എം.എ.ഐ.എച്ച്.എസ് മുരിക്കടി
| എം.എ.ഐ.എച്ച്.എസ് മുരിക്കടി | |
|---|---|
| വിലാസം | |
മുരിക്കടി ഇടുക്കി ജില്ല | |
| സ്ഥാപിതം | 01 - 06 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | '''ഇടുക്കി''' |
| വിദ്യാഭ്യാസ ജില്ല | കട്ടപ്പന |
| സ്കൂൾ ഭരണ വിഭാഗം | |
| മാദ്ധ്യമം | മലയാളം/ഇംഗ്ലീഷ് |
| അവസാനം തിരുത്തിയത് | |
| 01-12-2009 | Maihsmurukkady |
ഇടുക്കി ജില്ലയില് പീരുമേട് താലൂക്കില് കുമളി പഞ്ചായത്തില് സ്ഥിതിചെയ്യുന്ന മുരുക്കടി എം. എ. ഐ. ഹൈസ്കൂളിലേയ്ക്ക് ഏവര്ക്കും സ്വാഗതം.
ലോകപ്രശസ്ത വിനോദസഞ്ചാരകേന്ദ്രമായ തേക്കടിയില് നിന്നും കേവലം 9 കി.മി. മാത്രം ദൂരത്തിലാണ്, പീരുമേട് താലൂക്കിലെ ഏറ്റവും പഴക്കമേറിയ ഈ സ്ഥാപനം സ്ഥിതിചെയ്യുന്നത്. ഈ വിദ്യാലയം സ്ഥിതിചെയ്യുന്ന മുരുക്കടി എന്ന ഗ്രാമം, സമുദ്രനിരപ്പില് നിന്നും 1500 അടിയിലധികം ഉയരത്തില് സ്ഥിതിചെയ്യുന്ന മനോഹരമായ പ്രദേശമാണ്
ചരിത്രം
ആലപ്പുഴ മങ്കൊമ്പിലെ പ്രസിദ്ധമായ കിഴക്കേമഠത്തിലെ വിദ്യാസമ്പന്നനും പുരോഗമനതല്പരനുമായ ശ്രീ. എന്. വിശ്വനാഥ അയ്യര്- സ്കൂള് മാനേജര് 1928-ല് മുരുക്കടിയില് വന്നു. അക്കാലത്ത് എസ്റ്റേറ്റ് മാനേജരായിരുന്ന നടേശന് എന്നയാളില്നിന്നും എസ്റ്റേറ്റ് വിലയ്ക്കു വാങ്ങി. നടേശന്റെ ഭാര്യ മീനാംബികയുടെ പേരിലായിരുന്ന സ്ഥലം, പിന്നീട് മുരുകാടി(മുരുകന്റെ സ്ഥലം) എന്നറിയപ്പെടുകയും പില്ക്കാലത്ത് മുരുക്കടി ആയി മാറുകയും ചെയ്തു.
സാധാരണക്കാരായ ആളുകള് വന്യമൃഗങ്ങളേയും മലമ്പനി, പ്ലേഗ് തുടങ്ങിയ മാരകരോഗങ്ങളേയും ഭയപ്പെട്ട് ഹൈറേഞ്ചിലേയ്ക്ക് വരുവാന് മടിച്ചിരുന്ന കാലയളവിലാണ് ശ്രീ. വിശ്വനാഥഅയ്യര് മുരുക്കടിയില് താമസം ഉറപ്പിച്ചത്. തന്റെ എസ്റ്റേറ്റില് പണിയെടുത്തിരുന്ന നിരക്ഷരരായ നൂറുകണക്കിന് തൊഴിലാളികള്ക്ക്, വേലചെയ്താല് കിട്ടുന്ന വേതനം എത്രയെന്ന് മനസ്സിലാക്കുവാനോ ആത് ഒപ്പിട്ട് വാങ്ങുവാനോ വേണ്ട പരിജ്ഞാനം ഇല്ലായിരുന്നു. ഈ ദുഃസ്ഥിതിക്ക് പരിഹാരം ഉണ്ടാക്കുന്നതിനായി തൊഴിലാളികളുടെ കുഞ്ഞുങ്ങള്ക്ക് അക്ഷരാഭ്യാസം കൊടുക്കുന്നതിനായി ശ്രീ. വിശ്വനാഥഅയ്യര് (മുരുക്കടി സ്വാമി) തന്റെ അച്ഛന്റെ ആഗ്രഹപ്രകാരമാണ് ഈ സരസ്വതീ മന്ദിരത്തിന് ആരംഭം കുറിച്ചത്.
1942-ല് എസ്റ്റേറ്റ് ഫാക്ടറിയോടുചേര്ന്ന ഒരു ഷെഡില് ഒരാശാന്റെ ശിക്ഷണത്തില് കുടിപ്പള്ളിക്കുടമായി ആരംഭിച്ചു. എന്നാല് തൊഴിലാളികളുടെ കുട്ടികള്ക്ക് സ്കൂളില് വരുവാനോ പഠിക്കുവാനോ താല്പ്പര്യം ഇല്ലായിരുന്നു. എസ്റ്റേറ്റ് ജീവനക്കാരെ ലയങ്ങളിലയച്ച് മിഠായിയും മറ്റ്ഭക്ഷണസാധനങ്ങളും നല്കിയാണ് കുട്ടികളെ ക്ലാസ്സില് കൊണ്ടുവന്നിരുന്നത്. അങ്ങനെ താല്ക്കാലികമായി ആ ഷെഡില് ഒന്നു മുതല് നാലുവരെയുള്ള ക്ലാസ്സുള് ആരംഭിച്ചു. ഈ കൊച്ചു സ്ഥാപനം പടിപടിയായി വളര്ന്ന് ഒരു ഹൈസ്കൂളായി മാറുകയും സ്വാമി ഈ സ്കൂളിന് തന്റെ പിതാവിന്റെ സ്മരണാര്ത്ഥം ' മങ്കൊമ്പ് ആണ്ടി അയ്യര് ഹൈസ്കൂള് ' (എം. എ. ഐ. ഹൈസ്കൂള്) എന്ന് നാമകരണം നടത്തുകയും ചെയ്തു. റിട്ടയേര്ഡ് ഡി. ഇ. ഓ ശ്രീ. നാരായണയ്യര് ആയിരുന്നു സ്കൂളിന്റെ പ്രഥമ പ്രധാനാദ്ധ്യാപകന്. തുടര്ന്ന് ശ്രീ. ഇ. ശങ്കരന്പോറ്റി പ്രധാനാദ്ധ്യാപകനായി. വണ്ടന്മേട്, വണ്ടിപ്പെരിയാര് തുടങ്ങിയ ദൂരസ്ഥലങ്ങളില് നിന്നുപോലും അക്കാലത്ത് കാല്നടയായി കുട്ടികള് ഇവിടെ പഠിക്കുവാനെത്തിയിരുന്നു. ഒന്നുമുതല് നാലുവരെയുള്ള ക്ലാസ്സുളില് പഠിപ്പിച്ചിരുന്ന അദ്ധ്യാപകര്ക്ക് മാനേജര് 25 രൂപാ വീതം മാസശമ്പളം നല്കിരുന്നു. എന്നാല് നാലാംക്ലാസ്സുവരെ ആകെ 18 ഡിവിഷനുകളായപ്പോള് ഗവണ്മെന്റ് അംഗീകാരത്തിനായി ശ്രമമാരംഭിച്ചു. കുമളി എല്. പി. സ്കൂളില് നിന്നും വിരമിച്ച ജോണ്സാറിന്റെ ശ്രമഫലമായി ചോറ്റുപാറയിലനുവദിക്കപ്പെട്ട സ്കൂള്, കെട്ടിടവും സ്ഥലസൗകര്യവുമില്ലാത്ത കാരണത്താല് മുരുക്കടിയിലേക്ക് മാറ്റി അനുവദിച്ചു. തിരുവല്ല ഡി. ഇ. ഓ-യുടെ അധികാരപരിധിയിലായിരുന്ന സ്കൂളിന് അംഗീകാരം ലഭിക്കുവാന് സ്വാമിയുടെ സുഹൃത്തായിരുന്ന അന്നത്തെ ഡി. ഇ. ഓ. ശ്രീ. എം. കെ. രാമന് സഹായിച്ചു. മങ്കൊമ്പ്, പുളിങ്കുന്ന് എന്നീ സ്ഥലങ്ങളില് നിന്നുള്ളവരായിരുന്നു ആദ്യകാല അദ്ധ്യാപകര്.
സ്കൂള് ബ്ലോഗ്
സ്കൂള് എബ്ലം
ഉത്തിഷ്ടതാ ജാഗ്രത
പ്രാപ്യവരാന് നിബോധതഃ
സത്യമേ ജയതേഎന്നിങ്ങനെയുള്ള ആപ്തവക്യങ്ങള് ആലേഖനം ചെയ്തിട്ടുള്ള സ്കൂള് എബ്ലം , ഏത് ഘട്ടങ്ങളിലും ഉണര്ന്ന് ജാഗ്രതയോടെ പ്രവര്ത്തിച്ച് ലക്ഷ്യപ്രാപ്തിയിലെത്താനുള്ള ഒരു പ്രേരണ മനസ്സില് ജ്വലിപ്പിക്കുന്നതോടൊപ്പം, കുട്ടികളെ സത്യത്തിന്റെ പ്രധാന്യത്തെ മനസ്സില്സൂക്ഷിക്കാന് പ്രേരിപ്പിക്കുകയും ചെയ്യുന്നു.
ഭൗതികസൗകര്യങ്ങള്
*കംപ്യൂട്ടര് ലാബ്
*സയന്സ് ലാബ്
*റീഡിംഗ് റൂം
*ലൈബ്രറി
സ്ക്കൂളിനാവശ്യമായ എല്ലാ ഭൗതിക സാഹചര്യങ്ങളും ബഹുമാനപ്പെട്ട മാനേജര്സ്വാമി ഒരുക്കിയിട്ടുണ്ട്. സ്ക്കൂളിനുചുറ്റുമുള്ള സമൂഹവും രക്ഷകര്ത്താക്കളും എല്ലാവിധ സഹായ സഹകരണങ്ങളും നല്കിവരുന്നു. ആത്മാര്ത്ഥതയും, കഠിനാധ്വാനവും കൈമുതലാക്കിയ അദ്ധ്യാപകരുടെ സേവനം പരമാവധി പ്രയോജനപ്പെടുത്തി, തുടര്ന്നും ഈ സ്കൂള് മുമ്പോട്ടുള്ള പ്രയാണം തുടരുകതന്നെ ചെയ്യും. ഇടുക്കി ജില്ലയുടെ വിദ്യാഭ്യാസമേഖലയ്ക് ഈ സ്കൂള് നല്കിയുട്ടുള്ള വിലപ്പെട്ട സംഭാവനകള് ചിരസ്മരണീയമാണ്.
പാഠ്യേതര പ്രവര്ത്തനങ്ങള്
- ക്ലാസ് മാഗസിന്.
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവര്ത്തനങ്ങള്.
നേട്ടങ്ങള്
കഴിഞ്ഞ കുറേ വര്ഷങ്ങളായി പീരുമേട് താലൂക്കിലെ ഗവണ്മെന്റ് എയ്ഡഡ് വിദ്യാലയങ്ങളില് ഏറ്റവും ഉയര്ന്ന വിജയശതമാനം ഈ സ്ക്കൂളിനുണ്ട്. 2008-09 ല് 100%, 2007-08 ല് 100%, ഇതിനു മുമ്പുള്ള 4 വര്ഷങ്ങളില് തുടര്ച്ചയായി 98% വിജയം, ഇതൊക്കെ ഈ സ്കൂളിന്റെ തിളക്കമാര്ന്ന നേട്ടങ്ങളില് എടുത്തു പറയത്തക്ക ചിലതുമാത്രമാണ്.
സബ്-ജില്ലാ, ജില്ലാ, സംസ്ഥാന യുവജനോത്സവങ്ങളില് കലാപ്രതിഭ-കലാതിലകപട്ടമടക്കമുള്ള നിരവധി സ്ഥാനങ്ങള് കരസ്ഥമാക്കി പാഠ്യേതര രംഗത്തും മികവാര്ന്ന നേട്ടങ്ങള് ഈ സ്കൂള് കരസ്ഥമാക്കിയിട്ടുണ്ട്. കായികരംഗത്തും ശ്രദ്ധേയമായ ചില ചുവടുവെയ്പുകള് ഈ വിദ്യാലയം നടത്തിയട്ടുണ്ട്. ഈ സ്കൂളിലെ നിരവധി വിദ്യാര്ത്ഥികള് ജില്ലാ-സംസ്ഥാന കായികമേളകളില് ജേതാക്കളായിട്ടുണ്ട്. ദേശീയ ജൂനിയര് അത് ലറ്റിക് മീറ്റിലെ സ്വര്ണ്ണമെഡല് ജേതാവായ ശ്രീ. ഉമ്മന് തോമസടക്കമുള്ള കായികപ്രതിഭകള് ഈ വിദ്യാലയത്തിന്റെ സംഭാവനകളാണ്. എന്നാല് ഇപ്പോള് ഒരു കായികാദ്ധ്യാപകന്റെ അഭാവം ഈ സ്കൂളിന്റെ കായികസ്വപ്നങ്ങള്ക്ക് തിരച്ചടിയായിട്ടുണ്ട്.
മാനേജ്മെന്റ്
മങ്കൊമ്പ് ആണ്ടി അയ്യര് എഡൂക്കേഷണല് ആന്ഡ് ചാരിറ്റബിള് ട്രസ്ട് ഈ വിദ്യാലയത്തിന്റെ ഭരണം നടത്തുന്നത്. ശ്രീ. എന്. വിശ്വനാഥ അയ്യര് ആണ് സ്കൂള് മാനേജര്.
മുന് സാരഥികള്
സ്കൂളിന്റെ മുന് പ്രധാനാദ്ധ്യാപകര്.
1942 - 43 ശ്രീ. നാരായണയ്യര്(റിട്ട. ഡി. ഇ. ഓ) 1944 - 84 ശ്രീ. ഇ.ശങ്കരന് പോറ്റി 1985- 90 ശ്രീ. എന്. ആര്. ഗോപിനാഥന് നായര് 1990 - 91 ശ്രീമതി. മേരിതോമസ് 1991 - 97 ശ്രീമതി. എം. ഡി. ഉമാദേവി അന്തര്ജനം 1997 - 98 ശ്രീമതി. കെ. കെ. ദേവകി 1998 - ശ്രീമതി. സി. എന്. രത്നമ്മ പ്രശസ്തരായ പൂര്വവിദ്യാര്ത്ഥികള്
- ശ്രീ. റ്റി. റ്റി. ജോസഫ് - മുന് പോണ്ടിച്ചേരി ചീഫ് സെക്രട്ടറി
- ഡോ. രാധാകൃഷ്ണന് - ഇംഗ്ലണ്ടില് ഡോക്ടറായി സേവനമനുഷ്ടിച്ചുവരുന്നു.
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാര്ഗ്ഗങ്ങള്
- ലോകപ്രശസ്ത വിനോദസഞ്ചാരകേന്ദ്രമായ തേക്കടിയില് നിന്നും കേവലം 9 കി.മി. മാത്രം ദൂരത്തിലാണ്, പീരുമേട് താലൂക്കിലെ ഏറ്റവും പഴക്കമേറിയ ഈ സ്ഥാപനം സ്ഥിതിചെയ്യുന്നത്.
- കുമളി-വെള്ളാരംകുന്ന് റൂട്ടില് ഓടുന്ന ബസ്സ് മാര്ഗ്ഗമോ ചെറിയ വാഹനങ്ങളുടെ സഹായത്താലോ ഈ സ്കൂളില് എത്തിച്ചേരവുന്നതാണ്.
<googlemap version="0.9" lat="9.643062" lon="77.147713" width="350" height="350" selector="no" controls="none"> 11.071469, 76.077017, MMET HS Melmuri 9.620553, 77.154268, Kumily, Kerala Kumily, Kerala Kumily, Kerala (M) 9.610567, 77.12265 MAIHS Murukkady </googlemap>മേല്വിലാസം
എം. എ. ഐ. ഹൈസ്കൂള്
മുരുക്കടി. പി. ഒ.
ഇടുക്കി ജില്ല-685533
ഫോണ്-04869-222625
ഇ-മെയില്-maihsmurukkady@gmail.com
