ഉപയോക്താവ്:15403

ചരിത്രം കബനീ നദിയാൽ ചുറ്റപ്പെട്ട പ്രദേശങ്ങളായ അഗ്രഹാരം, മങ്ങലടി ,പന്നിച്ചാൽ , കോണിയൻമുക്ക്, അമ്പലവയൽ, പാണ്ടിക്കടവ്, ചാമാടി, കുണ്ടുവയൽ, കവണാകുന്നു, മുത്താറിമൂല എന്നി സ്ഥലങ്ങളിലെ കുട്ടികൾക്ക് വിദ്യാഭ്യാസം നേടണമെങ്കിൽ ബോർഡ് സ്കൂൾ എന്ന അറിയപ്പെടുന്ന Govt UP School മാനന്തവാടി മാത്രമായിരുന്നു ഏക മാർഗം . അവിടെ എത്തി ചേരണമെങ്കിൽ പുഴ്സ് കടക്കണമായിരുന്നു. ഇന്ന് കാണുന്ന പാണ്ടിക്കടവ് പാലം അന്നുണ്ടായിരുന്നില്ല.വലിയ തോണി മാത്രമായിരുന്നു ആശ്രയം. പുഴ കടന്ന് അത്രയും ദൂരം കുട്ടികളെ അയക്കാൻ രക്ഷിതാക്കൾ തയ്യാറായിരുന്നില്ല. അത്തരം ഒരു സാഹചര്യത്തിൽ ഈ പ്രദേശത്തെ കുട്ടികൾക്ക് പ്രാഥമിക വിദ്യാഭ്യാസമെങ്കിലും ലഭിക്കണമെന്ന ഉദ്ദേശത്തിൽ അക്കാലത്തെ സാമൂഹിക പ്രവർത്തകനും നേതാവുമായിരുന്നു ശ്രീ. പി കുഞ്ഞിരാമൻ നായരുടെ നേത്രത്വത്തിൽ വീര പഴശ്ശിയുടെ നാമദേയത്തിൽ 01.06.1984 വിദ്യാലയം സ്ഥാപിതമായി.

ശ്രീ. പി കുഞ്ഞിരാമൻ നായർ സാമൂഹ്യ പ്രവർത്തകനും ജനസമ്മതനും, വിദ്യാഭ്യാസ വിചക്ഷണനുമായിരുന്നു. അതുകൊണ്ട് തന്നെ അദ്ദേഹത്തിന്റെ നേതൃത്വത്തിൽ എടവകയിലെ തന്നെ ഏഴോളം വിദ്യാലയങ്ങൾക്ക് തുടക്കം കുറിക്കാൻ കഴിഞ്ഞിട്ടുണ്ട്.

വിദ്യാലയം സ്ഥാപിച്ച ആദ്യ വര്ഷം തന്നെ 133 കുട്ടികൾ പ്രവേശനം നേടി എന്നത് ഈ വിദ്യാലയത്തിന്റെ ആവശ്യകത വിളിച്ചോതുന്നതാണ്. വിദ്യാലയം സ്ഥാപിച്ചത്തിനു ശേഷമാണ് പാണ്ടിക്കടവ് എന്ന പ്രദേശം എത്രയും ജന നിബിഢമായതും പുരോഗതിയിലേക്ക് കുതിക്കുന്നതും.

ശ്രീ.എൻ ശങ്കരൻ മാസ്റ്റർ പ്രധാനാധ്യാപകനും അദ്ധ്യാപകനുമായി പ്രവത്തനം ആരംഭിച്ച സ്കൂളിൽ വേലപ്പൻ മാസ്റ്റർ, പദ്മാവതി ടീച്ചർ, ശേഖരം മാസ്റ്റർ എത്തി ചേർന്നതോടെ സ്കൂൾ പൂർണ രൂപത്തിൽ പ്രവത്തന സച്ഛമായി. പിന്നീട് ഇതുവരെ 24 അദ്ധ്യാപകർ വിവിധ ഘട്ടങ്ങളിൽ വിവിധ കാലയളവിൽ ഈ വിദ്യാലയത്തിൽ സേവനം അനുഷ്‌ഠിച്ചു.