ഗവ.എൽ.പി.എസ്.മുടിപ്പുരനട വെങ്ങാനൂർ/ക്ലബ്ബുകൾ/2025-26

റേഡിയോ ക്ലബ്

നമ്മുടെ സ്കൂളിലെ കൊച്ചു കൂട്ടുകാരുടെ സർഗ്ഗ ശേഷികൾ വികസിപ്പിക്കാനും മികച്ച ആശയവിനിമയശേഷി കൈവരിക്കാനുമായി 2019നു ആരംഭിച്ച റേഡിയോ ക്ലബ് അതിന്റെ ജൈത്രയാത്ര തുടരുന്നു. കുട്ടികൾ തന്നെ റേഡിയോ ജോക്കിയായും കലാവിരുന്നുകൾ അവതരിപ്പിക്കാനും എത്തുന്നു. ഇതിൽ അതിഥികളായി  എത്തുന്നത് കലാ കായിക ആരോഗ്യ സാംസ്കാരിക രംഗങ്ങളിലെ പ്രശസ്ത പ്രതിഭകളാണ്.

          കുട്ടികൾ വളരെ ആവേശത്തോടെയാണ് ഇതിൽ പങ്കെടുക്കുന്നത്. കുട്ടികളെ ഗ്രൂപ്പുകളായി തിരിച്ചു നേരിട്ടുള്ള അവതരണമാണ് ആദ്യ ഘട്ടത്തിൽ തുടർന്നിരുന്നത്. കൊറോണ മൂലം സ്കൂളുകൾ അടച്ചപ്പോൾ കുട്ടികൾക്ക് വീടുകളിൽ ഇരുന്ന് അവതരിപ്പിക്കാനും കേൾക്കാനും അവസരമൊരുക്കി ഇവിടത്തെ അധ്യാപകർ. പോസ്റ്റർ തയ്യാറാക്കുന്നതും ഓഡിയോ മിക്സിങ്ങും മാത്രം അധ്യാപകരുടെ കൈകളിലൂടെ. ഈ പ്രതിസന്ധിഘട്ടത്തിലും ആഴ്ചയിലൊരിക്കൽ ഓരോ ക്ലാസ്സുകാർ ഒരു പ്രോഗ്രാം എന്ന രീതിയിൽ അവതരിപ്പിക്കുന്നു.  

 

ഇംഗ്ലീഷ് ക്ലബ്

സ്കൂളിലെ 20 കുട്ടികളെ ഉൾപ്പെടുത്തി ഇംഗ്ലീഷ് ക്ലബ് രൂപീകരിക്കുകയും പ്രവർത്തനങ്ങൾ നൽകി വരുകയും ചെയ്യുന്നു .ആഴ്ചയിൽ ഒരു ദിവസമാണ് മീറ്റിങ് സംഘടിപ്പിക്കുന്നത്. ഗ്രാമർ ,ലാംഗ്വേജ് ഗെയിംസ്, വേർഡ് ഗെയിംസ്, റിഡിൽസ്, പസിലുകൾ തുടങ്ങിയവ കുട്ടികൾ പരിചയപ്പെടുന്നു

ഗണിതക്ലബ്‌

2025 26 അധ്യായന വർഷത്തിൽ മാത്സ് ക്ലബ്ബിന്റെ നേതൃത്വത്തിൽ 20 കുട്ടികളെ ഉൾപ്പെടുത്തി മാത്സ് ക്ലബ് രൂപീകരിച്ചു. 20 കുട്ടികൾ നിന്നും ഒരു പ്രസിഡൻ്റിനെയും സെക്രട്ടറിയെയും തിരഞ്ഞെടുത്തു. മാത്സ് ക്ലബിൻ്റെ നേതൃത്വത്തിൽ മൈത്രി സ്റ്റോർ ആരംഭിക്കുകയും ചെയ്തു. ശാസ്ത്രമേളയിൽ ഗണിതവുമായി ബന്ധപ്പെട്ട് പസിൽ ജോമട്രിക്കൽ , ചാർട്ട് എന്നിവയിൽ നമ്മുടെ വിദ്യാലയത്തിൽ നിന്നും കുട്ടികൾപങ്കെടുക്കുകയും A grade കരസ്ഥമാക്കുകയും ചെയ്തു. കുട്ടികളിൽ ഗണിത താൽപര്യം വളർത്തുന്നതിനും കണക്കിന്റെ മൂല്യം മനസ്സിലാക്കി ഉപയോഗപ്പെടുത്തേണ്ടത് എങ്ങനെയാണെന്ന് മനസ്സിലാക്കാൻ ഗണിത ക്ലബ്ബിന്റെ പ്രവർത്തനങ്ങൾ വളരെ ഉപയോഗപ്രദമാണ്.