ജി.എച്ച്.എസ്. പെരിങ്കരി/അക്ഷരവൃക്ഷം/ കാണ്മാനില്ല

കാണ്മാനില്ല ഇരുകൈകളാൽ കണ്ണുപൊത്തിവിളിച്ചപ്പോൾ കണി,കണ്ടതീച്ചകൾ മുത്തുന്ന വീടും ഷുഗറും കൊളസ്ട്രോളുമധികമെന്നാരാ‍‍ഞ്ഞി- ട്ടിൻജക്ഷൻ, എടുക്കുന്ന കൊതുകും കണ്ണുമാത്രം പ‍ങ്കുവച്ചിരുട്ടിൽ മുഖം- മൂടിവച്ച മനുഷ്യരും, ഹാ!യിതെന്തൊരു സ്വപ്നം വന്നണ‍‍ഞ്ഞുമുത്തീ, മഹാമാരിതൻ ദീർഘ- ങ്ങളാം കൈകൾ,ഡെങ്കുവും മങ്കിയും പിന്നെ പേരറിഞ്ഞിടാത്തൊരായിരം പനികളും സൂര്യന്റെ കളികൾ മൂക്കുന്ന നട്ടുച്ചനേരത്ത് ഉള്ളിൽ വേറൊരു സൂര്യനെ തട്ടിക്കളിപ്പിച്ച് മയക്കം വിടാത്ത കണ്ണുകൾ ഇറുക്കിതുറപ്പിച്ച് ആമായക്കാഴ്ച്ചകൾ കാണുന്നു വീണ്ടുമീ ഞാൻ ചൂലെടുത്തു ‍ഞാൻ, മുറ്റമടിച്ചു ഞാൻ, ആ ചിരട്ട- തന്മുഖം തട്ടിത്തിരിപ്പിച്ചു, കൂത്താടിയെച്ചുട്ടുകൊന്നു.. ഹാ!....അത്ഭുതം...എന്തൊരത്ഭുതമെന്നുടെ സഹയാത്രികനാം പേരില്ലാപ്പനിയെ കാൺമാനേയില്ല!!   ശ്രീലക്ഷ്മി.കെ.പി 10 എ ജി. എച്ച്.എസ്.പെരിങ്കരി ഇരിട്ടി ഉപജില്ല കണ്ണൂർ അക്ഷരവൃക്ഷം പദ്ധതി, 2020  സാങ്കേതിക പരിശോധന - supriya തീയ്യതി: 19/ 04/ 2020 >> രചനാവിഭാഗം - കവിത