സെന്റ് തോമസ് ഹയർസെക്കണ്ടറി സ്കൂൾ ഇരുവെള്ളിപ്ര/പ്രവർത്തനങ്ങൾ/2023-24

പ്രവേശനോത്സവ Wishes Tree

കളിചിരിയും പുസ്തകങ്ങളും പുത്തനുടുപ്പുകളുമായി 2023-24 അധ്യായന വർഷം വിദ്യാലയത്തിലേക്ക് കടന്നുവന്ന നവാഗതരെയും വിദ്യാർഥി വിദ്യാർഥിനികളെയും പ്രധാന അധ്യാപകരും വിദ്യാലയത്തിലെ എല്ലാ അധ്യാപകരും ചേർന്ന് സ്വീകരിക്കുകയുണ്ടായി. കൗതുകത്തോടെ പുതിയ വിദ്യാലയത്തിലേക്ക് എത്തിയ നവാഗതർ മാതാപിതാക്കൾക്കൊപ്പമാണ് വിദ്യാലയത്തിൽ എത്തിയത്. ചെണ്ടമേളത്തിന്റെ അകമ്പടിയോടെ കുട്ടികളെ എതിരേറ്റു. അധ്യാപകർ കുട്ടികൾക്കായി ഒരുക്കിയ Wishes Tree ഏറെ ശ്രദ്ധ നേടി. നവാഗതർക്കും സ്കൂളിലെ മറ്റ് വിദ്യാർഥികൾക്കും വേണ്ടി ഒരുക്കിയ ഫ്ലാഷ് മോബ് കൗതുകത്തോടെയാണ് കുട്ടികൾ നോക്കിക്കണ്ടത്. തുടർന്ന് പ്രവേശനോത്സവ ഗാനം ആലപിച്ചു. പ്രവേശനോത്സവം ഉദ്ഘാടനം ചെയ്യാനെത്തിയ തിരുവല്ല രൂപത അധ്യക്ഷൻ മോസ്റ്റ് റവ. ഡോ. തോമസ് മാർ കൂറിലോസ് തിരുമേനിയും Wishes tree യുടെ ഭാഗമായി പങ്കുചേർന്നത് എല്ലാവരിലും കൗതുകവും സന്തോഷവുമേകി. തുടർന്നുനടന്ന അസംബ്ലിയിൽ പ്രവേശനോത്സവം ഉദ്ഘാടനം ചെയ്ത് തിരുവല്ല രൂപതാ അദ്ധ്യക്ഷൻ കുട്ടികൾക്ക് നല്ല ഒരു അധ്യയന വർഷം ആശംസിക്കുകയുണ്ടായി. ലോക്കൽ മാനേജർ ഫാദർ വറുഗീസ് ചാമക്കാലായിൽ, പിടിഎ പ്രസിഡണ്ട് ഹരിലാൽ സാർ, മുൻസിപ്പൽ കൗൺസിലർ ലൈജു സക്കറിയ എന്നിവരും കുട്ടികൾക്ക് നല്ല ഒരു വർഷം ആശംസിച്ചുകൊണ്ട് പ്രസംഗിക്കുകയുണ്ടായി. വന്നെത്തിയ എല്ലാവർക്കും പ്രഥമാധ്യാപകൻ ബഹു ഷാജി സാർ നന്ദിയർപ്പിച്ചു. പുതിയ അധ്യായന വർഷത്തിൽ സ്കൂളിലേക്ക് കടന്നുവന്ന നവാഗതരുടേയും രക്ഷിതാക്കളുടേയും സാന്നിധ്യം പ്രവേശനോത്സവത്തിന് ഏറെ മാറ്റുകൂട്ടി.