നേരമായി, നേരമായി, പ്രതിരോധിക്കുവാൻ നേരമായി,
കണ്ണി പൊട്ടിക്കാൻ നേരമായി ,
മുക്തി നേടീടാൻ
നേരമായി...
കൊറോണയെന്നുള്ളൊരു
വൈറസിനെ
നാടു കടത്തീടാൻ
നേരമായി....
ഒഴിവാക്കീടാം സന്ദർശനങ്ങൾ,
ഒഴിവാക്കീടാം ഹസ്തദാനം..
അൽപകാലം നാമകന്നിരുന്നാലും
പിണക്കം വേണ്ട,
പരിഭവവും.
പരിഹാസരൂപേണ, കരുതലില്ലാതെ
നടക്കുന്ന സോദരേ കേട്ടുകൊൾക,
നിങ്ങൾ തകർക്കുന്നതൊരു ജീവൻ മാത്രമല്ല
ഒരു ജനതയെ ആകെതന്നെയല്ലോ..
ആരോഗ്യരക്ഷയ്ക്കായ് നൽകും നിർദേശങ്ങൾ
പാലിച്ചിടാൻ മടി കാണിയ്ക്കല്ലേ...
ആശ്വാസമേകും ശുഭവാർത്ത കേൾക്കുവാൻ
ഒരു മനസ്സോടെ ശ്രമിച്ചീടണേ,
ജാഗ്രതയോടെ,
ആശങ്കയില്ലാതെ
ശുചിത്വ ബോധത്തോടെ മുന്നേറാം..
സമർപ്പിക്കാം നമുക്കീ
നാളുകൾ
ലോകശാന്തിക്കായ് കൂട്ടരേ,
ലോകനന്മക്കായ് കൂട്ടരേ...
