ആലപ്പുഴ വിളക്കുമാടം സ്ഥിതി ചെയ്യുന്നത് .1862 ൽ നിർമ്മിച്ച ഇത് ഒരു പ്രദാന വിനോദസഞ്ചാര കേന്ദ്രമാണ് .ഇന്ത്യൻ പൗരന്മാർക്കു 20 രൂപയും വിദേശികൾക്ക് 50 രൂപയും പ്രവേശനഫീസായി എല്ലാ പ്രവർത്തി ദിവസങ്ങളിലും 1500 മണിക്കൂർ മുതൽ 1630 മണിക്കൂർ വരെ സന്ദർശകരെ അനുവദിച്ചിരിക്കുന്നു .കേരളത്തിലെ അറബിക്കടൽ തീരത്തു ഇതാദ്യമാണ്.മാർത്താണ്ഡവർമ രണ്ടാമൻ ഭരിച്ചിരുന്ന കാലത്തായിരുന്നു ഇപ്പോഴുള്ള വിളക്കുമാടം നിർമിക്കാനുള്ള പ്രവർത്തി തുടങ്ങിയത്‌ .
രവി കരുണാകരൻ മെമ്മോറിയൽ മ്യൂസിയം
ആലപ്പുഴ രവി കരുണാകരൻ സ്മാരക മ്യൂസിയത്തിൽ ക്ലാസിക് കലാസൃഷ്ടികളുടെ ശേഖരമുണ്ട് .കേരളത്തിലെ കയർവ്യവസായം മെച്ചപ്പെടുത്തുന്നതിൽ വലിയ പങ്ക് വഹിച്ച രവി കരുണാകരനാണ് മ്യൂസിയം സമർപ്പിച്ചിരിക്കുന്നത് .ആനക്കൊമ്പ് ,ക്രിസ്റ്റൽ ശേഖരങ്ങൾ ഇത്തരത്തിലുള്ള ഏറ്റവും വലിയവയാണ് .
പ്രദാന വിദ്യാഭ്യാസ സ്ഥാപനങ്ങൾ
സനാതന ധർമ കോളേജ്
ചിന്മയ വിദ്യാലയം
ജ്യോതിനികേതൻ സ്കൂൾ
ജി.എച്ച്.എസ്.എസ് പറവൂർ
സെന്റ് ജോസഫ് എച്ച്.എസ്,പുന്നപ്ര
ആലപ്പുഴ ബീച്ച്
ആലപ്പുഴ ജില്ലയിലെ പ്രദാന വിനോദ സഞ്ചാര കേന്ദ്രമാണ് ആലപ്പുഴ ബീച്ച് .ആലപ്പുഴ പട്ടണത്തിന്റെ പടിഞ്ഞാറ് വശത്താണ് ഉള്ളത് .കടൽപ്പാലവും,ലൈറ്റ് ഹൗസും ഇവിടെസ്ഥിതി ചെയ്യുന്നു .
പ്രമുഖ വ്യക്തികൾ
വി എസ് അച്യുതാനന്ദൻ
കേരളത്തിന്റെ മുൻ മുഖ്യമന്ത്രിയും മുതിർന്ന കമ്മ്യൂണിസ്റ്റ് നേതാവുമായ ശ്രീ വി എസ് അച്യുതാനന്ദന്റെ വസതി സ്ഥിതി ചെയ്യുന്നത് പറവൂർ ഗ്രാമത്തിലാണ്
പറവൂർ ടി .കെ .നാരായണപിള്ള
തിരു-കൊച്ചി സംസ്ഥാനത്തിലെ ആദ്യത്തെ മുഖ്യമന്ത്രിയും തിരുവിതാംകൂറിലെ അവസാനത്തെ പ്രധാനമന്ത്രിയും ആയിരുന്നു പറവൂർ ടി.കെ .നാരായണപിള്ള .മികച്ച അഭിഭാഷകനും സംഘാടകനും കൂടിയായിരുന്ന ഇദ്ദേഹം സ്വാതന്ത്രകാഹളം,അരുണോദയം എന്നീ പത്രങ്ങളുടെനടത്തിപ്പിലും പങ്കാളിയായിരുന്നു
ജി.സുധാകരൻ.
കേരളത്തിലെ പ്രമുഖ നേതൃത്വവും എംപിയും മുൻമന്ത്രിയുമായിരുന്ന ജി സുധാകരന്റെ വസതി പറവൂർ പഴയ നടക്കാവ് റോഡിന് കിഴക്ക് ഭാഗത്തായിട്ടാണ് സ്ഥിതി ചെയ്യുന്നത്.
പുന്നപ്ര അപ്പച്ചൻ
പ്രമുഖ സിനിമാ നടൻ ആണ് പുന്നപ്ര അപ്പച്ചൻ. അനശ്വര നടൻ ജയന്റെ കോളിളക്കം എന്ന സിനിമയുൾപ്പടെ പുതിയകാല സിനിമകളിലും സീരിയലുകളിലും വരെ അദ്ദേഹം അഭിനയിച്ചു.
==== ആലപ്പി സുദർശൻ ====
പ്രമുഖ നാടക-സിനിമാനടൻ.
സുദീപ്കുമാർ
പ്രമുഖ ചലച്ചിത്ര പിന്നണി ഗായകൻ ആണ് സുദീപകുമാർ.പ്രമുഖ സാഹിത്യകാരൻ കൈനകരി സുരേന്ദ്രന്റെ മകൻ ആണ് ഇദ്ദേഹം .മികച്ച ഗായകനുള്ള സംസ്ഥാന അവാർഡ് ജേതാവ് നേടിയിട്ടുണ്ട്.
ചുറ്റുവട്ടം.
ഗുരു ക്ഷേത്രം
പറവൂർ ശ്രീ സുബ്രഹ്മണ്യ ട്രസ്റ്റിന് സമീപം സ്ഥിതി ചെയ്യുന്ന ശ്രീനാരായണ ഗുരു ക്ഷേത്രം ദേശീയപാതയിൽ നിന്നും പനയക്കുളങ്ങര സ്കൂൾ റോഡിലേക്കുള്ള പാതയിലെ പ്രധാന സാംസ്കാരിക സ്ഥാപനമാണ്.
വെറ്റിനറി ഡിസ്പെൻസറി
പറവൂർ ഹൈസ്കൂളിന് എതിർവശത്തായി സ്ഥിതി ചെയ്യുന്ന വെറ്റിനറി ഡിസ്പെൻസറി പഴയ നടക്കാവ് റോഡിലെ ശ്രദ്ധേയമായ സ്പോട്ട് ആണ്.
പൂന്തോരം പൂക്കൈതയാർ
പറവൂർ കിഴക്ക് പൂന്തോരം പൂക്കൈതയാർ റോഡ് അവസാനിക്കുന്ന ഈ ഭാഗത്ത് ഹൗസ് ബോട്ടിങ്ങിനും കായൽ സഞ്ചാരത്തിനുമായി നിരവധി വിനോദസഞ്ചാരികൾ എത്തിച്ചേരുന്ന ഇടമാണ്.
പാടശേഖരങ്ങൾ.
പറവൂർ കിഴക്ക് പൂന്തോരം പൂക്കൈതയാർ റോഡിന് പലതും ഇടതും വശത്തായുള്ള പാടശേഖരങ്ങൾ.
കയറുവ്യവസായം
കയറുപാര്യമ്പരത്തിനു പേരുകേട്ട നാടായ ആലപ്പുഴയ്ക്ക് അഭിമാനിക്കാനായി ധാരാളം വൃവസായ സംഭരഭങ്ങൾ നമ്മുടെ സ്കൂളിനടുത്തുണ്ട് .പഴമയെ മുറുക്കിപ്പിടിക്കാൻ ഇന്നത്തെ സമൂഹത്തിനു സാധിക്കുന്നു എന്നുള്ളതിന് ഉദാഹരണമാണ് ഇത്തരം സംഭരംഭങ്ങൾ .തനത് വ്യവസായ പ്രദേശമായി മാറാൻ പറവൂരിനു ഇത് സഹായിക്കുന്നു .