ജി.എച്ച്.എസ്സ്.എസ്സ്. വളയം/വിദ്യാരംഗം/2025-26
വായന വാരാചരണം
വിദ്യാരംഗം കലാവേദിയുടെയും, വായനദിനത്തിന്റെയും ഉദ്ഘാടനം, വായനദിനമായ ജൂൺ 19 ന് സ്കൂൾഹാളിൽ വെച്ച് , പിടിഎ പ്രസിഡന്റും, എഴുത്തുകാരനുമായ ശ്രീ. പി പി സജിലേഷ് നിർവഹിച്ചു. വിദ്യാരംഗം സ്കൂൾതല കോർഡിനേറ്റർ ശ്രീരശ്മി ടീച്ചർ സ്വാഗതം പറഞ്ഞു. ഹെഡ്മാസ്റ്റർ മഹേഷ് മാസ്റ്റർ അധ്യക്ഷസ്ഥാനം അലങ്കരിച്ചു. ലൈബ്രേറിയനും, മലയാളം അധ്യാപികയുമായ ശിവപ്രിയ ടീച്ചർ, സുരേന്ദ്രൻ മാസ്റ്റർ എന്നിവർ ആശംസകൾ അർപ്പിച്ചു. യു പി തലം വിദ്യാരംഗം കോർഡിനേറ്റർ റംല ടീച്ചർ "വാക്കുകളുടെ പൂക്കാലം" പദ്ധതി (വായന പരിപോഷണ പദ്ധതി) യെ പറ്റി വിവരിച്ചു. അതോടൊപ്പം നന്ദി പ്രകാശിപ്പിക്കുകയും ചെയ്തു. വായന വാരാചരണത്തിന്റെ ഭാഗമായി കഥാരചന, കവിതാരചന, സാഹിത്യക്വിസ്സ്, ചിത്രരചന, രക്ഷിതാക്കൾക്കുള്ള ക്വിസ്, പുസ്തകാസ്വദനം തുടങ്ങിയ പ്രവർത്തനങ്ങൾ സംഘടിപ്പിച്ചു.
മൽസര വിജയികൾ
സാഹിത്യ ക്വിസ് - ആരുഷ് എസ്ജി, ആർദ്ര പിപി
കഥാരചന - നയന പി 9ബി, അൻവിയ യു കെ 9ബി, സാൽവിൻ സന്തോഷ് 9സി
പുസ്തകാസ്വാദനം - ലിയോണ 10എ, ആൻവിയ 8ബി, വൈഗ വിനോദ് 8എ
സാഹിത്യ സെമിനാർ- ദയ വി ചന്ദ്രൻ, ആൻവിയ ജെ എസ്, വൈഗലക്ഷ്മി
വാങ്മയം
ഭാഷാപ്രതിഭ സ്കൂൾ തല പരീക്ഷയിൽ ആരുഷ് എസ് ജി, ശ്രിയലക്ഷ്മി, ലിയോണ എന്നിവർ യഥാക്രമം ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി. ഉപജില്ലാപരീക്ഷയിൽ ശ്രിയലക്ഷ്മി മൂന്നാംസ്ഥാനം നേടി.
വായനോത്സവം
വിദ്യരംഗം കലാസാഹിത്യവേദിയും സ്റ്റേറ്റ് ലൈബ്രറി കൗൺസിലും സംയുക്തമായി സംഘടിപ്പിച്ച അഖിലകേരള വായനോത്സവത്തിൽ ഒന്ന്, രണ്ട്, മൂന്ന് സ്ഥാനങ്ങൾ നേടിയ ആരുഷ് എസ് ജി, ശ്രിയലക്ഷ്മി, ആർദ്ര പിപി.
