ജി. എച്ച്. എസ്. എസ്. ഉദിനൂർ
| ജി. എച്ച്. എസ്. എസ്. ഉദിനൂർ | |
|---|---|
| വിലാസം | |
ഉദിനൂര്‍ കാസര്‍ഗോഡ് ജില്ല | |
| സ്ഥാപിതം | 01 - 06 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കാസര്‍ഗോഡ് |
| വിദ്യാഭ്യാസ ജില്ല | കാഞ്ഞങ്ങാട് |
| സ്കൂൾ ഭരണ വിഭാഗം | |
| മാദ്ധ്യമം | മലയാളം |
| അവസാനം തിരുത്തിയത് | |
| 25-06-2017 | Surendrank |
കാസര്‍ഗോഡ്.
ചരിത്രം
[[1981 - 82 കാലത്ത് പടന്ന പഞ്ചായത്ത് വൈസ് പ്രസിഡണ്ടായിരുന്ന ശ്രീ. എം. പി. കണ്ണന്‍ ഉദിനൂര്‍ ഗ്രാമത്തിന്റെ വിദ്യാഭ്യാസ പിന്നോക്കാവസ്ഥ കണക്കിലെടുത്ത് നാട്ടുകാരുടെ ഒരു യോഗം വിളിച്ചു ചേര്‍ത്തു. ഈ യോഗത്തില്‍ അമ്പതോളം പേരടങ്ങുന്ന ഒരു വെല്‍ഫേര്‍ കമ്മിറ്റി രൂപീകരിച്ചു. ശ്രീ. കെ. വി. രാഘവന്‍ മാസ്റ്റര്‍ പ്രസിഡണ്ടും ശ്രീ. വി. കെ. ദാമോദരന്‍ കണ്‍വീനറുമായ കമ്മിറ്റിയാണ് പ്രാരംഭ പ്രവര്‍ത്തനം തുടങ്ങിയത്. അന്നത്തെ ഏകാധ്യാപകന്‍ ശ്രീ. സുബ്രഹ്മണ്യന്‍ മാസ്റ്റര്‍ എട്ടാം തരം ക്ലാസ്സോടെ സ്കൂള്‍ പ്രവര്‍ത്തനം ആരംഭിച്ചു. പടന്ന പഞ്ചായത്തിന്റെയും നാട്ടുകരുടെയും ശ്രമ ഫലമായി മൂന്ന് ഏക്കര്‍ സ്ഥലം സര്‍ക്കാറില്‍ നിന്ന് സ്കൂളിന് ലഭിച്ചു.]]
സ്കൂള്‍ പ്രവര്‍ത്തനങ്ങള്‍
കുട്ടി പോലീസ് ആകാന്‍ ഇക്കുറിയും വമ്പന്‍ പട
ഈ വര്‍ഷം എട്ടാം ക്ലാസ്സിലേക്ക് പ്രവേശനം നേടിയ കുട്ടികളുടെ എണ്ണത്തിലുള്ള വര്‍ദ്ദനവില്‍ ജില്ലയില്‍ ഒന്നാമതായ ഉദിനൂര്‍ ഗവ.ഹയര്‍ സെക്കന്ററി സ്കൂളില്‍ കുട്ടിപോലീസാകാന്‍ കുട്ടികളുടെ വന്‍നിര.22 ആണ്‍കുട്ടികളും 22 പെണ്‍കുട്ടികളും ഉള്‍പെടെ 44 പേര്‍ അടങ്ങുന്ന ജൂനിയര്‍ ബാച്ച് സെലക്ഷന് 149 പേരാണ് അപേക്ഷിച്ചത്.സ്ക്രീനിംഗ് ടെസ്റ്റില്‍ വിജയിച്ച 119 പേര്‍ക്ക് വേണ്ടി കായികക്ഷമതാ പരീക്ഷ നടത്തി.100മീറ്റര്‍,400മീറ്റര്‍,സ്റ്റാന്‍ഡിംഗ് ബ്രോഡ് ജംബ്,ഷോട്ട് പുട്ട്,ക്രിക്കറ്റ് ബോള്‍ ത്രോ,ഷട്ടില്‍ റിലേ ,വെര്‍ട്ടിക്കല്‍ ജംബ്,പുഷ് അപ് എന്നീ എട്ടിനങ്ങളില്‍ അഞ്ചിനങ്ങളില്‍ വിജയിച്ച കുട്ടികള്‍ക്കുവേണ്ടി എഴുത്തു പരീക്ഷനടത്തിയാണ് ഫൈനല്‍ സെലക്ഷന് നടത്തുന്നത്.പ്രൈമറി ക്ലാസ്സുകളില്‍ പാഠ്യേതരവിഷയങ്ങളില്‍ ലഭിച്ച സര്‍ട്ടിഫിക്കറ്റുകള്‍,ഏഴാം തരത്തില്‍ വാര്‍ഷിക പരീക്ഷയിലെ ഗ്രേഡ്,മെഡിക്കല്‍ ഫിറ്റ്സ് സര്‍ട്ടിഫിക്കറ്റ് എന്നിവ ഫൈനല്‍ സെലക്ഷന് പരിഗണിക്കുന്നുണ്ട്.എട്ടാം ബാച്ചിലേക്കുള്ള സെലക്ഷന് അഡീഷണല്‍ എസ്സ് ഐ കെ വി ചന്ദ്രബാനു,എ എസ്സ് ഐ ബാബൂ കുപ്ലേരി,ഡി ഐ മാരായ കെ വി ലതീഷ് എം ഷൈലജ,റികേഷ്,പി പി അശോകന്‍, പുഷ്പ കോയ്യോന്‍ എന്നിവര്‍ നേതൃത്വം നല്‍കി.l
ഉദിനൂര്‍ സ്കൂള്‍ വികസന സെമിനാര്‍- ഒന്നേകാല്‍ കോടിയുടെ വാഗ് ദാനം ഉദിനൂര്‍ ഗവ ഹയര്‍ സെക്കന്ററി സ്കൂളില്‍ സംഘടിപ്പിച്ച വികസന സെമിനാറില്‍ കാസറഗോഡ്
എം.പി. ശ്രീ പി കരുണാരകരന്‍ 40 ലക്ഷം രൂപയും തൃക്കരിപ്പുര്‍ എം എല്‍ എ ശ്രീ എം രാജഗോപാലന്‍ അവര്‍കളുകളുടെ വികസന ഫണ്ടില്‍ നിന്ന് 75 ലക്ഷം രൂപയും സ്പോണ്‍സര്‍ ചെയ്തു.പേരറിയിക്കാന്‍ ആഗ്രഹിക്കാത്ത പൂര്‍വ്വവിദ്യാര്‍ത്ഥികളായ 2 പേര്‍ നല്‍കിയ സ്വര്‍ണ്ണമാല ഉദ്ഘാടകനായ പി കരുണാരകരന്‍ സ്കൂളിന് വേണ്ടി എററുവാങ്ങി. ഒന്നേ കാല്‍ ലക്ഷം രൂപ പൂര്‍വ്വവിദ്യാര്‍ത്ഥി ഇ.കെ
രാജേഷ് ഈയ്യക്കാട് സംഭാവന നല്‍കി.50000 രൂപ ശ്രീ പി.പി. കുഞ്ഞിക‌ൃഷ്ണന്‍ മാസ്ററര്‍ പി.ടി.എ പ്രസിഡണ്ട് സംഭാവന നല്‍കി. 7പേര്‍ 5000 രൂപ സദസില്‍ വെച്ച് കൈമാറി.ഏകദേശം
22 കോടി രൂപയുടെ വികസന പ്രവര്‍ത്തനങ്ങളാണ് വിഭാവനം ചെയ്തത്.വികസന സമിതി രൂപീകരിച്ച് തുടര്‍ പ്രവര്‍ത്തനങ്ങള്‍ അസൂത്രണം ചെയ്യുകയുണ്ടായി.
സ്വാഗതം. ശ്രീമതി ഷീല കുഞ്ഞിപ്പുരയില്‍(പ്രിന്‍സിപ്പല്‍)
ഉദ്ഘാടനം ശ്രീ പി കരുണാരകരന്‍ എം.പി
വികസന രേഖ അവതരണം ശ്രീ പി.പി. കുഞ്ഞിക‌ൃഷ്ണന്‍ മാസ്ററര്‍ പി.ടി.എ പ്രസിഡണ്ട്
അദ്യക്ഷ ശ്രീമതി പി.സി.ഫൗസിയ (പ്രസിഡണ്ട് പടന്ന ഗ്രാമപഞ്ചായത്ത്) ശ്രീ കെ കുഞ്ഞമ്പു ,പി.സി.മുസ്തഫ ഹാജി,കെ.വി.ഗോപാലന്‍, വി.കെ ഹനീഫ ഹാജി,കെ രമേശന്‍,ഇ.പി.വിജയകുമാര്‍ (മുന്‍ ഹെഡ് മാസാററര്‍),ശ്രീമതി കെ.പൂമണി,ശ്രീ.കെ രാജീവന്‍,
വിനയകുമാര്‍ (സ്ററാഫ് സെക്രട്ടറി) തുടങ്ങിയവര്‍ ആശംസകള്‍ അറിയിച്ച് സംസാരിച്ചു. ശ്രീമതി കെ .ഇന്ദിര (എച്ച്.എം ചാര്‍ജ് ) നന്ദിയും അറിയിച്ചു.
ഉദിനൂര്‍ ഹൈസ്കൂളിന്റെ ഫുട്‌ബോള്‍ മികവിന് പുത്തനുണര്‍വ്വായി പെണ്‍കുട്ടികള്‍ ഒരുങ്ങുന്നു
സംസ്ഥാന സുബ്രതോമുഖര്‍ജി ഫുട്‌ബോള്‍ ചാമ്പ്യന്‍ഷിപ്പില്‍ ഉള്‍പ്പെടെ മികവ് തെളിയിച്ച ഉദിനൂര്‍ ഗവ.ഹയര്‍ സെക്കന്ററി സ്കൂള്‍ പെണ്‍കുട്ടികളുടെ വിഭാഗത്തില്‍ കൂടി മത്സരിക്കുവാന്‍ ഒരുങ്ങുന്നു.എല്ലാ വര്‍ഷവും സ്കൂളില്‍ എട്ടാം ക്ലാസ്സിലേക്ക് പ്രവേശനം തേടുന്ന കുട്ടികള്‍ക്ക് ഏപ്രില്‍,മെയ് മാസങ്ങളില്‍ സംഘടിപ്പിക്കാറുള്ള കോച്ചിംങ് ക്യാമ്പിലാണ് ഈ വര്‍ഷം പെണ്‍കുട്ടികളേയും ഉള്‍പ്പെടുത്തിയത്.20 പെണ്‍കുട്ടികളാണ് നിത്യേന ആവേശത്തോടെ പരിശീലനത്തിലേര്‍പ്പെടുന്നത്.38 ആണ്‍കുട്ടികളും പരിശീലനത്തില്‍ പങ്കെടുക്കുന്നു.ഒരു വര്‍ഷം കൊണ്ട് പെണ്‍കുട്ടികള്‍ മത്സരസജ്ജരാകുമെന്ന പ്രതീക്ഷയിലാണ് കായികാധ്യാപകരായ പി പി അശോകനും വി പി ജയകുമാറും.സംസ്ഥാന വനിതാ ഫുട്‌ബോള്‍ താരം സുബിത പൂവട്ട,രമേശന്‍ കിഴക്കൂല്‍,കെ ശരത് എന്നിവരാണ് പരിശീലനത്തിന് നേതൃത്വം നല്‍കുന്നത്.
പ്രകൃതിയെ അറിഞ്ഞാസ്വദിച്ച് കുട്ടിപോലീസ്
പഠനത്തിനുവേണ്ടി പ്രകൃതിയുടെ വാതായനങ്ങള്‍ തുറന്നപ്പോള്‍ കുട്ടികള്‍ക്ക് വിസ്മയലോകത്തെത്തിയ അനുഭവമായി.ഉദിനൂര്‍ ഗവ,ഹയര്‍ സെക്കന്ററി സ്കൂള്‍ സ്റ്റുഡന്റ് പോലീസ് ക്യാമ്പിലെ കുട്ടികളാണ് പ്രകൃതിപഠനത്തിനായി ഫീല്‍ഡ് ട്രിപ്പ് നടത്തിയത്,നാട്ടുനന്മകളും നാട്ടറിവുകളും അന്വഷിച്ചും നാട്ടുപാരമ്പര്യത്തിന്റെ അടിത്തറതേടിയുമുള്ളയാത്ര പുതിയ കാലഘട്ടത്തിന്റെ തെറ്റായദിശയില്‍ നിന്നുള്ള മാറ്റം അനിവാര്യമാണെന്നതിരിച്ചറിവാണ് നല്‍കിയത്.ആനന്ദ് പേക്കടം യാത്രയ്ക് നേതൃത്വം നല്‍കി.മൂന്നു ദിവസത്തെ ക്യാമ്പിന്റെ ഭാഗമായി വ്യക്തിശുചിത്വം,ഇലക്ട്രോണിക് ബാങ്കിംഗ്,മാധ്യമങ്ങളുടെ പ്രസക്തി ,വ്യക്തിത്വ വികസനം,ഔഷധസസ്യങ്ങളുടെ പ്രാധാന്യം,കൃഷി പ്രഥമശുശ്രൂഷ എന്നീ വിഷയങ്ങളില്‍ ക്ലാസ്സ് നടന്നു.എല്ലാ ദിവസങ്ങളിലും രാവിലെ റോഡ് വാക്ക് ആന്റ് റണ്‍,യോഗ,പരേഡ് എന്നിവ ഉണ്ടായിരുന്നു.സമാപനയോഗം പ്രിന്‍സിപ്പാള്‍ ഷീലകുഞ്ഞിപ്പുരയില്‍ ഉല്‍ഘാടനം ചെയ്തു.ചടങ്ങില്‍ വെച്ച് ഹെഡ്മാസ്റ്റര്‍ ഇ പി വിജയകുമാര്‍, എ ഡി എന്‍ ഒ കെ രവി, എസ്സ് ഐ മാരായ ടി പി ശശിധരന്‍,വി വി മോഹനന്‍,കബഡി കോച്ച് ഇ ഭാസ്കരന്‍ എന്നിവരെ ആദരിച്ചു.നീലേശ്വരം എസ്സ് ഐ വി ഉണ്ണികൃഷ്ണന്‍ ഉപഹാരം നല്‍കി.പി പി അശോകന്‍, രമേശന്‍ കിഴക്കൂല്‍,കെ വി ലതീഷ്,എം ഷൈലജ എന്നിവര്‍ സംസാരിച്ചു.
ഭൗതികസൗകര്യങ്ങള്‍
മൂന്ന് ഏക്കര്‍ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5 കെട്ടിടങ്ങളിലായി 20 ക്ലാസ് മുറികളും ഹയര്‍ സെക്കണ്ടറിക്ക് ഒരു കെട്ടിടത്തിലായി 8 ക്ലാസ് മുറികളുമുണ്ട്. കൂടാതെ ഹൈസ്ക്കൂള്‍ വിഭാഗത്തിനും ഹയര്‍സെക്കന്ററി വിഭാഗത്തിനും പ്രത്യേകം പ്രത്യേകം സയന്‍സ് ലാബുകളും വിശാലമായ ഒരു മള്‍ട്ടീമീഡിയ റൂമും ഉണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.
ഹൈസ്കൂളിനും ഹയര്‍സെക്കണ്ടറിക്കും വെവ്വേറെ കമ്പ്യൂട്ടര്‍ ലാബുകളുണ്ട്. രണ്ട് ലാബുകളിലുമായി ഏകദേശം 40 കമ്പ്യൂട്ടറുകളുണ്ട് . രണ്ട് ലാബുകളിലും ബ്രോഡ്ബാന്റ് ഇന്റര്‍നെറ്റ് സൗകര്യം ലഭ്യമാണ്.
പാഠ്യേതര പ്രവര്‍ത്തനങ്ങള്‍
- സ്കൗട്ട് & ഗൈഡ്സ്
- ഹരിത സേന
- ക്ലബ്ബ് പ്രവര്‍ത്തനങ്ങള്‍.
- ക്ലാസ് മാഗസിന്‍
- വിദ്യാരംഗം കലാ സാഹിത്യ വേദി
- എന്‍.എസ്.എസ്
- സ്ററുഡന്‍സ് പോലീസ് കേഡറ്റ് (SPC)
മുന്‍ സാരഥികള്‍
സ്കൂളിന്റെ മുന്‍ പ്രധാനാദ്ധ്യാപകര്‍.
| 31 .11 .1981 മുതല്‍ 21 .03 .1984 വരെ | കെ. എം സുബ്രഹ്മണ്യന്‍ |
| 22 .03 .1984 മുതല്‍ 31 .05 .1985 വരെ | എസ്. വിജയമ്മ |
| 01 .06 .1985 മുതല്‍ 22 .06 .1985 വരെ | ടി. കെ. കുഞ്ഞിരാമന്‍ |
| 23 .06 .1985 മുതല്‍ 12 .09 .1986 വരെ | എസ്. രവീന്ദ്രന്‍ |
| 12 .09 .1986 മുതല്‍ 15 .07 .1987 വരെ | പി.പി. ഉണ്ണിക്കൃഷ്ണന്‍ നായര്‍ |
| 16 .07 .1987 മുതല്‍ 31 .05 .1989 വരെ | ജോണ്‍ മാത്യു |
| 01 .06 .1989 മുതല്‍ 31 .05 .1992 വരെ | വി. മുകുന്ദന്‍ |
| 01 .06 .1992 മുതല്‍ 18 .06 .1992 വരെ | എ. രാമകൃഷ്ണന്‍ |
| 19. 06 .1992 മുതല്‍ 31 .03 .1993 വരെ | ഏ. വി. കുഞ്ഞിക്കണ്ണന്‍ |
| 01 .04 .1993 മുതല്‍ 27 .06 .1993 വരെ | എ. എം. ഹരീന്ദ്രനാഥന്‍ |
| 28 .06 .1993 മുതല്‍ 18 .06 .1994 വരെ | എ. ജമീല ബീവി |
| 19 .06 .1994 മുതല്‍ 16 .05 .1995 വരെ | പി. എം. കെ. നമ്പൂതിരി |
| 17 .05 .1995 മുതല്‍ 06 .07 .1995 വരെ | സി. എം. വേണുഗോപാലന്‍ |
| 07 .07 .1995 മുതല്‍ 25 .07 .1995 വരെ | കെ. സൗമിനി |
| 26 .07 .19൯5 മുതല്‍ 31 .03 .1996 വരെ | പി. പി. നാരായണന്‍ |
| 01 .04 .1996 മുതല്‍ 23 .05 .1996 വരെ | കെ. സൗമിനി |
| 24 .05 .1996 മുതല്‍ 24 .12 .1998 വരെ | ഇ. ജി. സുഭദ്രാകുഞ്ഞി |
| 25 .12 .1998 മുതല്‍ 09 .05 .1999 വരെ | വി.എം. ബാലകൃഷ്ണന്‍ |
| 10 .05 .1999 മുതല്‍ 31 .03 .2001 വരെ | ടി. അബ്ദുള്‍ ഖാദര്‍ |
| 01 .04 .2001 മുതല്‍ 31 .05 .2001 വരെ | ലീലാമ്മ ജോസഫ് |
| 01 .06 .2001 മുതല്‍ 18 .03 .2002 വരെ | കെ. ഉമാവതി |
| 19 .03 .2002 മുതല്‍ 02 .06 .2004 വരെ | ടി.വി. മുസ്തഫ |
| 03 .06 .2004 മുതല്‍ 27 .06 .2004 വരെ | സി. എം. വേണുഗോപാലന്‍ |
| 28 .06 .2004 മുതല്‍ 03 .06 .2005 വരെ | പി. കെ. സുലോചന |
| 04 .06 .2005 മുതല്‍ 31 .07 .2005 വരെ | സി. എം. വേണുഗോപാലന്‍ |
| 01 .08 .2005 മുതല്‍ 06 .08 .2006 വരെ | കെ. വസന്ത |
| 07 .08 .2006 മുതല്‍ 06 .06 .2007 വരെ | സി. കെ. മോഹനന്‍ |
| 06 .06 .2007 മുതല്‍ 03 .06 .2008 വരെ | എ. വേണുഗോപാലന്‍ |
| 04 .06 .2008 മുതല്‍ 29.03.2010 വരെ | കെ. എം. വിനയകുമാര്‍ |
| 30 .03 .2010 മുതല്‍ 25.05.2010 വരെ | വി. സുധാകരന്‍ |
| 26 .05 .2010 മുതല്‍ 30.05.2012 വരെ | സി. എം. വേണുഗോപാലന്‍ |
| 30 .06 .2012 മുതല്‍ 30.03.2014 വരെ | കെ രവിന്ദ്രന്‍ |
| 05 .06 .2014 മുതല്‍ 30.04.2016 വരെ | എ ശശിധരന്‍ അടിയോടി |
| 12 .06 .2016 മുതല്‍ | ഇ പി വിജയകുമാര്‍ |
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
|
{{#multimaps:12.1660,75.1451 |zoom=13}}