ഗവ.എൽ.പി.എസ് .കടക്കരപ്പള്ളി/ പരിസ്ഥിതി ക്ലബ്ബ്
ഹരിതാമൃതം - ലോക്ക് ഡൗൺ അടച്ചു പൂട്ടലിന്റെ വിരസത അകറ്റാൻ ഒത്തിരിയേറെ പഠനപ്രവർത്തനങ്ങൾ കോർത്തിണക്കി സ്ക്കൂളിലെ മുഴുവൻ കുട്ടികളും വീടുകളിൽ കരനെൽകൃഷി നടത്തി. ഹരിതാമൃതം പദ്ധതിയുടെ ഉദ്ഘാടനം ബഹു. കൃഷി മന്ത്രി പി. പ്രസാദ് സാറാണ് നടത്തിയത്. 150 പ്രവർത്തനങ്ങൾ പൂർത്തിയാക്കി വേറിട്ട മാതൃകയായി ഹരിതാമൃതം പദ്ധതി സംസ്ഥാന വിദ്യാലയങ്ങൾക്ക് മാതൃകയായി. ഓൺലൈൻ പഠനത്തിന്റെ വിരസത അകറ്റാൻ നമ്മുടെ സ്ക്കൂളിൽ ആരംഭിച്ച ഈ പദ്ധതി വിജയകരമായി ഒന്നാം ഘട്ടം പൂർത്തിയായി. മെയ് മാസം അവസാനം പാഠപുസ്തകങ്ങൾക്കൊപ്പം കുട്ടികൾക്കായി കൊടുത്ത ഉമാ നെൽവിത്തുകൾ 150 ദിവസങ്ങളിലായി വിവിധ പ്രവർത്തനങ്ങളിലൂടെ കുട്ടികൾ കൃഷി ചെയ്തു, കൊയ്തു, മെതിച്ചു, അരിയാക്കി പ്രായോഗിക പഠനത്തിന്റെ പുതിയ മാതൃക ഒരുക്കി നെൽവിത്തുകൾ എണ്ണൽ, നിശ്ചിത നീളവും വീതിയും അളന്ന് കൃഷി സ്ഥലം ഒരുക്കൽ, വെള്ളം അളന്ന്, വിത്തിടൽ, വിവിധ വിഷയങ്ങളിലെ പഠനപ്രവർത്തനങ്ങളിലൂടെ വിത്തു വിതയ്ക്കൽ, നിരീക്ഷണം, കള പറിക്കൽ, കീടങ്ങളെ തുരത്താൻ ബെന്തി നടൽ, കൃഷിപാട്ട്, നാടൻ പാട്ട്, പഴഞ്ചൊല്ല് പഠനം, പ്രാദേശിക കലകൾ പരിചയപ്പെടൽ, നാട്ടറിവ്, പാചകം, പരീക്ഷണം - കലാ കായിക പ്രവർത്തനങ്ങൾ എന്നു തുടങ്ങി ഓരോ ദിവസവും വ്യത്യസ്തങ്ങളായ പ്രവർത്തികളിലൂടെ കുട്ടികളുടെ പഠനം രസകരവും വേറിട്ടതും സജീവവുമാക്കാൻ സാധിച്ചു. ഓരോ ദിസവും നൽകുന്ന പ്രവർത്തനങ്ങൾ പൂർത്തിയാക്കി കുട്ടികൾ അന്നു തന്നെ സ്ക്കൂളിൽ അയച്ചു കൊടുത്തിരുന്നു. മാലിന്യ സംസ്ക്കരണം, ജല സാക്ഷരത, നാട്ടറിവ് ശേഖരിക്കൽ, നാടൻ പാട്ടുകൾ പാടൽ, എഴുതൽ, അളവുകൾ, പഴയകാല അളവു പാത്രങ്ങൾ എന്നു തുടങ്ങി കൃഷിയോടൊപ്പം ഭാഷ (ഇംഗ്ലീഷ് / മലയാളം) ഗണിതം എന്നിവ രസകരമായി പഠിക്കാൻ ഈ പദ്ധതി പ്രയോജനപ്പെടുന്നു. പദ്ധതിയുടെ ഭാഗമായി കുട്ടികളുടെ വീടുകളിൽ നടന്ന കൊയ്ത്തുത്സവം കടക്കരപ്പള്ളി ഗ്രാമപഞ്ചായത്ത് പ്രസിഡന്റ് നിർവഹിച്ചു. വിജയ പ്രഖ്യാപനവും "എന്റെ മണ്ണ് എന്റെ മലയാളം" പദ്ധതിയുടെ ഉദ്ഘാടനവും നവംബർ 1 ന് സംസ്ഥാന മാതൃക വിദ്യാഭ്യാസ പ്രവർത്തകനായ റ്റി.പി. കലാധരൻ സാർ നിർവഹിച്ചു.
ലക്ഷ്യം - കുട്ടികളുടെ വീട് ഒരു വിദ്യാലയമാക്കി മാറ്റിക്കൊണ്ട് നെൽകൃഷിയിലൂടെ കുട്ടികളെ (1 മുതൽ 4 വരെയുള്ള മുഴുവൻ കുട്ടികളെയും നേഴ്സറി കുട്ടികളെയും) പങ്കാളികളാക്കിക്കൊണ്ട് ഓൺലൈൻ പഠനത്തിന്റെ വിരസത അകറ്റി. 1 മുതൽ 4 വരെയുള്ള മലയാളം, ഇംഗ്ലീഷ്, ഗണിതം, പരിസരപഠനം- പഠനപ്രവർത്തനങ്ങൾ ഉൾപ്പെടുത്തി പഠനം രസകരമാക്കി. മുഴുവൻ കുട്ടികളെയും അടിസ്ഥാന പഠനശേഷികൾ കൈവരിക്കുക.
![](/images/thumb/2/20/34306_Harithamrutham3.jpg/300px-34306_Harithamrutham3.jpg)
![](/images/thumb/8/88/34306_Harithamrutham1.jpg/300px-34306_Harithamrutham1.jpg)
![](/images/thumb/e/ec/34306_Harithamrutham_2.jpg/300px-34306_Harithamrutham_2.jpg)
നാട്ടുപച്ച
നാടിന് നഷ്ടമാക്കുന്ന ഗ്രാമീണ നന്മകൾ തിരിച്ചു പിടിക്കുന്നതിനും കുട്ടികൾക്ക് പഴയകാല കലാരൂപങ്ങളും ആഹാരരീതിയും സാംസ്കാരവും പരിചയപ്പെടുത്തുന്നതിനുവേണ്ടി നടപ്പിലാക്കി വരുന്ന പദ്ധതിയാണ് നാട്ടുപച്ച.
![](/images/thumb/b/b6/34306_Nattupacha.jpg/200px-34306_Nattupacha.jpg)
![](/images/thumb/0/0d/34306_Nattupacha2.jpg/200px-34306_Nattupacha2.jpg)
![](/images/thumb/3/3b/34306_Nattupacha1.jpg/300px-34306_Nattupacha1.jpg)