ഗവ. മുസ്ലീം യു പി സ്കൂൾ, കാട്ടാമ്പള്ളി/ക്ലബ്ബുകൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
സ്കൂളിലെ വിവിധ ക്ലബ്ബുകൾ
- ഹിന്ദി ക്ലബ്ബ്
- വിദ്യാരംഗം-കലാസാഹിത്യവേദി
- സയൻസ് ക്ലബ്ബ്
- സോഷ്യൽസയൻസ് ക്ലബ്ബ്
- ഗണിതക്ലബ്ബ്
- ഐ.ടി ക്ലബ്ബ്
- സംസ്കൃതം ക്ലബ്ബ്
- അറബിക് ക്ലബ്
- ഉറുദു ക്ലബ്
- ഇംഗ്ലീഷ് ക്ലബ്
- ആരോഗ്യ ശുചിത്വ ക്ലബ്
- ഇക്കോ ക്ലബ്
- ജൈവ വൈവിദ്ധ്യ ക്ലബ്
- സ്പോർട്സ് ക്ലബ്
- സ്പോർട്സ് ക്ലബ്
- ജാഗ്രത സമിതി
ഗണിതക്ലബ്ബ്
വിദ്യാലയത്തിലെ ഇതിലെ വിവിധ ക്ലബ്ബുകളുടെ ഉദ്ഘാടനം ഗണിത ക്ലബ്ബിന്റെ ആഭിമുഖ്യത്തിൽ നടത്തി. ഗണിതത്തിൽ മോട്ടിവേഷൻ സ്പീക്കറും പയ്യന്നൂർ ജി ജി എച്ച് എസ് എസ് അധ്യാപകനുമായ ശ്രീ. രാജൻ അപ്യാൽ സാറായിരുന്നു ഉദ്ഘാടകൻ. തുടർന്ന് അദ്ദേഹത്തിന്റെ മകനും ഗണിത പ്രതിഭയുമായ മാസ്റ്റർ കാർത്തിക് "ചതുഷ്ക്രിയകൾ എങ്ങനെ എളുപ്പമാക്കാം"എന്ന വിഷയത്തിൽ ഒരു ഓൺലൈൻ ക്ലാസ് നടത്തി. ഗണിത ക്ലബ്ബിന്റെ ആഭിമുഖ്യത്തിൽ ജാമിതീയ രൂപങ്ങൾ മാത്രം ഉപയോഗിച്ച് പൂക്കളം വരക്കുക എന്ന ഉദ്ദേശത്തോടെ "വരക്കാം രസിക്കാം" എന്ന പരിപാടി സംഘടിപ്പിച്ചു. ലാബ് @ഹോം പ്രവർത്തനത്തിന്റെ ഭാഗമായി രൂപപ്പെടുത്തിയ "വീട്ടിലൊരു ഗണിതലാബ്" വിപുലമാക്കുന്നതിന് നിർദേശങ്ങൾ നൽകുുകയും ക്ലാസ് തലത്തിൽ ഗണിതലാബിലേക്കുള്ള പഠനസാമഗ്രികൾ നിർമ്മിക്കുകയും ചെയ്തു. ദേശീയ ഗണിതശാസ്ത്ര ദിനത്തോടനുബന്ധിച്ച് ക്ലാസ് തലത്തിൽ ഗണിത ശാസ്ത്ര ക്വിസ്സ് മത്സരം നടത്തി.
ഹിന്ദി ക്ലബ്ബ്
2021- 22 അധ്യയനവർഷത്തിൽ ജി എം യു പി സ്കൂൾ കാട്ടാമ്പള്ളിയിൽ ഹിന്ദി ക്ലബ്ബിന്റെ നേതൃത്വത്തിൽ വിവിധ പരിപാടികളിൽ കുട്ടികൾ പങ്കെടുത്തു. ജൂൺ 5 പരിസ്ഥിതി ദിനം, ആഗസ്റ്റ് 15 സ്വാതന്ത്ര്യ ദിനം, സെപ്റ്റംബർ 14 ഹിന്ദി ദിനം എന്നിവ ആചരിച്ചു. പോസ്റ്റർ രചന, വായനാമത്സരം തുടങ്ങിയവ ഓൺലൈനായി നടത്തി. ബി ആർ സി യുടെ നേതൃത്വത്തിൽ നടത്തിവരുന്ന സുരലി ഹിന്ദി പ്രോഗ്രാം വളരെ ആവേശത്തോടെ കുട്ടികൾ ഏറ്റെടുത്തിരുന്നു.
ENGLISH CLUB
English club was inaugurated by Mrs Nisha teacher, who is leading the 2nd standard English first bell class In Victers channel. English club has been conducting interesting programmess for children. In online platform club initiates programmes like reading and send videos story reading with actions performing skits on given contexts, reciting rhymes. In classrooms, english club promotes Hello English activities. In school assembly, club introduced English prayer and news reading. Club planned to fix boards in English in the school compound regarding safety,hygiene and health. If the pandemic restrictions getting relaxed,club proposed to conduct one day English camp at school.
അറബി ക്ലബ്ബ്
ആഗസ്റ്റ് 15 ന് സ്വാതന്ത്ര്യ ദിനാഘോഷത്തിന്റെ ഭാഗമായി അറബിക് ക്ലബ്ബ് വിവിധ പരിപാടികൾ സംഘടിപ്പിച്ചു. കുട്ടികൾക്ക് സ്വാതന്ത്ര്യദിന സന്ദേശം നൽകിക്കൊണ്ട് പരിപാടികൾക്ക് തുടക്കം കുറിച്ചു,.തുടർന്ന് കുട്ടികളുടെ കവിതാലാപനം,സ്വാതന്ത്ര്യസമര സേനാനികളെ കുറിച്ച് കുറിപ്പ് തയ്യാറാക്കൽ എന്നീ പരിപാടികൾ ഓൺലൈൻ പ്ലാറ്റ്ഫോമിലൂടെ നടന്നു. വൈകുന്നേരം നടന്ന ഓൺലൈൻ ക്വിസ് മത്സരത്തോടെ സ്വാതന്ത്ര്യ ദിനാഘോഷ പരിപാടികൾ സമാപിച്ചു
ബക്രീദ് ആഘോഷപരിപാടികൾ സംഘടിപ്പിച്ചു. ഇതിന്റെ ഭാഗമായി ഗ്രീറ്റിംങ്ങ് കാർഡ് നിർമ്മാണം , ബക്രീദ് സന്ദേശം എന്നീ ഇനങ്ങളിൽ മത്സരങ്ങൾ നടത്തി. ബക്രീദ് ദിനത്തിൽ കുട്ടികളുടെയും രക്ഷിതാക്കളുടെയും മാപ്പിളപ്പാട്ട് ആലാപനവും ഉണ്ടായിരുന്നു.
ഡിസംബർ 18 ന് ലോക അറബിക് ഭാഷാദിന പരിപാടികൾ അറബി ക്ലബ്ബിന്റെ നേതൃത്വത്തിൽ നടന്നു. ക്വിസ്മത്സരം, വായനാമത്സരം, പോസ്റ്റർ രചന എന്നീ മത്സരങ്ങൾ സംഘടിപ്പിച്ചു. അറബിക് ഭാഷയുടെ പ്രാധാന്യം പറയുന്ന പോസ്റ്റർ പ്രദർശനവും ഡോക്യൂമെന്ററി പ്രദർശനവും ഉണ്ടായിരുന്നു.
ഉറുദു ക്ലബ്ബ് പ്രവർത്തനം
ഒക്ടോബർ 2 ഗാന്ധി ജയന്തിയുമായി ബന്ധപ്പെട്ട് ക്വിസ് മത്സരം, ഉറുദു പ്രസംഗം, പോസ്റ്റർ രചന എന്നിവ നടത്തി.
നവംബർ 14 ശിശുദിനത്തോടനുബന്ധിച്ച്‌ ഉറുദു പ്രസംഗം, പോസ്റ്റർ രചന, കവിതാലാപനം എന്നിവ നടത്തി. നവംബർ 9 ന് ഉറുദു ദിനത്തിൽ ക്വിസ് മത്സരവും ഉറുദു ഗാനാലാപന മരവും നടത്തി .
ഗുൽഷനെ ബഹാർ എന്ന പരിപാടിയിലൂടെ സ്കൂൾ മുറ്റത്ത് കുട്ടികളെ കൊണ്ട് പൂന്തോട്ടം നിർമ്മിപ്പിച്ചു.
അല്ലാമാ ഇഖ്ബാൽ ടാലന്റ് ടെസ്റ്റിൽ 5,6 ക്ലാസ്സിലെ 5 കുട്ടികൾ മികച്ച വിജയം കാഴ്ചവെച്ചു. 6ാം തരത്തിലെ ആയി ന സുഹൈൽ സംസ്ഥാന തലത്തിൽ A+ കരസ്ഥമാക്കി..
സയൻസ് ക്ലബ്ബ്
പരിസ്ഥിതി ദിനാചരണത്തിന്റെ ഭാഗമായി വൃക്ഷതൈകൾ നട്ടു . ചാന്ദ്ര ദിനാചരണത്തിന്റെ ഭാഗമായി ക്വിസ് ,കുട്ടിക്കവിത പോസ്റ്റർ ,റോക്കറ്റ് നിർമാണം .ഓസോൺ ദിനാചരണത്തിന്റെ ഭാഗമായി ക്വിസ് , പോസ്റ്റർ രചന ,കുറിപ്പ് തയ്യാറാക്കൽ എന്നീ പ്രവർത്തനങ്ങൾ നടത്തി . ദേശീയ ഊർജ സംരക്ഷണ ദിനാചരണത്തിന്റെ ഭാഗമായി റാലി ,പോസ്റ്റർ രചന എന്നീ പ്രവർത്തനങ്ങൾ നടത്തി . മണ്ണ് സംരക്ഷണ ദിനാചരണത്തിന്റെ ഭാഗമായി വിവിധ മണ്ണ് സാമ്പിളുകൾ ശേഖരിച്ച് പരിശോധന നടത്തി .
വിദ്യാരംഗം-കലാസാഹിത്യവേദി
2021-22 വർഷത്തിലെ വായനാപക്ഷാചരണം ജൂൺ 19 മുതൽ ജൂലൈ ഏഴ് വരെയുള്ള ദിവസങ്ങളിലായി നടത്തി. അബ്ദുൾ ജബ്ബാർ മാസ്റ്റന്റെ അധ്യക്ഷതയിൽ ശ്രീ. രാധാകൃഷ്ണൻ മാണിക്കോത്ത് ഉദ്ഘാടനം ചെയ്തു. പോസ്റ്റർ രചന, വായനാ വേദി, പ്രസംഗം, അടിക്കുറിപ്പ്, ആസ്വാദനക്കുറിപ്പ്, പുസ്തക പരിചയം തുടങ്ങിയ വിവിധ പരിപാടികൾ നടത്തി. ജൂലൈ 5 ബഷീർ ദിനത്തിൽ ബഷീർ അനുസ്മരണം, ബഷീർകൃതികൾ പരിചയപ്പെടുത്തൽ, കഥാപാത്രങ്ങളുടെ വേഷപ്പകർച്ച , സ്കിറ്റ് തുടങ്ങിയവ അവതരിപ്പിച്ചു. ജൂലൈ 12 മുതൽ 26 വരെ തീയതികളിലായി സ്കൂൾതല സർഗോത്സവം നടത്തി. കാവ്യാലാപനം, കഥ പറയൽ,ചിത്രരചന, കഥാരചന, പുസ്തകാസ്വാദനം, അഭിനയം തുടങ്ങിയ പരിപാടികൾ നടത്തി. നവംബർ 1 കേരളപ്പിറവി ദിനത്തോടനുബന്ധിച്ച് പതിപ്പ് നിർമ്മാണം, ചിത്രരചന, കഥാരചന, കവിതാരചന തുടങ്ങിയ പരിപാടികളും നടത്തി.
ആരോഗ്യ ശുചിത്വ ക്ലബ്
സ്കൂളും പരിസരവും ക്ലബ് നേതൃത്വത്തിൽ വൃത്തിയാക്കുന്നു. മാസ്ക് , സാനിറ്റയിസർ , ചൂൽ, കാട്ടം കോരി ..... ലഭ്യത ഉറപ്പു വരുത്തുന്നു.നിത്യവും സ്കൂൾ പരിസരത്ത് ഉപേക്ഷിച്ച മാസ്ക്കൂ കൾ ശ്രദ്ധയോടെ നീക്കം ചെയ്യാനുള്ള പ്രവർത്തനങ്ങളിലേർപ്പെട്ടുന്നു.