ഹേ കൊറോണ! മുൾക്കിരീടമേന്തിയ പിശാചേ പൊരുതിതോൽപ്പിക്കാനാകില്ല ഞങ്ങളെ, ഞങ്ങൾ കേരളമണ്ണിൻ മക്കൾ... ഞങ്ങൾക്ക് കൂട്ടായിയുണ്ടല്ലോ കുഴലേന്തിയ ദൈവങ്ങൾ ആതുരസേവനത്തിനായ് ദൈവത്തിൻ മാലാഖമാർ. സ്നേഹത്തിൻ കരങ്ങൾ നീട്ടുന്ന മാലാഖമാർ. ഇരുചങ്കുള്ള മുഖ്യനും, ജ്വാലയായൊരു ടീച്ചറും കാവലായ് നിൽക്കുന്ന നാടിത് കേരളം. പ്രളയമാം ഭീകരതയിൽ മുങ്ങിതാഴാതെ കരകയറിയ കേരളം. നിപ്പയെ പൊരുതിതോൽപ്പിച്ചവർ പ്രതിരോധമുള്ളവർ മലയാളികൾ. കാക്കിയുടുപ്പിട്ടവർ കാവലായ് നിൽക്കുന്ന നാടിത് കേരളം. പൊരുതി ജയിക്കാനായ് ഞങ്ങടെ പക്കലുണ്ടല്ലോ മൃതസജ്ഞീവനി സ്നേഹത്തിൽ ആയുധം പയറ്റുന്നവർ കരുതലിൻ മരുന്നേന്തുന്നവർ. കടന്ന് പോകേണ്ടിവരും നിനക്കും, ഇത് കരളുറപ്പുള്ള കേരളം മറ്റുള്ള നാടിന് മാതൃക. മാറുന്ന ലോകത്തിൻ മാറുന്ന ശീലങ്ങൾ മാറാത്തൊരു ഐക്യം കാത്തുസൂക്ഷിക്കുന്നോർ ഒറ്റക്കെട്ടായി പൊരുതും ഞങ്ങളീ കൊച്ചുകേരളത്തിൻ മക്കൾ.
സാങ്കേതിക പരിശോധന - Sachingnair തീയ്യതി: 15/ 04/ 2020 >> രചനാവിഭാഗം - കവിത