ചറ പറ ചറ പറ പെയ്യുന്നു
ചിന്നി ചിതറി പെയ്യുന്നു
പട പട പട പട പൊട്ടുന്നു
ഇടിയും മിന്നും ചിതറുന്നു
ഹായ് എന്തൊരു രസമാംപുതുമഴ
മഴ മഴ മഴ മഴ പെരുമഴ
വയലും പുഴയും നിറയുന്നു
തവളകൾ പേക്രോം പാടുന്നു
മലകൾ നനഞ്ഞു വിറക്കുന്നു
മരച്ചില്ലകൾ ആടി രസിക്കുന്നു
മഴവില്ലുണ്ടേ മാനത്ത്
കുട്ടികളാർത്തു രസിക്കുന്നു
വെള്ളം തുള്ളികൾ ചാടുന്നു
കാറ്റും വീശി പെയ്യുന്നു
പെയ്യട്ടങ്ങനെ പെയ്യട്ടെ
ചിന്നി ചിതറി പെയ്യട്ടെ
