ഗവ. യൂ.പി.എസ്.നേമം/പ്രവർത്തനങ്ങൾ/2024-25

പ്രവേശനോത്സവം

ജനായത്ത വിദ്യാലയത്തിൽ ജനപ്രതിനിധികൾക്കൊപ്പം കൂട്ടുകാർ അക്ഷരദീപം തെളിയിച്ചു.നമ്മുടെ വിദ്യാലയത്തിലെ പഞ്ചായത്ത് തല പ്രവേശനോത്സവം കല്ലിയൂർ ഗ്രാമപഞ്ചായത്ത് പ്രസിഡന്റ് എം.സോമശേഖരൻനായർ ഉദ്ഘാടനം ചെയ്തു.വൈസ് പ്രസിഡന്റ് ശാന്തിമതി, വിദ്യാഭ്യാസ സ്ഥിരം സമിതി അധ്യക്ഷ എസ് പ്രീതാറാണി, ഗ്രാമപഞ്ചായത്തംഗങ്ങളായ കെ.കെ. ചന്തുകൃഷ്ണ, ഇ.ബി.വിനോദ് കുമാർ , എസ്.എം സി ഭാരവാഹികൾ എന്നിവർ പങ്കെടുത്തു.അക്ഷരദീപം തെളിക്കാൻ അതിഥികളോടൊപ്പം ഞങ്ങളുടെ കൂട്ടുകാരുമുണ്ടായിരുന്നു. 2023 - 24 അധ്യയന വർഷത്തെ വിവിധ മത്സരങ്ങളിൽ മികവ് തെളിയിച്ചവരാണ് അക്ഷരദീപം തെളിക്കാൻ ഒപ്പം ചേരുക.കൂട്ടുകാരുടെ കലാവിരുന്നും ഒരുക്കിയിട്ടുണ്ടായിരുന്നു. എല്ലാം സെറ്റായിരുന്നു.... എല്ലാരും എത്തിയിരുന്നു....

ഗവ.യു.പി എസ് നേമം

നാടിന്റെ അഭിമാന വിദ്യാലയം.

• 

  പ്രവേശനോത്സവം പഞ്ചായത്ത് തല ഉദ്ഘാടനം

• 

  പ്രവേശനോത്സവം കുട്ടികളുടെ ബാന്റ്

• 

  ബലൂൺ കൊടുത്ത് നവാഗതരെ വരവേറ്റു

• 

  ഫ്ലാഷ് മോബ്

• 

  പ്രവേശനോത്സവം

• 

  പ്രവേശനോത്സവം

• 

  പ്രവേശനോത്സവം

ഔഷധസസ്യത്തോട്ടം

നേമം ഗവ.യു.പി എസിൽ ഔഷധസസ്യത്തോട്ടമൊരുങ്ങി. സംസ്ഥാന ഹെർബൽ പ്ലാൻ്റ് ബോർഡിൻ്റെ പിന്തുണയോടെയാണ് സ്കൂൾ വളപ്പിൽ ഔഷധസസ്യത്തോട്ടമൊരുക്കിയത്. വിവിധയിടങ്ങളിൽ നിന്ന് രക്ഷിതാക്കളും അധ്യാപകരും ശേഖരിച്ച ഔഷധസസ്യങ്ങളാണ് വെച്ചു പിടിപ്പിച്ചത്. സ്കൂൾ വളപ്പിൽ നിലവിലുള്ള ഔഷധ സസ്യങ്ങളെയും ഉൾപ്പെടുത്തി തൊട്ടാവാടി എന്ന പേരിൽ കുട്ടികൾ ജൈവ വൈവിധ്യ ഡയറിയും തയാറാക്കും. ദശപുഷ്പങ്ങളും ഉദ്യാനത്തിൽ ഇടം പിടിച്ചിട്ടുണ്ട്. ഔഷസസ്യോദ്യാനത്തിൻ്റെ നിർമാണോദ്ഘാടനം പള്ളിച്ചൽ ഗ്രാമപഞ്ചായത്തംഗം ഇ.ബി. വിനോദ് കുമാർ നിർവഹിച്ചു. എസ്.എം.സി ചെയർമാൻ എസ്. പ്രേംകുമാർ അധ്യക്ഷനായി. പരിസ്ഥിതി പ്രവർത്തകൻ ഹരിലാൽ, തദ്ദേശി യപാരമ്പര്യ ചികിത്സാവിഭാഗം ദേശീയ ഓർഗനൈസർ കെ.പി. ശിവാനന്ദൻ വൈദ്യൻ, കെ ജി ഭദ്രൻ,ഡി.എസ്. അരുൺകുമാർ , കെ. മുരളീധരൻ, എസ്. ബിജു ,എസ്. പ്രത്യുഷ്  എന്നിവർ പ്രസംഗിച്ചു. ഹെഡ്മാസ്റ്റർ എ.എസ്. മൻസൂർ സ്വാഗതവും അജയ് കുമാർ നന്ദിയും പറഞ്ഞു.