ജി.യു. പി. എസ്. അത്തിക്കോട്/എന്റെ ഗ്രാമം

എന്റെ ഗ്രാമം

പാലക്കാട് ജില്ലയിൽ ചിറ്റൂർ താലൂക്കിലെ നല്ലേപ്പിള്ളി പഞ്ചായത്തിൽ വെന്തപാളയത്തുള്ള ആർ  സി ചർച്ചിൽ സെന്റ് ആന്റണീസ് എം വി സ്കൂൾ എന്ന പേരിൽ 1931-ൽ അര ക്ലാസ് തുടങ്ങി. തുടർന്ന് നടത്താൻ പറ്റാതെ വന്ന സാഹചര്യത്തിൽ , കൊഴിഞ്ഞാമ്പാറ പഞ്ചായത്തിലുള്ള അത്തിക്കോട് മുസ്ലീം പള്ളിയോട് ചേർന്ന കെട്ടിട്ടത്തിൽ 1932 - ൽ അധ്യയനം തുടങ്ങുകയും ചെയ്തു ( ഒന്നാം ക്ലാസ് പ്രവർത്തനമാരംഭിച്ചു ) .തമിഴ് മീഡിയം ക്ലാസുകളായിരുന്നു തുടക്കത്തിൽ ഉണ്ടായിരുന്നത്.

തിരു-കൊച്ചി സംസ്ഥാന രൂപീകരണത്തെ തുടർന്ന് 1951 ഫെബ്രുവരി 13-ാം തിയ്യതി സ്കൂളിന്റെ ഭരണം സർക്കാർ ഏറ്റെടുത്തു. 1959-ൽ യു പി വിഭാഗം ആരംഭിച്ചു.ശ്രീ ഗോവിന്ദ റെഡ്ഡിയാറിൽ നിന്നും സംഭാവനയായി കിട്ടിയ ഒരേക്കർ സ്ഥലത്ത് (നിലവിൽ സ്കൂൾ സ്ഥിതി ചെയ്യുന്ന സ്ഥലം) പൊതുജന പങ്കാളിത്തത്തോടുകൂടി നിർമിച്ച കെട്ടിടത്തിലേക്ക് 1961-ൽ യു പി വിഭാഗം മാറുകയും ചെയ്തു. 1967-68 ൽ 5 മുറികളുള്ള കെട്ടിടം സർക്കാർ നിർമിച്ചു നൽകിയതോടു കൂടി എൽ പി വിഭാഗവും ഇങ്ങോട്ടു മാറ്റി. 1974-ൽ മലയാളം എൽ പി വിഭാഗവും 1992-ൽ മലയാളം യു പി വിഭാഗവും ആരംഭിച്ചു.2006-2007 അധ്യയനവർഷത്തിൽ അന്നത്തെ പ്രധാനാധ്യാപകൻ, പി ടി എ അംഗങ്ങൾ എന്നിവരുടെ ശ്രമഫലമായി പ്രീ- പ്രൈമറി വിഭാഗവും ആരംഭിച്ചു.

ഓരോ വർഷവും പുതിയതായി വരുന്ന കമ്മിറ്റികൾ , SSA ഫണ്ടുകൾ , ഗവൺമെന്റ് ഫണ്ടുകൾ എന്നിവ കൃത്യമായി ഉപയോഗിച്ച് സ്ക്കൂളിന്റെ ഭൗതിക സാഹചര്യം വളരെയധികം മെച്ചപ്പെടുത്തിയിട്ടുണ്ട്.

പൊതുസ്ഥാപനങ്ങൾ