ഗവ. എച്ച്. എസ്. തച്ചങ്ങാട്/പ്രാദേശിക പത്രം
സ്കൂൾ പ്രവേശനോത്സവം 2017 ജൂണ് 1
തച്ചങ്ങാട് ഗവ ഹൈസ്കൂൾ പ്രവേശനോത്സവം വൈവിധ്യ മാർന്ന പരിപാടികളോടെ തുടക്കം കുറിച്ചു. വർണ്ണ തൊപ്പിയും ബലൂണുകളുമായി എത്തിയ ഒന്നാം ക്ളാസ്സിലെയും പ്രീ-പ്രൈമറി ക്ലാസ്സിലെയും വിദ്യാർത്ഥികളെ പ്രവേശ നോത്സവ ഗാനത്തോടെ ആനയിച്ചു . തുടർന്ന് സി.പി .വി വിനോദ്കുമാർ മാസ്റ്റർ കുട്ടിപ്പാട്ടുകൾ പാടി രസിപ്പിച്ചു . പ്രവേശനോത്സവം പള്ളിക്കര ഗ്രാമ പഞ്ചായത്ത് വികസന സ്റ്റാന്റിംഗ് കമ്മിറ്റി ചെയർ പേഴ്സൺ ലക്ഷ്മി ഉദ്ഘാടനം ചെയ്തു.പി.ടി.എ പ്രസിഡന്റ് വി.വി സുകുമാരൻ അധ്യക്ഷത വഹിച്ചു . എസ്.എം.സി ചെയർ മാൻ വി.കെ ഗോപാലൻ, മദർ പി.ടി.എ പ്രസിഡന്റ് സുജാത ബാലൻ, പി.ടി.എ എക്സിക്യൂട്ടീവ് കമ്മിറ്റി അംഗങ്ങൾ ആശംസകൾ നേർന്നു . തുടർന്ന് പൂർവ്വ വിദ്യാർത്ഥികൾ പ്രീ പ്രൈമറി കുട്ടികൾക്ക് യൂണിഫോം വിതരണം ചെയ്തു . അധ്യാപകരുടെയും പി ടി എ പഞ്ചായത്ത് വക ഒന്നാം ക്ലാസ്സിലെ മുഴുവൻ കുട്ടികൾക്കും ബാഗ്,കുട വിതരണം ചെയ്തു. ഹെഡ് മിസ്ട്രസ് ഭാരതി ഷേണായ് സ്വാഗതവും സ്റ്റാഫ് സെക്രട്ടറി വിജയകുമാർ നന്ദിയും പറഞ്ഞു. തുടർന്ന് എല്ലാ കുട്ടികൾക്കും രക്ഷിതാക്കൾക്കും പായസ വിതരണവും നടത്തി.
സ്വാതന്ത്ര്യദിന മെഗാഡിജിറ്റല് ക്വിസ്സ് ശ്രദ്ധേയമായി ( 15-08-2017)
കാഞ്ഞങ്ങാട് :കാഞ്ഞങ്ങാട് ടൗണ് ലയണ്സ് ക്ലബിന്റേയും തച്ചങ്ങാട് ഗവ: ഹൈസ്ക്കൂളിന്റേയും സംയുക്താഭിമുഖ്യത്തില് സ്വാതന്ത്രദിനത്തില് നടന്ന ബേക്കല് സബ്ജില്ലാതല മെഗാഡിജിറ്റല് ക്വിസ്സ് ശ്രദ്ധേയമായി. സബ്ജില്ലയിലെ 8ഒാളം ടീമുകളില് ജി.എച്ച്.എസ് രാവണേശ്വരത്തെ ഹരിത.എ, അഭിനന്ദ്.കെ ഒന്നാംസ്ഥാനവും, ജി.എച്ച്.എസ്.ബാരയിലെ ആര്യനന്ദ.കെ,അര്ജുന്.കെ.വി.രണ്ടാം സ്ഥാനവും കരസ്ഥമാക്കി.വിജയികള്ക്കുള്ള സമ്മാനം കാഞ്ഞങ്ങാട് ടൗണ് ലയണ്സ് ക്ലബ് പ്രസിഡണ്ട് ഡോ-ശശിരേഖ വിതരണം ചെയ്തു.സമാപന യോഗം പള്ളിക്കര ഗ്രാമപഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്പേര്സണ് പി.ലക്ഷ്മി ഉദ്ഘാടനം ചെയ്തൂ.പി.ടി.എ പ്രസിഡന്റ് കെ.ബാബു അധ്യക്ഷന് വഹിച്ചു. ലയണ്സ് ക്ലബ്ബ് ഭാരവാഹികളായ എന്.ആര് പ്രശാന്ത്,രഞ്ജു,കെ.ചന്ദ്രന്,പ്രജീഷ് കൃഷ്ണന്,വികസനസമിതി വി.വി സുകുമാരന്,മദര് പി.ടി.എ പ്രസിഡണ്ട് സുജാത ബാലന് സീനിയര് അസിസ്റന്റ് എ.എസ്.എ.ഷെറൂള്, സ്റ്റാഫ് സെക്രട്ടറി വിജയകുമാര് ,വി.കെ ഗോപാലന്,അശോക കുമാര് ആശംസകള് നേര്ന്ന് സംസാരിച്ചു. അധ്യാപകരായ ഡോ.സുനില് കുമാര്,അഭിലാഷ് എം ക്വിസ് മത്സരത്തിന് നേതൃത്വം നല്കി.ഭാരതിഷേണായി സ്വാഗതവും ലയണ്സ് ക്ലബ്ബ് ട്രഷറല് സി.പി.വി.വിനോദ് കുമാര് നന്ദിയും പറഞ്ഞു.
സംസ്കൃത സഹവാസ ക്യാമ്പിന് തച്ചങ്ങാട് ഗവ.ഹൈസ്കൂളില് തുടക്കമായി(01-09-2017)
തച്ചങ്ങാട് : ബേക്കല് ഉപജില്ലാതല സംസ്കൃത സഹവാസ ക്യാമ്പ് തച്ചങ്ങാട് ഗവ.ഹൈസ്കൂളില് ആരംഭിച്ചു. രണ്ട് ദിവസമായി നടക്കുന്ന സംസ്കൃത പഠന ക്യാമ്പിന്റെ ഔപചാരികമായ ഉദ്ഘാടനം കാഞ്ഞങ്ങാട് ഡി.വൈ.എസ്.പി ശ്രീ.കെ.എസ്.ദാമോദരന് നിര്വ്വഹിച്ചു. പി.ടി.എ പ്രസിഡണ്ട് അദ്ധ്യക്ഷത വഹിച്ചു. ഡോ.കെ.സുനില് കുമാര്, ഷിജു.എം.ടി, കെ.കൃഷ്ണപ്രസാദ്, കെ.മധു എന്നിവര് സംസാരിച്ചു. യോഗത്തിന് പ്രധാനാധ്യാപിക ശ്രീമതി ഭാരതി ഷേണായി സ്വാഗതവും എസ്.പി കേശവന് നന്ദിയും പറഞ്ഞു. നൂറിലധികം കുട്ടികള് പങ്കെടുക്കുന്ന ക്യാമ്പ് ശനിയാഴ്ച വൈകീട്ട് സമാപിക്കും.