ഗവ.മോഡൽ.എച്ച്.എസ്.എസ്.ചെറുവട്ടൂർ
ആമുഖം
1958 ജൂലൈ 3 ന് ആരംഭിച്ച് ,സുവര്‍ണജൂബിലി ആഘോഷിച്ചു കഴിഞ്ഞ ,ചെറുവട്ടൂര്‍ ഗവഃ മോഡല്‍ ഹയര്‍ സെക്കന്ററി സ്കൂള്‍, എറണാകുളം ജില്ലയിലെ കോതമംഗലം വിദ്യാഭ്യാസ ജില്ലയില്‍ ഉള്‍പ്പെടുന്നു. പരേതനായ കാവാട്ട് മൈതീന്‍ ഹാജിയുടെ വീടിന്റെ ഒരു മുറിയിലാണ് 30 കുട്ടികളുമായി എട്ടാം ക്ലാസ് പ്രവര്‍ത്തനം ആരംഭിച്ചത്. മുവ്വാറ്റുപുഴ വിദ്യാഭ്യാസ ജില്ലാ ഓഫീസറായിരുന്ന ശ്രീ. കെ.എം. കോശി അവര്‍കളാണ് സ്കൂളിന്റെ ഉദ്ഘാടനം നിര്‍വഹിച്ചത്. ശ്രീ. വര്‍ക്കി വി.കോരുതായിരുന്നു ആദ്യ അധ്യാപകന്‍. നാട്ടുകാരുടേയും ,രക്ഷാകര്‍ത്താക്കളുടേയും, ജനപ്രതിനിധികളുടേയുമൊക്കെ ശ്രമഫലമായി കെട്ടിടം പണിയുന്നതിനുള്ള സ്ഥലം കണ്ടെത്തി.1961-ല്‍ ആദ്യ കെട്ടിടം പണിതീര്‍ന്നു. ആ വര്‍ഷം തന്നെ ആദ്യ എസ്.എസ്.എല്‍.സി ബാച്ചും പുറത്തിറങ്ങി.1983-ല്‍ പ്രൈമറി വിഭാഗം തുടങ്ങി. 1986-ല്‍ ടി.ടി.ഐ. യും 1998-ല്‍ ഹയര്‍ സെക്കന്ററിയും ആരംഭിച്ചു. ടി.ടി.ഐ. ഇപ്പോള്‍ സ്വന്തം കെട്ടിടത്തില്‍ പ്രവര്‍ത്തിക്കുന്നു. 810കുട്ടികളും 32 അധ്യാപകരും 5 ഓഫീസ് ജീവനക്കാരും ഇവിടെയുണ്ട്. 2 ഐ.ഇ.ഡി. റിസോഴ്സ് അധ്യാപകര്‍,ഒരു കൗണസിലര്‍,ഒരു ജനറല്‍ നേഴ്സ് ഇവരുടെ സേവനവും സ്കൂളിനുണ്ട്. എച്.എസ്.എസ്. വിഭാഗത്തില്‍ 320 കുട്ടികളും 17 അധ്യാപകരും,2ലാബ് അസിസ്റ്റന്റ്മാരും ജോലി ചെയ്യുന്നു.
സൗകര്യങ്ങള്‍
റീഡിംഗ് റൂം
ലൈബ്രറി
സയന്‍സ് ലാബ്
കംപ്യൂട്ടര്‍ ലാബ്
സ്കൗട്ട് ആന്‍ഡ് ഗൈഡ് യൂണിറ്റ്
മള്‍ട്ടിമീഡിയ സൗകര്യങ്ങള്‍ ഇന്റര്‍നെറ്റ് സൗകര്യത്തോടെയുള്ള സ്മാര്‍ട്ട് ക്ലാസ് റൂം , ഡിജിറ്റല്‍ ശബ്ദം, നൂറ് സീറ്റ് മിനി സ്മാര്‍ട്ട് റൂം ( ടിവി, ഡിവിഡി)
നേട്ടങ്ങള്‍
എസ്.എസ്.എല്‍.സി, +2 വിഭാഗങ്ങള്‍ മികച്ച വിജയം കൈവരിച്ചു കൊണ്ടിരിക്കുന്നു. 5,6 ക്ലാസുകളില്‍ ഇംഗ്ലീഷ് മീഡിയം ക്ലാസുകള്‍ പ്രവര്‍ത്തിക്കുന്നുണ്ട്. ശ്രീ. എന്‍.ആര്‍.സജീവ് പ്രസിഡന്റായുള്ള 21 അംഗ പി.ടി.എ കമ്മറ്റി പ്രവര്‍ത്തനങ്ങള്‍ക്ക് ശക്തമായ പിന്തുണ നല്‍കുന്നു. പാഠ്യാനുബന്ധ പ്രവര്‍ത്തനങ്ങളിലും നേട്ടം കൈവരിക്കാനായിട്ടുണ്ട്. എല്‍.എസ്.എസ്. ,യു.എസ്.എസ് എന്‍.എംഎം.എസ് തുടങ്ങിയ സ്കോളര്‍ഷിപ്പുകള്‍ ലഭിക്കുന്ന കുട്ടികള്‍ ഇവിടെയുണ്ട്. 2008 ലെ ഗുരുശ്രേഷ്ഠ അവാര്‍ഡ് നേടിയ ശ്രീ. കെ.കെ.ശ്രീധരന്‍ ഇവിടെ ചിത്രകലാധ്യാപകനാണ്. 1978 മുതല്‍ 2007 വരെ ഇവിടെ അധ്യാപികയായിരുന്ന ശ്രീമതി റാബിയയാണ് ഇപ്പോഴത്തെ ഹെഢ്മിസ്ട്രസ്.
മറ്റു പ്രവര്‍ത്തനങ്ങള്‍
യാത്രാസൗകര്യം
സ്കൂളിന്റെ പരിസര പ്രദേശങ്ങളിലേക്ക് ബസ് സൗകര്യം
മേല്‍വിലാസം
പിന്‍ കോഡ്‌ : ഫോണ്‍ നമ്പര്‍ : ഇ മെയില്‍ വിലാസം :