വയത്തൂർ യു.പി. സ്കൂൾ ഉളിക്കൽ/പ്രവർത്തനങ്ങൾ
സ്പോർട്സ്
അധ്യാപകരുടെ നേതൃത്വത്തിൽ സ്പോർട്സ് ക്ലബ്ബ് കാര്യക്ഷമമായി പ്രവർത്തിച്ചുവരുന്നു. കായികപരിശീലനത്തിനായി അതി വിശാലമായ ഒരു മൈതാനം ഇവിടെയുണ്ട്. ചാവറ സ്പെഷ്യൽ സ്‌കൂളിലെ അധ്യാപകനായ ശ്രീ ന്റെ നേതൃത്വത്തിൽ വിവിധ കായിക ഇനങ്ങളിൽ പരിശീലനം നൽകിവരുന്നു. ഉപജില്ലാകായികമേളയിലും , റവന്യൂജില്ലാകായികമേളയിലും വിദ്യാർത്ഥികൾ മികച്ച നേട്ടങ്ങൾ കൈവരിച്ചിട്ടുണ്ട്. വോയ്‌സ് ഓഫ് മണിക്കടവ് സ്പോർട്സ് ക്ലബ്ബുമായി സഹകരിച്ച് സ്‌കൂളിലെ കുട്ടികൾക്ക് വിവിധ പരിശീലനങ്ങൾ ലഭിച്ചു വരുന്നു. അത്തരത്തിൽ പരിശീലനം ലഭിച്ച കുട്ടികൾ ജില്ലാ ടീമിലും , സംസ്ഥാന ടീമിലും മികച്ച പ്രകടനങ്ങൾ കാഴ്ച വയ്ക്കുന്നു.
കരാട്ടെ
പഠനത്തോടൊപ്പം ആരോഗ്യ കായിക വിദ്യാഭ്യാസത്തിന്റെ പ്രാധാന്യം തിരിച്ചറിഞ്ഞ കുട്ടികൾക്ക് കരാട്ടെ പരിശീലനം നൽകുന്നു. കരാട്ടെ പരിശീലകനായ ശ്രീ സന്തോഷ് മാത്യു കിടാരത്തിലിനെ ഇതിനായി നിയോഗിച്ചിരിക്കുന്നു.
2020 ജനുവരി മാസത്തിൽ നടന്ന WSKF നാഷണൽ ഓപൺ കരാട്ടെ ചാമ്പ്യൻ ഷിപ്പിൽ വയത്തൂര് യു.പി സ്കൂൾ ആൺ കുട്ടികൾ ഒന്നാം സ്ഥാനവും പെൺ കുട്ടികൾ രണ്ടാം സ്ഥാനവും കരസ്ഥമാക്കി.