ജി എൽ പി എസ് പൈങ്ങോട്/പ്രവർത്തനങ്ങൾ/2025-26
പ്രവേശനോത്സവം
2025-26 അധ്യയന വർഷത്തെ പ്രവേശനോത്സവം ജൂൺ 2 ന് വെള്ളാങ്കല്ലൂർ ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീ ഉണ്ണികൃഷ്ണൻ കുറ്റിപ്പറമ്പിൽ ഉദ്ഘാടനം ചെയ്തു. മുൻപഞ്ചായത്ത് പ്രസിഡണ്ട് ശ്രീ.എം.എം മുകേഷ് ആ ധ്യക്ഷ്യം വഹിച്ചു. ആത്മ ക്ലബ് പ്രസിഡണ്ട് അക്ഷയ്, PTA പ്രസിഡണ്ട് സുമിത്ര, OSA പ്രസിഡണ്ട് നന്ദൻ മാസ്റ്റർ എന്നിവർ ആശംസകൾ അർപ്പിച്ചു. നവാഗതരായ കുട്ടികളെ തൊപ്പി നൽകി സ്വീകരിച്ചു. എല്ലാവരും ചേർന്ന് പ്രവേശനോത്സവഗാനം ആലപിച്ചു. എല്ലാവർക്കും പഠനോപകരണങ്ങൾ വിതരണം ചെയ്തു. എല്ലാവർക്കും മധുരം നൽകി. സാമ്പാർ, കാബേജ്, പപ്പടം അച്ചാർ, പായസം എന്നിവയോടു കൂടിയ ഉച്ചഭക്ഷണം നൽകി. അങ്ങനെ ഈ വർഷത്തെ പ്രവേശനോത്സവം വളരെ ഭംഗിയായി സമാപിച്ചു
വായനാദിനം
ജൂൺ 19 വായനാദിനം എഴുത്തുകാരനും നാടകരചയിതാവുമായ എം.എരാധാകൃഷ്ണൻ ഉദ്ഘാടനം ചെയ്തു കുട്ടികൾ വിവിധ പരിപാടികൾ അവതരിപ്പിച്ചു. വായനാദിന ക്വിസിൽ Std 4 ലെ അലൻഹാദി ഒന്നാം സ്ഥാനം നേടി. വിജയികൾക്ക് PTA പ്രസിഡണ്ട് സുമിത്ര സമ്മാനങ്ങൾ വിതരണം ചെയ്തു